ابيات مختاره من اجمل ماقال الشاعر عيد بن قيضي الوابصي البلوي

ابيات مختاره من

اجمل ماقال الشاعر

عيد بن قيضي الوابصي البلوي

يقول

اهل المكارم جودهم ماله اقياس = تعودته انفوسهم من صباها
والجود عدا يارده جملة الناس = كلا يدلي دلوته من ارشاها
دلون تميح وتاخذ الملي بقياس = ودلون تميح ولا تجي في ملاها

يقول

احيان تاقف بين شاري ودلال = واحد ينقص بك وواحد يزودي
الله كريم يبدل الحال في حال = يجود يومن العرب ماتجودي
تبدي لك الحاجه من الناس رجال = وتبدي خفايا باردين الزنودي

يقول

الشعر له عندي موازين وقيـاس = لا بخس موازينه ولا انقص قياسه
اختار فن الشعر من معـدن المأس = وانظـم قصيدي من عناقيد مأســه

يقول

انا اللي لم اكن شيا فيذكر = دهورا فات من قبلي قدمها

فسبحان الكريم الله اكبر = خلق نفسي واودعها نسمها

يقول

سلام من السهول الساحليه = على دارا لها هاجس غريب

لها بالقلب حنــه داخليـــــه = حنين القوس على جلد ذيب

يقول

النفس تأبـــــى زلة فلان وفــــــلان = والعفو طبع أهـــــل الكرم والشــهامه

نكون في وجه المعــــــادين عدوان = والمحترم يـــفرض عـــلينا أحــــتامه

يقول

شفت الحظوظ انواع في ساعة الضنك = حظـا يشد ازرك وحظا يغرك
حظا على كل المساعي يعاونك = مثل الشجاع الى نخيته يســــــرك
يجيك نفعــه جا لسـا في اماكنك = فــي كل ساعــه له نفوعا تمــرك

يقول

عهدي بحزات الهنا والوناسة = يومن ما يكتب خطاي بسجلي
مع الذي زرعة على أول غراسة = تغفر له ذنوبةوهو ما يصلي

ولد شاعر

اشكرك كل الشكر على نقل هذه الابيات المتواضعه

بارك الله فيك

وتقبل تحياتي

وفقك الله

يالنشمي

الله يعطيك العافيه
والشاعر عيد
شاعر مميز له حضوره الجميل

ولكم الموده

الله يعطيك العافيه

مشكور الشاعر عيد هذا اقل ما اقدمه لك
انت شاعر كبير والكل يشهد

مشكور اخوي عبدالله سليمان الله يعافيك
مشكور على الحضور الجميل

الله يعافيك اخوي سعودي اصل لا تحرمنا من من هالطلة