القصير
سلام الله سلامٍ للرجال اهل الوفـا والجـود=تحية للجميـع اعمهـا ماهـي خصوصيـه
عسى ربي يجيب الشاعر اللي يفهم المقصود=نبا نسهـر سواوالنفـس مامـوره ومنهيـه
ابوتركي
هلا يا مرحبا بك عد ماهبت هبوب النود= نيابه عن رجال(ن) فالمواقف نارهم حيه
لقيت اللي تريده ياالقصير وابذل المجهود= نبا نسري سوى يا صاحبي والنيه والنيه
القصير
مضن ثلاثة ايام ماشفت الولد ماشفت العود=ما غير أنا لحالي وينكم والـدار محميـه
ترى الموضوع هين مابه الا الناروالبارود=تهيد النار و البارود طلقـا تـه سماويـه
ابوتركي
تقوله يالقصير وانت من وسط البلد مفقود=وانا ماكنت احسبك داخل حدود السعوديه
تهرج ياعميلي والله الوالي هو المعبود=نبا نصرف ذهب ما ودنا فالصرف ربيه
القصير
أنا عند الرجال الطيبين أهل الكرم موجـود=وا لا يحظي يا حظ السعـادة جابكـم ليـه
نبا نصرف ذهب مير الطماعه دربها مسدود=ذهبها ينصرف من يمنا ميـه علـى ميـه
ابوتركي
هلا يامرحبا بك يالقصير والبرا مردود=والا ياكبر حظي جابك المعبود بيديه
نبا نصرف ذهب ياصاحبي والزود لاهل الزود=عسى ربي يفكك يالذهب شر الحراميه
القصير
اظن اللي لفا بك صوبنا هو حظك المقرود=رمى بك في يدي من دون لاروحه ولاجيه
ليا عندك ذهب خله رصيدك فاليالي السود=وانا من حمد ربي في يـدي شلفاوِجنبيـه
ابوتركي
الا ياللي تحلم لاتحسب(ن)العباد رقود=حلوم الليل تبقى حلوم ماتصبح حقيقيه
انا من دون حالي لاتضيع دخلك المحدود=معك شلفا وجنبيه لكن يديك ملويه
القصير
تضيع الحجة اللي ما يثبتها سند وشهـود=وقول الحق يظهر لاتقول احـلام ورديـه
انا من دون ربعي ماالتفت للحاشي المفرود=ولابسكن بلادٍ مـا بهـا كهـرب ولاميـه
ابوتركي
ماجي لاخصامنا واصحابنا الا في خبر ماكود=وحجه ماعليها إثبات بالاحكام منفيه
ترى ماينكر المعروف غير أهل القلوب السود=واظنك رجل مسلم تحسب الحسنات والسيه
القصير
ولا ياساكن المنجور وش وداك لأم الدود=تكب الديرة اللي ملككم بصكوك شرعيـه
بعد ما ربعت هاك الدياروزان لون العود=يموت الداب الاسودوالسبب من لدغة الحيه
ابوتركي
لياطب المطر حلنــــا الضعن ياصاحبي والـــــذود= تعرف البدو تتبع كل براق(ن)ومنشيه
ترى بعض الحيايا لدغهاأقوى من صاروخ سكود=ولايقدر يعالجهــــا طبيب ولا تمرجيــه
القصير
في هذا الوقت بعض الناس يتبع زاهي الماهود=تغيـر طبعهـم وافكارهـم يالقـرم غربيـه
عسى ربي يخارج لاتشيل الطرس والعبـرود=بعد بكـرة تجيـك اعلـوم يارجـال مخفيـه
ابوتركي
زمان اليوم يارجال لاناقد ولامنقود= ولو تنقد تحصل كلمة الأوضاع حريه
ليا بانت خوافيها تعود للبلد مضهود=وتخسر رايتك بالحرب وتضيق التميميه
القصير
تعذر ما يفيد العذر واللـي صايرِمرصـود=ومهما أخفيتها عنا ترى الاخبـار جهريـه
حملنا الرايه الخضراءرفعناها مع ابن سعود=فعول اجدادنا يا صاحبي ما هـي بمنسيـه
ابوتركي
انا ماني بمتعذر وكثر الهرج مابه فــــود=سوى والا موبايل كلها شركه تجاريه
أقول ونعم فيكم في نهار الضد للمضدود=قضيتنا ترى ياصاحبي ماهي سياسيه
القصير
بقي يومين وتبين النتيجه والعصب مشدود=ولا ندري يتيه الصقر والا تيـه قمريـه
ولا ياصحابنا يا أهل المروةماعليكم زود=أفيدونا عن الاوضاع عن هذا وعن ذيـه
ابوتركي
ترى ماحدن درى بالغيب غير الواحد المعبود=وخلق الله بحكم الله ماموره ومنهيه
مصيبه لويتيه الصقر ضاق الفارس النمرود=وتصبح سالفه بالارض غربيه وشرقيه
القصير
هذاك الخط عيده واشحنه ياصاحبي بطرود=لعلك في نهار العيد تلقـى ثـوبِ عيديـه
ليا تاه الصقرلاترجي انه للمكـان يعـود=ويظهر في مكان الحر شيهانـه وبحريـه
ابوتركي
شحنته قبلنا يالله لعلك ماتشوف نكود=وتاخذ شرهتك من عندهم غتره وطاقيه
لاتاه الصقر يارجال لاحامد ولامحمود=جميع اللي ملك حسان يصبح ملك حسنيه
