بعض النصائح قبل شراء السلاح

السلام عليكم ورحمة الله وبركاته

مسهم بالخير ،

موضوعي اليوم هو عباره عن مجموعة نصائح قبل شراء السلاح المستعمل ، ويمكن تلخيصها في النقاط التاليه



1/ هز السلاح ، اذا طلع فيه اصوات فخله لراعيه ، لكن لاحظ انه بعض الساعات يكون الصوت من مسمار مرتخي او شي ، لكن انا قصدي هنا ماهو المسمار المرتخي قصدي الأجزاء الي اهم من المسمار .

2/ تفحص السبطانه وتأكد من اهنا تخلو من الصدأ ، ملاحظه ( الصدأ مسأله بسيطه يعني لاتدقق فيها لانه الصدأ سببه اهمال التنظيف )

3/ تفحص السبطانه من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، فلذلك انا عندي طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالسبطانه كشاف وتشوف النور وين رايح اذا هو بخط مستقيم فكذا السبطانه تمام ـ اذا هو رايح يمين او يسار او تحت او فوق فالسبطانه يبيلها تعديل

4/ تفحص المكينه وتأكد انها أصليه ، لانه بعض الناس عديمين الذمه والضمير يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات ـ

تفحص المخزن ( اذا كان السلاح ام خمس ) ، وتأكد انه يسع لأربع فشقات بالاضافه الى الخامسه ببيت النار ، (وفيه بعض الأسلحه تشيل أكثر من خمس ، وفيه بعضها تشيل أقل من خمس )
6/ عب المخزن كامل مع بيت النار واسحب القير بسرعه يعني لقم البندق ورى بعض جرب هل هي تنفض جميع الفشق والا لا عشان تتأكد من ان الناتوش يعمل بشكل صحيح .
اما اذا كان السلاح ام وحده ام ام بطنين فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الفشق ( يعني تطلعه ) والا لا

7/ تأكد من تأمين البندق انه شغال مع ان الأمن الله سبحانه وتعالى لكن الاحتياط وااجب .

8/ تأكد من وجود قطع الغيار قبل شراء السلاح .

9/ هذي اهم شي / تأكد من ان البندق خاليه من الدهانات ، فبعض الناس الله يهاديهم يكسر البندق واذا جا يبيعها راح صبغها وقال جديده ابد ماعليها ، لانه صبغ البندق يخفي عيوب واجد

10/ تفحص الخشاب وتأكد انه يكون خالي من الكسر او الشعر . او الخدوش العميقه

11/ اخيرا تجربة السلاح ، وهي المهمه ـ فالتجربه خير برهان .


وهذا الي الله قدرني عليه .. والموضوع مفتوح للجميع لاعطائنا نصائح اكثر

الرجاء تثبيت الموضوع

شكرا اخي على هذه النصائح

وهي فعلا مهمه،ومن واقع تجربه

الله يعافيك

يعطيك العافيه

موضوع رائع ويستفاد منه
يعطيك العافية

الله يعطيك العافيه على النصائح

شكرا لك اخي الغالي

الوليد تسلم على هالمعلومات

الله يعافيكم جميعا ومشكوورين على المرور الطيب.

تسلم اخوي الوليد الصراحه موضوع يفطنك على اشياء لم تكن تطري على الذهن الف شكر لك يابو محمد

موضوع رائع جدا ومفييد



يعطيك العافيه اخوي على هذه النصائح







تحياتي ~

يعطيك العافية اخوي الوليد على هذه النصائح المهمة

مشكور اخوي الوليد على الموضوع بس انا قاري هالموضوع بمنتدى ثاني لابد تبين انه منقول وانت وش دراك عن الاسلحة لانت قناص ولاشي نبي صور لك وانت تقنص عشان تثبت لنل مهارتك وشكرا .

اقتباس:

---

المشاركة الأصلية كتبت بواسطة حكيم زماني

مشكور اخوي الوليد على الموضوع بس انا قاري هالموضوع بمنتدى ثاني لابد تبين انه منقول وانت وش دراك عن الاسلحة لانت قناص ولاشي نبي صور لك وانت تقنص عشان تثبت لنل مهارتك وشكرا .

---

وش دخلك انا قناص ماني قناص هذي معلوومات ياخوي وبعدين ماني حاطها منقوول كيفي ولاترد على مواضيعي مره ثانيه ولايكثر وعن التفلسف