يا بنت يلي تلبسين الدلالي

قصيدة للشاعر الراوي سند بن مصلح الوابصي البلوي :

يا بنت يلي تلبسين الدلالي =أنا تعرفيني إلى عســــم الــلال
يا بنت نطاح لنص العيالي =شراب للفنجال إلى صار محوال
مار انشدين ألي خطر للشمالي=يوم النشامى يا هوا البال نحال
أثوع للأول وأجيب التوالي= وأبرى الخطاير وأرجح الحمل ون مال
واليوم ربي تمها بالكمال =كل خيار ولابس ثوب رجال
يا بنت ربع كل أبوهم جلالي=يا بنت عود ماضيات له أفعال
عيبٍ تسبين الرفيق الموالي=وأنا كبير السن بالصاع مكتال
ونص الدعاوي لا عليه ولا لي=لا ماخذٍ حرجة ولا ذبح رجال
ولا خنت من مال الرفاقة ريالي=ولا جبت من مال المعادين لي مال
مسقم حالي على قد حالي =وكل على حاله يسوي له أحوال
ولا يستوي مدح بليا فعالي=ويمنى بلا يسرى ترى ما لها أفعال
المدح للي ينطحون الثقالي=يوم البليهي ينطح الحمل شيال
اللي ليا ركب الرشا للمحالي=جزل الخطايا وللعسيرات حلال
والمدح للي يذبحون الحيالِ=ويقلطوهن فالصحن من صخى بال
والمدح للرجل السخي يا حلالي=ألي يحط العيش والسمن سيال
والمدح للي يكرمون الدلال=في ربعة تلقى بها هرج عقال
في مجلس مافيه قيل وقالِ=ولا قيل من هرج النقيلي به أقوال
تمت بذكر الله عزيز الجلالي=وصلاة ربي عد ما هل همال
على النبي الهاشمي بالعدالي =عداد ما هل البرد مزن وخيال

صح لسـانكـ ياحمود
....
..
وصح لســان الشــاعر سند بن مصلــح شاعر ومعروف جزالته فالقصيد
...
..
والله يعطيك العافيه ياحمود على هذا النقل المميز ونود منك المشاركه مستقبلا حيث أن وجودكم سيضيف الشيء الكثير لهذا المنتدى.

ابيات جزلة من شاعر جزل

صح لسانك على هذه القصيدة

حياك الله اخوي حمود سند البلوي

وصح لسان الشاعر سند مصلح لبلوي

وبمناسبة حضورك للمنتدى نقول ياهلا في اهل الشعر

ونطلب المزيد من قصائد والدكم وقصائدكم وقصائد اخوانك

صح لسانك ياحمود

كلمات رائعة
من عضو رائع

ونتمنى المزيد من ابداعك

اخوي حمود بن سند




هلا وغلا وحياك الله



في منتدى بلي


محل الجميع



وانت شاعر يتشرف المنتدى با نضمامك





وكما قال اخي عيد


ننتظر من قصيدك انت وقصيد والدك



تقبل مني الود والتقدير

أهلا و سهلا فيك و على الرحب و السعة

سعداء أخي بوجودك و ننتظر قصيدك

و لا هنت .

.

شعر جميل وبيوت جزله ونصا يح مفيده رحم الله الاموات ومتع الاحياء بالصحة والعافية

الله يعطيك العافيه
وكلام جميل جداً صح لسان الشاعر
ومشكور على هذا الاختيار