-
<div align="center">
السلام عليكم ورحمة الله وبركاته
اعزائي اعضاء المنتديات
كان من المفترض ان اكون قد سافرت الا ان ظروفا او ( عين ) أجلت الرحلة الى يومين
وابت نفسي الا ان اشارك معكم في هذه الحلقات الرمضانية الجميلة ..واعتذر للي عليه
او عليها الدور لهذا التخطي الغير مبرر ...
______________________________________________
الحمد لله والصلاة والسلام على خاتم الانبياء والمرسلين , نبينا محمد وعلى اله
وصحبه اجمعين ...وبعد
اسهاما منا في احياء الشهر العظيم , شهر المغفرة والرضوان ..
قال الله تعالى ( شهر رمضان الذي انزل فيه القرأن هدى للناس وبينات من الهدى والفرقان
فمن شهـــــد منكم الشهـــــر فليصــمه ) ..البقرة 185 ...
واليكم هذه الاحاديث والاثار في مختلف ابواب الخير والبر في هذا الشهر الفضيل وغيره ...
1_ تجريد التوبة لله تعالى ( من تاب قبل ان تطلع الشمس من مغربها تاب الله عليه )
ان الله يقبل توبة العبد مالم يغرغر ...رواه الترمذي
2 _ صيام ست من شوال ( من صام رمضان واتبعه ستا من شوال كصوم الدهر ) رواه مسلم
3 _ قيام ليلة القدر ايمانا واحتسابا ( من قام ليلة القدر ايمانا واحتسابا غفر له ما تقدم من
ذنبه ) رواه البخاري ومسلم ..
4 _ العمرة ( العمرة في رمضان تعدل حجة , او حجة معي ) رواه البخاري ومسلم
5_ الاعتكاف ( كان رسول الله صلى الله عليه وسلم يعتكف في العشر الاواخر من رمضان )
_________________________________________________
اكلتي المفضلة في رمضان
( الفول ) ( الشربة الجريش )
______________________________
الامنيات في هذا الشهر كثيرة
اولا ان يديم الله علينا هذه النعمة
ثانيا ان تحرر فلسطين من المحتلين الصهاينه ..
___________________________
البرنامج اليومي
اذهب لاداء صلاة الفجر ثم ارجع وانام حتى التاسعة والنصف صباحا حيث يبدا الدوام الرسمي
الى الساعة الثالثه عصرا اعود بعدها للمنزل مع صلاة العصر اجلس في انتظار الافطار والذي قضيته الايام الماضية بمدينة الملك عبدالعزيز بتبوك ..بعد صلاة التراويح نذهب الى
استراحة ربعنا شباب السديد وخرباء خارج تبوك الى الساعة الواحده واحيانا نزودها شوي
وثم العوده للبيت ....
_________________________
موقف طريف ...او سموه ..على نفسها جنت براغش ..
حدث هذا قبل اربع سنوات كنت انا والصديق احمد الجهني نعمل في حفر الباطن ويوم العطلة
ركبنا سيارتنا الكابرس متوجهين الى العلا ووصلنا حائل في ساعة متاخرة من الليل وتعشينا
في استراحة المشعان يعرفها ( ابن مساوي وسلمان ) المهم ملينا الثلاجه شاهي واخذنا
كوبين من الكبار ومعروف للجميع مركز دليهان ( المعقد ) يوم قربنا منه قال زميلي وش رايك
تحط الثلاجة تحت المقعده اذا شافوها رايح نتاخر بالتفتيش اخر الليل قلت مافي مشكلة ..المهم
جينا المركز وحصلنا اثنين قالوا منين ؟ وعلى وين ؟ وشكلهم فاضين يدورون اي واحد يفتشونه ؟ المهم نزلنا عن السيارة وهم يقلبوا فيها شوي والا واللي يصب تحت السيارة
الا ولانه الشاهي حقنا ؟ اثر الثلاجة على جنبها وامتلات المقعده ..واصبحنا محل شك وريبة؟
توقعوا وش صار بعدها ؟ ؟؟؟؟؟؟
_______________________________
أمل ان اكون قد وفقت في هذه الرمضانيه والى اللقاء
اخوك / ابو نايف </div>
-
الأخ أبا نايف يعطيك العافيه على هالرمضانيه الممتعه والمفيده بنفس الوقت
واعجبني موقفك الطريف وترى دايم حنا ياأهل تبوك نعاني من نقاط
التفتيش ماخذين عنا فكره غلط <<< نظره رجال الامن
لنا مهربين ..........؟؟؟ :(
لكن ما علمتنا وش صار معاك وش سووا لكم ذاك
اليوم انت وخويك اتوقع ضيفوكم شوي عندهم كعاده
نقاط تفتيشنا المصونه :P
بس شوف عندى لك اقتراح اذا مر عليك نفس الموقف
نزل فراشك ونزل دلتك واجلس تقهوى كذا بيرتفع ضغط
العسكري هو بيلطعك ساعتين او ثلاث لكن
تحمل >- - -- > ترى ماني مسؤل عن هالطريقه للي بيسويها :lol:
-
أكيد وفقت أبو نايف والله يعطيك العافية
إجازة موفقة وتأخرك فيه خير لك إن شاء الله
وخذ لك لفة على الشيبان في الديرة وحضر كم لغز دسم بعد العيد إن شاء الله
ومن الآن أعلن التحدي
شكرا لك أبو نايف
-
-
السلام عليكم ورحمة الله وبركاته،،
ابن رويضــــي
احسن انك مارحت B)
<<< يبيك تنور المنتدى يومين كمان ولا يهونون الباقين
طيب وش صار بعدين
<<< انسجم مع الموضوع واخرتها تبينا نتوقع
الا اكيد عيدتوا عندهم :blink:
رمضانية تستحق القراءة مراراً ومراراً
لاحرمنا الله من إبداعك
دمت ودام لنا عطائك
وتقبل خالص مودتي
أخــــــــــــــــــوك ...
يمكن غلا
-
<div align="center">السلام عليكم ورحمة الله وبركاته... وبعد
إبـــــن رويـــــضــــــي
رمـضـانـيـه جـمـيـلـه بـجـمـال كـتـابـاتـك الـمـرمـوقـه أيـهـا الـعـذب
فـعـلاً لـقـد أسـتـمـتـعـنـا بـمـا خـطـتـه لـنـا أنـامـلـك مـن آيـات وأحـاديـث
لا يابو نايف خبرك عتيق الحين مايمديك تفر من دليهان ولا أنت طاب بمركز أسبطر وأنواع التفتيش والتعقيد :huh:
... بس حاستي السادسه تقول إن الموضوع ماعدا سلامااااااااااااااااات ;)
بس أهم شي أفتكو من ( س و ج )
أبو نايف ... تحياتي تصلك بعبير النرجس
فتى بلي ... سـلـمـان الـعـرادي </div>
-
السلام عليكم
اخي العزيز ابن رويضي
رمضانيات موفقه
وجزاك الله خير
والله يعينك على الموقف اللي صار لكم.
اتوقع انهم ذاقوا طعم الشاي فيه شي ولا
لا عاد هم عندهم خبره.
اذكر يوم سافرت الى جدة رحت ورجعت
ولا نقطة وقفتني الا نقطة تبوك وانت داخل
وعطوني قسيمه على ايش على حزام
يا اني دعيت على العسكري دعوه.
ابن رويضي الف شكر
ولك تحياتي.
-
س1
اهلا بالاخ الفاضل : ابو نايف
رمضانية موفقه و نسأل الله لنا بها الفائده
و موقف لا تحسد عليه خاصة ان الشاهي راح كله عليكم و زود على كذا شكلكم افطرتم عندهم .
-
اخي العزيز ابن رويضي
السلام عليكم ورحمة الله وبركاته
من طريف احييك وان شالله يكون المانع خير
اشكرك على هذه الرمضانيه الحلوه
والموقف الطريف تستاهله قل ليش
لانك لو افطرت عند واحد من جماعتك اللي في حايل وهم كثر ولله الحمد كان ماصار اللي صار
لكن لاعاد تتعودها مرة ثانيه تمر حايل ولا تزورنا فيها على الاقل نشوفك
ونتشرف فيك يابو نايف
