أنواع الشباب............!!!!!!!!!

السلام عليكم ورحمة الله وبركاته

مثل ما تطلع حركات البنات نطلع حركات الشباب مثلا
في السيارة عند الإشارة
:rolleyes: :rolleyes:
( نسوي توازن وعداله )

شوفو واضحكو وتراها صدق وانا متاكده ان كل واحد بيقراها من الشباب بيقول في نفسه اي والله انا سويت الحركه هذي وبعضهم يبي يسوي فيها رومانسي انه مايسوي هذي الحركات ألا مسويها



@النوع الاول:-
هو اللي يستغل وقته ويرتب سيارته ويفتح دروج السياره ويعفــّط في الفواتير ويرميها في الشارع وفجأه ما تدري الا وهو ناقز في المرتبه اللي ورى ولا تستغرب اذا شفته ناط في شنطة السياره ( الشاطر مرتب ) وتنفتح الاشاره والاخ مشغول في التنظيف.




@النوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح وشوي ويقص اظافر يده وما تدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة)!!!!!!




@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وخوياه ويرقصون السياره معهم.




@النوع الرابع:-
وهو عكس اللي قبله وهو اللي يشغل شريط مزعل فرحان
(جاني خبر في غربتي قيل بركود) <<<--------- اغنيه لمزعل حزيييييينه
وانواع القلق والحزن والتفكير وطبعا الاغنيه من كثر ماهي حزينه وقديمه تشك انه مغنيها قبل توحيد المملكه ويكون وجهه موّرم من الصياح وكثر الاحزان




@النوع الخامس:-
وهو اللي دوبه مكتشف انه (أب) ومايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويصفق عياله بكرتون المناديل اللي ماليه بالسياره والفضل يعود لمحطة البنزين لو تمر من عندهم عطوك كرتون مناديل هديه.




@النوع السادس:-
وهو اللي يستغل الوقت ويجلس يشخص ويرش عطر وشوي يحط روج ومعلق الايفرون في اذنه ومشغل شريط (سيلين ديون) مسوي يتسمع غربي .




@النوع السابع:-
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره ماسك الهمبرقر بيد والببسي والبطاطس بيد والشاورما في حضنه والفطاير جمبه والبيتزا في المرتبه اللي ورى ولا تستغربون لو شفتوه طايح في مفطح.




@النوع الثامن:-
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل مسجات بالجوال.




@النوع التاسع والاخير:-
وهو اللي سيارته زحمه مو ناس لا مخلي ثوب ولا شماغ ولا بدله ولا جزمه الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى البطانيه جايبها وماخذها معاه تعرفون ياحرام مشغووول طول يومه


:D :D

الحمد لله انهم طلعوا ابرياء من التلفت :shrer: في خلق الله اهم شي مشغلين انفسهم ومحد اشتكى منهم :||astes||: يعيش الشباب هه:D ههه:D ههه

يـعـفط < هههههههههه طلعت الثقافه اللغـويه قمة النعومه بنت وتكتب يعـفط

بالله ياشباب من فيكم يقدر يحط كلمة ( يعـفط ) في جمله مفيده ههههههه


قامت بيلسان بـ(تعفيط)اساليب الشباب < من يعرب الجمله له هديه شباصـه




والله هذا كله بالسياره ماعتقد ووالله كلام لا صـحت له ولكن ردت فعل كانت

سريعه ولم تكن مصيبــه في ماذكرتيه سابقا ..!

بالله من اي منطق يقلم اظافـر رجله عند اشاره ويطفي السياره بعد

من بيصدقكم يالحريم الحين بعد هالحكي ..!



تقبل مروري ولكن قبل ذلك تقبل جل تقديري ..!

صدقتي خيتووووووووو


شباااااااااااااااب ربنا يعين مدري ويش يخلفووووووو بعد

ههه والله لو انك شايفه اللي أنا شفته ما كان قلتي هالكــــلام ابد !!

كنا يوم الخميس طآلعين للعزيزية من الخبـــر ., ومرت من عندنا سيارة كورولا >دليتها جمس ع الاقل ! وكنا نسولف ونستهبل ونقطع في بعضنا . شوي اللي كآن راكب معنا وراء قام يصآآرخ ويضحك ويأشر على السياره اللي قدامنا !!

وش نشوووووووووف ؟؟ البنت تتنكــــــــــــــــــس وترقص مرة يمين السيارة ومرة يسآرها >الله يستر بس لا تقلب السياره !!

الحمد لله على نعمة العقل !! والشباب في حالهم .,’ رايحين للهآف مون > من العقل والرزانه

بيلســـــــــــان نسيتي نوع نسويه بس ماراح اقولك؟؟؟؟

المغنية العالمية سيلين ديون الفائزة بجوائز غرامي خمس مرات

والشباب لسى عايشين على انغام شاكيرا

اهاااااااااااا

اقتباس:

---

المشاركة الأصلية كتبت بواسطة ابن سهيه

الحمد لله انهم طلعوا ابرياء من التلفت :shrer: في خلق الله اهم شي مشغلين انفسهم ومحد اشتكى منهم :||astes||: يعيش الشباب هه:D ههه:D ههه

---

ياسلام على الأبرياء
عاد التلفت يمين وشمال
ما ذكرتها في كل النوعيات
تدري ليش
لأنه شيء
بديهي موجود هذا الطبع عندكم
العيون كنها ردارات
حتى لوإنه
زعلان وماله خلق
مايفوت هذي الفرصة
لازم
:shrer:

يعيش الشباب:||astes||:
شاد حيلك:||astes||:
ابن سهيه:mad:

أقول
أهجد
وخل
اللقافه

اقتباس:

---

المشاركة الأصلية كتبت بواسطة عبداللطيف محمد الحمراني

يـعـفط < هههههههههه طلعت الثقافه اللغـويه قمة النعومه بنت وتكتب يعـفط

بالله ياشباب من فيكم يقدر يحط كلمة ( يعـفط ) في جمله مفيده ههههههه


قامت بيلسان بـ(تعفيط)اساليب الشباب < من يعرب الجمله له هديه شباصـه




والله هذا كله بالسياره ماعتقد ووالله كلام لا صـحت له ولكن ردت فعل كانت

سريعه ولم تكن مصيبــه في ماذكرتيه سابقا ..!

بالله من اي منطق يقلم اظافـر رجله عند اشاره ويطفي السياره بعد

من بيصدقكم يالحريم الحين بعد هالحكي ..!



تقبل مروري ولكن قبل ذلك تقبل جل تقديري ..!

---

إييييه يالحمراني
تعفط
عامل حالك مش عارفها
هذي جبتها من قاموسكم العامر
لتدل على مدى الدفاشه الي أنتم فيها
والشباصة
أربط بها شوشتك المعفطه لمن وقفت
عند الإشارة
وأكشخ بها
وبعدين هذا أنت قلتها البنت ما تقول
هذي الكلمات
أعتراف صريح منك بأنها تنتمي
لكم(تعفط)
والجملة خذها




(عبد اللطيف عفطها على رأسه)


جنيت على حالك

والله الواحد يشوف الهوايل عند الاشاره ... ما نسيت موقف مره مع الباص ايام الكليه

وقف الباص عند الاشاره وولعت كل السيارات مشت غير باصنا تدروا ليش

لان سواقنا اول مره يلبس نظارات شمسيه وشكله وقتها اختلطت عليه الالوان

هههههههههههه سواقنا كان فللللللللله الله يستر عليه

@النوع السابع:-
تقول ميت من الجوع وتشك انه جالس في مطعم مو في سياره ماسك الهمبرقر بيد والببسي والبطاطس بيد والشاورما في حضنه والفطاير جمبه .

الأعتراف بالحق فضيله صاااارت معي.
وحاليآ والله مستحيل أروح للدواموكووووبي الأبيض مومعي أحتسي حليب الزنجبيل عشان نتنشط للدوام .هههه
السيارة كلها أكواااب

والله يابيلسان برائه حلوه وجميله من شباب مثقف و واعي
>== والله دلاخه مابعدها دلاخه

تشكراتي يابطله وتسلم كفوفك

تسلمييييين يا بيلسان

بصراحة موضوعك يجنننننن

ولكن بسألك أيش يعني يعفط وليه تنتسب إلى الحمران ؟

ومشكوررررة على الموضوع

اقتباس:

---

المشاركة الأصلية كتبت بواسطة بلويه والعز و الفخر ليه

تسلمييييين يا بيلسان

بصراحة موضوعك يجنننننن

ولكن بسألك أيش يعني يعفط وليه تنتسب إلى الحمران ؟

ومشكوررررة على الموضوع

---

يا هلا
بلويه وشكراً
لك
الكلمة هذي الله يسلمك
يعفط
معناها
عند الشباب
هم يعرفون معناها
سبق وذكرت
أنا جبتها من قاموس الشباب
الي فيه كلمات غريبة عجيبة

@النوع الرابع:-
وهو عكس اللي قبله وهو اللي يشغل شريط مزعل فرحان
(جاني خبر في غربتي قيل بركود) <<<--------- اغنيه لمزعل حزيييييينه
وانواع القلق والحزن والتفكير وطبعا الاغنيه من كثر ماهي حزينه وقديمه تشك انه مغنيها قبل توحيد المملكه ويكون وجهه موّرم من الصياح وكثر الاحزان

هذ الحال <<

أحسنت ياعبداللطيف

بنت+ معفط=عربجه
بنت + مزعل فرحان = تخلف

شكراااا

اقتباس:

---

المشاركة الأصلية كتبت بواسطة حامد راشد الوابصي

أحسنت ياعبداللطيف

بنت+ معفط=عربجه
بنت + مزعل فرحان = تخلف

شكراااا

---

يا ساتر جانا الفيلسوف (حامد)
شكل مخك
ضارب شوط
حال المسألة خطأ
ولد+ يعفط=عربجي
ولد+ مزعل فرحان=تخلف

















وكلامك مردود عليك
:d :d :d :d