السلام عليكم ورحمة الله وبركاته
نص متواضع ..
أتمنى أن يصل إلى الذائقه
زاد ملح الكلام .. وزاد ملحك معه = والشتا ليله البارد معاك .. (إ)يغدي
قول مابالحنايا .. والكلام أسمعه = قول كل الحكايا .. دام قلبي ندي
إرتمي وسط جوفي .. والشتات إجمعه = وإزرع الشوق كلّه في فؤادي ودي
وأسقني من قراحك .. وإنتبه تقطعه = والدّوى قربك أللي حداني لك حدي
دفّني في كلامك .. والسكوت إقلعه = لين يحلا بعينك .. يالجميل (إ)سهدي
أنت للقلب غايه .. شوقه ومطمعه = وأنت كل المكان بنظرته .. يابعدي
كل ما زاد غصنك في مساي .. (إ)دلعه = إرتوى من غديري .. وأزهر بمرقدي
وكل ماراح حِسك .. شف صداي تـِبعه = وكل ماقل ّ وصلك .. إهتويت لحدي
الله اكبر على قلبي .. ويوم أمنعه =خوفي يزعجك نبضه .. وأغطيه بيدي
لاتلوم ألذي زاد بغلاك .. (إ)طمعه = والله إبن الحلال .. بحبكم أجودي
ولاتلوم ألذي زاد بدفاك .. ولعه = كل ماشب ّ نارك .. ذاب فيه بردي
والله الله على قلبي .. ولا تودعه = دام حصّل عليك .. وفيك شاف سعدي
أسعد السحيمي
