منيف منقرة
يامرحبا في محــــــــل المرجله والكرم = ترحيـــــــبة ٍ تعبت الاقدام من شانها
الليله الليله الليله يبـــــــين النـــــــــجم = لو يعــــترف فيه راضيها وزعلانها
معتق العياضي
دام البقا يا رجال ٍ مثــــــــل نار بعلم = ياقظاعه اللي تكـــــــــــرم كل ضيفانها
اما مشــــــــــــينا ورا ولا مشينا قدم = اختارهـا يا منــــــــــيف وثبت اوزانها
منيف منقرة
الله يحـــــــــــييك واتبـــعها بحبة خشم = واخواننا حرب طبعا ترضي اخوانها
الدرب قـــــــــــدام يا حربي وشد العزم = الطايــــــــره ماتطيير بدون جنحانها
معتق العياضي
يامنيف تكرم يامال العافيه والشــــــحم = النــــــــــار لا ولعت لا يزيد دخانها
اللي بنى يا عرب مايشـــــــــبه اللي هدم = قدمــــــت لي حجة ٍ بيدي برهانها
منيف منقرة
انا يامال الشحم وانته يامـــــــــال اللحم = هاذي بهاذي وذيك اغديت عنوانها
ظلمتم اللي بـــــــــــــــري وابريتم المتهم = اهبي يالبنـــــدق اللي تغر نيشانها
معتق العياضي
سلومنا طيبه لكن انت سلــــــمك سلم = اثر بلي ماتخــــــــــــــلي سلم عمانها
ترى العرب ماتعرف لغات كل العــــجم = وابواب ربـي ماني واقف على بابها
منيف منقرة
يامعتق انت كفايه تاقـــــــــــــف وتبتسم = والله يساعد على نفسي وشيطانها
ادخل على الله عن الفتنه لا تصل الحرم = ترى الخطر مقبـــل لمكه وسكانها
معتق العياضي
والله ما الومك لانك منته بمـــــــحترم = اببتسم دام انا واقـــــــــــــف بميدانها
ترى الحرم فوقه اللي خالقك من عــدم = يحميه من عالــمٍ شاني ماهوشانها
منيف منقرة
لا طويت الصحف يامعتق يجف القلم = راحـــــت هزال العلوم وجاتك سمانها
المسلم الصـــــح دايم يرحم وينرحم = يا راعي البنــــــيه اللي تغش سيسانها
معتق العياضي
المعتصم مات وانته مانته المعتصم = الطيـــــــــــــبه عانها والثــانيه عانها
حقوق الانسان راحـــت من وراها ختم = والمشكله فالطـــيور تقص جنحانها
منيف منقرة
كيف انتـــــــــــقم منك لكن ربي المنتقم = لا تلوم الاجـــواد منكم زايد جنانها
السابقه اللي تفـــــــوز ولا قبلها الحكم = وش عاد لو نوخوها ومسوا بطانها
ارجو ان تنال اعجابكم
ابن شبيث
