أفيدوني ماذا افعل ؟؟؟؟؟

السلام عليكم ورحمة الله وبركاته
يأخواني في منتدى بلي انا بصراحه كتبت هذا الموضوع لانه امر مصيري يخص مستقبلي وحياتي العمليه وانا والله في حيره من أمري .. وحيرتي تكمن في انني
شاب ادرس في الجامعه وبقسم علمي تخصص رياضيات اخر سنه او اخر ترم لي هذا الترم ولكني قررت بعد اربع سنوات ونصف من الدراسه في هذا التخصص الصعب ان اسحب ملفي وألتحق بالسلك العسكري في الامن العام لانني في هذا الترم كانت هناك درجاتي في الاختبارات الدوريه سيئه ويبقى لي في الاختبار النهائي درجات عاليه لكي انجح لاني ضغطت على نفسي في المواد والساعات ويوجد هناك بعض الاشكاليات مع الدكاتره وأنا الان محتار بين ان اكمل اختباراتي اللتي يصعب لي النجاح فيها وبين ان اسحب ملفي والتحق بالعسكريه والله يأخوان لم تعد لي نفس للمذاكره قرفاااااااااااااااااااااااااااااااااااااان ......
ارجو منكم ابدأ رأيكم لي ومشورتكم لي
هل اكمل دراستي ؟
ام هل اسحب ملفي وألتحق في العسكريه ؟

أهلآ بك أخي الشبابي .
هو عليك والحمد لله الأُمور بسطة .
أخي أنت درست وكافحت حتى مابقي الا القليل فستعن بالله واجتهد وأكمل ماتبقى وحاول تصلح أمرك مع الله ثم الدكاترة .واصل دراستك حتى لو اظطريت لأعادت الترم.
وقبل كُل شي نصيحة .استخر استخر استخر الله قبل النوم ونظر أي الأمرين سوف ترتاح له .

ولاتنسى دُعاى الوالدين .

أكمل دراستك أخي الفاضل ..

أخي الفاضل

أسال الله لك التوفيق وأنصحك نصيحه أخويه من محب لك
عليك بالاستخاره

كمل دارستك احسن تعز نفسك وتعز اهلك براتب زين ودسم


احسن من الخفاره ولعنه الوالدين اخر الليل والراتب مايلحق بعضه اخر الشهر


نصيحه عض علي الدارسه بيديك وسنونك

اخي الشبابي

ان سحبت ملفك ودخلت عسكريه هذا ان لقيت وظيفه يعطونك رتبة جندي
والجندي مصيره التعب والكرف من قبل المسؤلين وكأنك لم تدرس نهائي
وكأنك سقطت من اعلى السلم 0

وان صبرت على الترم حتى لو جلست سنتين
تفرح اهلك الذين ينتظرون تخرجك الذي يرفع الراس
ويكون لك مكانه بين المجتمع ومن سار على الدرب وصل0


نصيحه اخويه اصبر وكمل دراستك وصدقني ان هذا مايبيله سؤال
تحياتي

عليك بالاستخاره

اما بنسبه للاستشاره فاشير عليك باكمال دراستك و شيل العسكريه من راسك

مرحبا اخي الكريم

أسمع نصايح أخوانك ...

وكمل دراستك و لا تجعل الشيطان يحبطك في آآآخر ترم لك

وبعد التخرج العسكريه ماهي طايره تسجل فيها

أحسن من تضيع شهادتك اللي تعبت كل هالعمر من أجلها

وجميع أهلك وأصدقائك ينتظروها

فتوكل على الله وأجتهد ولا تضيع وقتك مع الاصحاب الفارغين !!!


وننتظرك بشرنا بتخرج


الله يوفقك يارب




أختك / نوره البلوي

وشو؟؟؟؟؟؟؟؟؟؟؟ تترك الجامعة وتروح لأم عسكرية؟؟؟ وش التفكير هذا؟؟؟؟؟ مع الأسف حنا يا شباب بلي ما نهتم بالدراسة ولا المستقبل زي ما يهتم فيه غيرنا!!! يا أخي حرام عليك!!! لو مو علشانك ..علشان آخر إسم تشيلة..البلوي........والله يوجعني قلبي يوم أشوف المستشفيات بتبوك يترأسها نااس من خارج تبوك !! **تم التحرير **وين أهل الديرة عن إدارة الكليات والبنوك والمؤسسات؟؟؟؟ يا أخي حرررام عليك هذي والله أذا سويتها تكون سويت غلطت عمر!!! ****تم التحرير**** ؟؟ !! ولا أقولك بس أنت روح وشوف بعينك وقيم الوضع بنفسك....والله يا بعض الوظايف لا تسمن ولا تغني من جوووع!! أصبر...وتحداهم..وتعال وأرفع أسم (البلوي) تكفــــــــــــــــــــــــى....

ياولد انت غاوي فقر

**** تم التحرير ****

اعتقد بان لديك مشاكل اسريه حاول قدر المستطاع فصلها عن الدراسه واذا غلبت الروم ولم تستطع دخول الامتحان فيه خيار الحذف وخيار الاعاده

حرام تبيع مستقبلك من اجل ظرف عابر

اتمنى من الباري ان يكشف عنك الغمه وياخذ بيدك الى المعالي

أتمنى من الإخوة وفي حالة تقديم الإستشارة لأخينا المستشير أن لايقللوا من شأن الوظائف العسكرية .

وان لاينال من حماة الوطن (رجال الأمن)

أعطِهْ رأيك بدون مبالغة / فحفظ الأمن والسهر على راحه المواطنين من أشرف الأعمال فهي من الرباط في سبيل الله

ولكم تقديري ..

تحية وتقدير لرجال الأمن البواسل .


والسلام عليكم

أخوي محمد ..كل التقدير لك و لحماة الوطــن ..بس دام بيدك فرصة تكون رئيس بالعسكرية ..ليش تتنازل وتروح جندي؟؟؟

الله يبيض وجهك
اخوي
محمد العصباني هذا الكلام الصحيح

اخر زمان صارت العسكريه عيب
الحمد الله هذا رزق مكتوب لنا

تبي نصيحت أخ ولا بعد شبابي عليك بدراستك والله الوظيفه المدنيه عز

مهما كنت رتبه بس عسكري والله راح تحصل التعب,,

ما أقول غير الله يوفقك بدراستك وشد حيلك ما بقى لك شي..

بالتوفيق أخوي..

مدام وضعك مثل ماذكرت لاتصير مثل بعض الربع ضيّع عمره بالدراسه واخرتها راح للعسكرية.
تعسكر مرداك تستفيد رعاية المستشفى العسكري لأنه افضل مستشفي من غيره .

والله يوفقك بس دور لك تخصص عسكري زين مثل تمريض والا كاتب والا مكان مريّح .
والله يوفقك

ياخوي إتق الله

لا تفرط باقي ترم واحد وتفكر بالعسكرية

انت من كثر التفكير وصلت لمخرج من الهم وهو العسكرية

وأنا أقول لك خطأ هذا التفكير

يا أخي اللي أنت فيه شده وتزول

ولو كل واحد فكر مثل تفكيرك ما أحد دخل جامعه ولا أحد تخرج ..

لا تضيع اللي بنيته سنين من أجل بعض العقبات

تجاوزها واستعن بالحي القيوم والجأ اليه

يذلل لك كل المصاعب ويزيل عنك المتاعب

ولا تفكر كثيراً فالأرزاق بيد الله

وأذكرك بحديث حبيبنا محمد صلى الله عليه وسلم :

( استعن بالله ولا تعجز )

وقال صلى الله عليه وسلم

( ياغلام اني اعلمك كلمات احفظ الله يحفظك احفظ الله تجده تجاهك،
اذا سألت فاسأل الله وإذا استعنت فاستعن بالله، واعلم ان الامه لو اجتمعت على ان ينفعوك بشيء
لم ينفعوك الا بشيء قد كتبه الله لك ولو اجتمعوا على أن يضروك بشيء لم يضروك الا بشيء قد
كتبه الله عليك رفعن الاقلام وجفت الصحف )

وفي روايه

( احفظ الله تجده أمامك تعرف على الله في الرخاء يعرفك في الشده
واعلم ان ما أخطأك لم يكن ليصيبك وما اصابك لم يكن ليخطئك وأعلم أن النصر مع الصبر ،
وأن الفرج مع الكرب، وأن مع العسر يسراً )

هذا توجيه من محمد صلى الله عليه وسلم اجعله منهجاً لك تسير عليه .

وأكرر النصيحه وإن شاء الله اني لك من المخلصين .

عسكرية + الآن = ممنوع

عسكرية + التخرج = مسموح

ارجوا قبول نصيحتي و تنهي دراستك الجامعية

وعلى فكره أنا زيك باقي لي ترم واتخرج ان شاء الله

شد حيلك نتخرج يالشبابي وتزين العلوم ...

نصيحة محب ماتبقى الا القليل فاصير الشهاده سلاح قوي بعد توفيق الله .ان اردت بعدها عسكريه أومدنية فالخيار لك ....


أكثر من الصلاة والدعاء والاستغفار .

اخي الكريم انااا ارى انك تكمااال الدراسه افضل

راح الكثير ما بقى غير القليل

والله يوفقك

أخي الكريم أستعن بالله ، وأكمل دراستك ، فلم يبق منها الا القليل ، العسكرية سوف تكون متاحة لك في أي وقت ، وكلما كانت لديك شهادة عليا كانت فرصتك في العمل أكبر ( العسكرية) اذا تركت الدراسة سوف تندم لأن خط الرجعة صعب ، أنزع فكرة العسكرية من رأسك في الوقت الحالي لانها مسيطرة عليك ، وعندها سيتجدد نشاطك وهمتك للدراسة 0 أحذر تركها فطعم الندم مر ، مع تمنياتنا لك بالتوفيق وأخبرنا عن المسار الذي ستختاره وفقك الله 0

تم إغلاق الموضوع لكثرة الإخوة الّذي تفاعلوا مع الموضوع .

ولكثرة الآراء وتعددها .

نسأل الله لك التوفيق والسداد .

إستخر واستعن بالله .

*** مشرف المنتديات العامة ***