العشق كله للعلا جنوبها وشمالها =وغربيها وشرقيها داخل نطاق احدودها
عشق(ن) اعيشه داخلي لسهولها واجبالها= وديانها واشعابها وهضابها وخدودها
اعشق حواريها وصخره بها شلالها = اعشق شوارعها واحب جسورها وسدودها
احب انا شيبانها وباقي عموم رجالها = وشبابها واطفالها واحب انا مولودها
احبها لوهي محول لوكان وشهو حالها = غلا يتجدد داخلي لو كان يابس عودها
نفسي اعرف احداثها بفراحها واحزانها = وابحث بتاريخ العلا واعرف قصص لجدودها
واعرف وشي الماضي بها والمن قدم بنيانها = واعرف سواقيها واعرف اعيونها وعدودها
ياللي لفيت من العلا صف لي عموم احوالها = عسا بها الخاطر وسيع عساه مفرح مودها
ترى العلا ليه عشيقه وزايد(ن) دلالها = ماكنها الابنت عذرا في زمام انهودها
ياالله جعل ذيك المزون اللي سواد اهلالها = تقفي على اديار العلا تسحب هزيم ارعودها
