هذه القصيده للشاعر الامير الراحل /محمد الاحمد السديري ....رحمه الله,,,,,,,,,ينام منهو مايعرف الهمومي
وعيني الى ناموا حريب لها النوم
الله يلوم اللي لحالي يلومي
لاساهر سهري ولا هوب مهموم
ماهو بمثلي يزعجه كل يومي
هم يلوج بداخل الصدر مكتوم
لامبدي اسرار قلبي لقومي
واللي بسر الغيب ماهو بمفهوم
اخاف ابوح السر تبدا الثلومي
وتاقف على مكنون سري اهل القوم
عاهدت قلبي مايبيوح العلومي
ولا يويق بغايته كل مذموم
بالليل اساهرساريات النجومي
والصبح اعدي بالنبا كل مذموم
ياسيف قوم لعل حضك يقومي
ولعل ابوك بساعه الحشر مرحوم
النار شبه ياقوي العزومي
وهات الدلال واترك النوم للرخوم
خابرك يالطيب ودود ورحومي
قم سو مايبعد عنا كل شغموم
فنجال بن مايحضره رخومي
مبهر من بين الاجواد مقسوم
ارواحنا باافلاك الايام تومي
ولو يطول العمر فالاجل محتوم
روحي بيد فارض صلاتي وصومي
اللي بحبل اليسر ينجي المضلوم
محمد الاحمدالسديري
