مواصفات مازدا الجديده....

السلام عليكم ورحمه الله وبركاته

اليووووم جايب لكم مواصفات المازدا الجديده

اخليكم مع المووووضوع....


مازدا CX-9



نزلـت مازدا سيارة متعددة الاستعمالت على مايسمونه Cross Over كروس اوفر .. يمكن أحلـى سيارة نزلت من مازدا من وجهة نظري حتى وقتنا هذا .. ويمكن احسن مقولـة للسيارة .. سيارة جمعت مابين فخامة الكبار وبساطة الصغار -->

اخذت هالسيارة 10 جوائز عالميـة .. ومن ضمنها جائزة مجلة Motor Trend pb024

نظرة عامة من الخـارجـ :



الهيكـل الخارجـي عجيـب ويمكن هو اللي خلا السيارة بهالقـوة .. أحس فيه شيء من الـFX
وجهيته السيـارة شبابيـة .. حلـوة .. فيها شيء من الأناقـة .. الخلفية نفس الشـيء حلوة مع هالشكمانيـن ماكأنهم زارفينهن من الـLS



تجي بجنوط بمقاس 20 انش - 18 انش مع كفرات برجستون ..



المحـركـ :



مصنـوع كامل من الألمنيـوم ..
6 سلنـدر سعته 3.6 لتر يعطي 273 حصـان عند 6250 دورة في الدقيقة و 24 صمـام .. التسارع من صفر إلى 100 مادري كم بالظبط 8 ثواني وشوي من أجزاء الثانيـة..
دفع رباعي مستمر pb189 القير اوتو 6 تغييرات وتقدر تحول من الاوتو للعـادي

من الداخـل :



السيـارة وسيعة بشكل مريـح جدا على كلام واحد من الربـع وخاصة بالإمام يمكن مايتفق معي بعضكم بهالنقطة وخصوصا من الخلـف



.. الديكـور مطعم بالخشب والكـروم بجي بثلاث صفـوق من المقاعـد .. المقاعد جلد .. مقعد السائق تقدر تتحكم فيها اوتوماتيكـ ومع حفظ الوضعيه ..

بالأساس فيها ملاحـة وكلش .. لكن عندنا كالعادة يبيله سنة أو سنتين حتى ينزل عندنا .. بحل يابو جميل pb192
تجي بمفتاح ذكي بمجرد ماتمر من السيارة تفتح pb034.. والشتغيل مايحتاج مفتـاح .. ,.,

تقدر تتحكم بالمسجل عن طريق الدركسون .. ويجي بمثبت سرعه وعلى طاري المسجل يجيبه 10 سماعات مايجي فيها إلا CD ياخذ لـ6 سيديات .. هالشيء هذا طايحين به من تالي تتوقع خلاص الكاسيت موضة قديمة
يدعم للـMB3

فيه نظام تدفئة للمقاعد بس للسائق والراكـب يمين .. والتكييـف الأمامي مستقل عن الخلفـي

عدادت السرعة أو الطبلون يجي بلون برتقالي .. مانب قايلكم فيه من الـFX pb034 أعلى سرعة 220



بأعلـى الديكـور فوق المسجل فيه شاشة صغيرة .. تقريبا نفس اللي بالكامري يعني معلومات عن الصوت وعن درجة الحرارة ..

الباب الخلـفي للسيارة يفتح اوتوماتيكـ وفيه خاصة الشفـط ..



الأسعـار :

تجي نوعين .. CX-9 هذا بـ99 ألـف هذا السياحـي ..
والنوع الثاني CX-9 GT بـ119 ألـف ريـال


لكم خالص تحياتي:
الوليد محمد رشيد السرحاني البلوي

الف شكر لك أخي الغالي / أبو محمد

جهودك في المنتدى و خاصة قسم السيارات واضحة للجميع

وفقك الله

.

يعطيك الفعافيه اخوي

الله يعافيكم جميعا
ولو هذا منتدى قبيلتي لازم نجتهد فيه

الوليد لك شكر خاص مني

على مجهودك الواضح في قسم السيارات وخاصه اني من هواه السيارات

ومحبيها وانصحك زياره نادي بورش في مدينه جده راح تستمتع

وبعتذر لك عن عدم الرد على مواضيعك السابقه لعدم توفر الوقت


واشكرك مرره اخرى والى الأمام

المازدا تطورت بشكل رهيب واغلب السياراة في تبوك الزوووووم :( غطت على الؤبل :d كذا تنكتب ....

افرحي يا شركة الحاج

اخوي الوليد

الف شكر على هيك موضوع

الله يعطيك العافية يابو محمد على هذه المعلومات ..

الله يعافيكم ربي من كل شر
مشكووورين على المرور
وماقصرتو الله يعطيكم العافيه

شكــــــــــــــرا لك اخوي الوليد
اتمنى تدعم مواضيك بالصــور
لتعم الفائدة
وعســـــــــــــاك على القـــــــوة

يالغالي احمد العايد
اول شي مقدر احط صور اذا حطيت رفع يقول لايمكن الرفع
ولذلك ماقدر يالغالي