ياااااالله لو نرجع يوم كنا باول ابتدائي كان المدرس يسألناوش ودكم تصيرون الى كبرتم وكنت اجاوب انا واخوياي انا ابي اصير طيار / وخويي يقول ابي اصير مهندس / والثاني يبي يصير دكتور يااااالله شرهتنا كبيره عقولنا على الفطره فعلا طموح من اول الحياة لكن هل تحقق ام لا فاللي قال يبي يصير طيار الحين جندي بالجيش واللي يبي يصير مهندس الحين حارس امن واللي يبي يصير دكتور جالس بالبيت ( كل شي مكتوب لابن ادم )
وين راح الطموح ولماذا تحطم الكل منا لديه طموح ان يصل الى ما يطمح اليه
جلسنا سويا نسال بعض وين راحت مهايطتنا من هكالسنين وحنا صغار
رد الطيار يقول فعلا كنت اطالع بالطياره وهي تعدى من فوق بيتنا وقلت ابي اصير طيار
وسالت المهندس كيف طرت عليك قال انا رحت مع ابوي يصلح السياره وقلت ابي اصير زي اللي صلحها
ورجعت للدكتور وسالته وانت دكتور مره وحده قال لي انا كنت مريض وانا صغير وودوني للدكتور وقمت اصيح وحطيت براسي اني اصير دكتور من شان يخافون مني
عقول صغيره لاتعرف ماهو المستقبل وماهو الطموح وفكرو ووجهو انفسهم في تلك المرحله ولكن نحن الكبار نصل الى المرحله الثانوية ونحن لانعلم اين اتجاهناولانستطيع تحديده .
من المسؤل الاول عن ضياع افكارنا الفطرية اهو الاسره ام المدرسه .
اعتقد انا برأيي انا الاسره فعلا هي المسؤل الاول لكن قد يكون الوالدين عاميين ولا يعلمون ماهو التوجه المستقبلي .
اين ذهب دور المرشد الطلابي بالمدرسه ماعنده الا يدق على اهلك اذا تاخرت ويمشيك مشية البطه هذي شغلته .
...........
...........
...........
