ياسلام الله سلام سليم من الـعطب=من هجوس الشاعر اللي يلين اله الصعيب
ويش راي اصحابنا في كثير من العرب=اغلب ارمـور العرب حار بدواه الـطـبيب
عرض للطباعة
ياسلام الله سلام سليم من الـعطب=من هجوس الشاعر اللي يلين اله الصعيب
ويش راي اصحابنا في كثير من العرب=اغلب ارمـور العرب حار بدواه الـطـبيب
حياك الله اخوي الماهر
واستلم الله لايهينك
مرحبا بالشاعر اللي لفاعنده طلب=قلت له يامرحبا واستمع له وش يجيب
العرب ياصاحبي بعضهم شكله نشب=نطلب الله يجعل الدين عزه مايغيب
تسلم وتدوم واستلم
يالوحيشي راحـت الدار والغازي سـلب = ارضـنا وارواحنا والنجي اصـبح غريب
واكثر ارموز العرب للاسف مثل الذنب= والشريف امن العرب ماجداه الا النحيب
بعضهم مهموم والبعض الاخر منطرب=والمواقف تجعل الطفل من همه يشيب
وبعضهم للمقلب الشين يالماهر شرب=ثم صدق يوم قالو تراك انته حبيب
وانت صادق كل فاشل يعود للنسب=يفتخر بافعال جده وهو ماله نصيب
والمصيبه وقفته دايماً مع من غلب=والحبيب اللي ذكرته لعله للذهيب
نصف قرن وحقنا ياحسافه منسلب=لين صار الجرح هادي بعد ماهو عطيب
واعتقد به يوم طيب وميعاده قرب=طاب للعربان وإلالعله مايطيب
نصف قرن الجرح ينزف ولا ظني نضب000والرجاء بالواحد اللي على خلقه رقيب
والـتظـاهـر بالـشوارع وتـرديـد الـخـطب000مايـعيد الـحـق ياكـود يـظهـر لـه طلـيب
اخواني الشعراء
عبدالله الوحيشي
والماهر
صحت السنتكما
وحنا متابعين لكم الله الله
المعذره على التأخير
احمد الله دارنا دار الامن المستتب=والملك فيها ابومتعب كفو واصله عريب
قايد محنك وشعبه يحبه والسبب=انه من الشعب ياصاحبي دايم قريب
اقتباس:
المشاركة الأصلية كتبت بواسطة احمد مصيليح العرادي
الشاعر
احمد العرادي
صح بدنك ويهمنا متابعة شاعر بحجمك
لاعدمناك
والله الله بالصفوف
عبدالله الوحيشي
امننا هادي لكن امن الامه مظطرب=يالوحيشي وضع جيراننا وضعاً مريب
وابومتعب لاعدمناه محبوب الشعب=وحده ايكابد عــثاهـم ولا له مستجـيـب
اقتباس:
المشاركة الأصلية كتبت بواسطة احمد مصيليح العرادي
سلمت ودمت وتهمنا متابعتك
مامعك غير الدعاء عد مالنسناس هب=الزمان الشين شمسه عن الامه تغيب
وكان عندك حل هاته وعجل ياشنب=العرب في حاجة الحل للوضع الصعيب
مـع دعـانـا ودنـا للـمصـايـب نـحـتسب=نـنـتـظر حتـي يجي كل حصرمنا زبيب
والشعوب اتنزح اللي رثع فيه الجرب=تتحد مع بعضها ضد صهيون وصليب
المــــاهر والوحيشـــي
امتعتــونا ومتــابعــين
الله يعافيـــكم جميــعا
اقتباس:
المشاركة الأصلية كتبت بواسطة ابو ابراهيم الحمودي
سعدنا بمرورك لاعدمناك
الجزيره دربها فيه ياكثر الشّعب=والطريق اللي يودي لها شكله كأيب
الجبار ه وضعها مانفع فيه اي طب=غّير الموضوع ياصاحبي وانته لبيب
الحمودي
لاعدمتك ياغالي
اللبيب ايقول خذ علم صادق مقتضب000دارنا دار المعزه ولا نخشى الحريب
البلاء جـانا من اللـي تعـيرب واقتلب000ماعــرفـنا مـلـته مر هـر ومر ذيب
العذر والسموحه والنهايه عندك
ماضي الايام كان الخوي مثل الذهب=خوته تصفى على طول فيها سريب
السموحه كان فالقول شي من العجب=نلتقي في خير كان اللقى لي به نصيب
اشكرك اخي عبدالله على مشاركتي المحاوره
والعذر والسموحه اذا بدرمني خطأ بدون قصد
والله يحفظك ويرعاك
اقتباس:
المشاركة الأصلية كتبت بواسطة الماهر
اخي الشاعر
الماهر
الشكر لك على هذا الطاروق الجميل
وماجاء منك إلاكل خير
نلتقي في محاورات قادمه ان شاء الله
وتمنياتي لك بالتوفيق