حقوق المراة باللهجه الحجازيه

حقوق المرأة
الدكتورة : ليلى صالح عزوز

‏باللهجه الحجازيه الجميلة

ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ .......لايمكن. لكن هل يمكن يحصل هادا في السعودية؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّو ب الكامل وزياده؟ وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة .. قال.

ههههههههههههههههههههههه
.
وهـ ياندآمــه
..
أتآري ليكــم حقوـوق
.
يعطيــك العـآفيه على النقــل
.

منظرعام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدر أحد ... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ما تستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!

اقتصاديا

شوف الراجل.. السبع.. الغضنفر.. المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها .. وكمان ازيدك من الشعر قصر .. مو بيت .. من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع . مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.

قال إيه! حقوق المرأة.

روااااااااااااسي ياااااااكثر حقوقنا الضااااااايعه
بس نتسترجعهااااااااااااااا قريبا ....


يسلموووووووووووووو

رضووووووووووووو انت هنااااااااااا ؟؟؟؟ ماشفت لي موضوع على دربك :eek:

رومانسي.

بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إلل ي ما نروح غير يا مصر ... يا سوريا ... والسنة اللي غيَّرنا فيها ... رحنا ماليزيا.

وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلاااااص .. ومن ثالث يوم رمضان .....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

تم بحمد الله الإنتهاء من الموضوع بعد مااتورطت فيه

ونأسف على التقسيط

تحياتي

اسلوب جـــــــــــمــيــل

رضا ...... نــــورة


مافيكم صبر أنتهي من تنزل الموضوع عشان تقرأوه كامل

طفشني وأنا أنزله أخر مرة نزلت بالتقسيط دايما انا والمشكله هذه :||angr|:


على العموم مشكووووورين

ومشكور عبدالله الوحيشي


نورتوا الموضوع

الرواسي

شكرا لك ع الموضوع الجميل الى يحكي الواقع بأسلوب ساخر
بس ياليت يفهم البعض المغزى الحقيقي من النداءات خلف ما يسمى (( بحقوق المراء ))
مع ان المطلوب هو العكس
لا ننسى ان الدين قد حفظ حقوق المراه

تحياااااااااااااااتي

يوسف && سعودي


يعطيكم العافيه وشاكرة لكم حضوركم

الرواسي . نورة بلي .

شدوا حيلكم لترجعوا ما سلب للمراه .

شكرا لطرحكم القيم .

اقتباس:

---

المشاركة الأصلية كتبت بواسطة نورة بلي

رضووووووووووووو انت هنااااااااااا ؟؟؟؟ ماشفت لي موضوع على دربك :eek:

---

.
يآكثـــر موآضيــعك .. يانوـورهـ
.
دوـوريــه هوـون ولا هوـون .. وبعديــن أحــد يفلـــت موآضيــعه بالشكـل هذآ ؟
.
يعني لو عــدت سيآرهـ .. ودعــست موضـــوع من موآضيــعك ؟
.
الله يهديــكم بس .. نآس ماتحــس بالمسئوليه .. نآس محروميــن من الموآضيــع
.
ونآس مفلتيــن موآضيعهم .. وهـ ياندآمــه
.

كلام جميل وأسلوب جميل ..

الله يهدي الجميع للحق المبين ..
أشكرك أخت الرواسي ..على أطلاعنا على هذا الموضوع الجميل جداً

يعطيك العافية

مشكورين جميعا حضوركم

و بالنسبه لحقوقنا أنا ونورة راضيين كل الرضا


إيش نبغى دلع أكثر من كذا

من يوم ولدنا ونلاقي مين يصرف علينا


اتزوجنا ولقينا مين يصرف علينا

نبغى نروح مشوار نلاقي إللي يوصلنا

مو دايما أصحاب العز يكون عندهم سواق

نفس الشئ عندنا الحمد لله سواق ومحرم كمان مو أجنبي :cool:


يعني كل شئ يجينا لغايه عندنا يعني متدلعين دلع عمره محد شافه
ولا إيش رأيك نورة ;)