كلنا نذكر ايام واحنا صغار كيف نلتم على بعضنا فالشتاء
وكيف عندنا طقوس بعد المغرب شبت النار والحليب و العائله كلها ملتمه
نتفقد بعض ونستانس سوا
ايام كثيره كان صوت المطر يزين الجلسه والبرق والرعد
كان الشتاء من يبدا نحس بروعته بالامطار و المناظر
وكبرنا وتغير كل شي
تغيرت طهارة قلوبنا
صرنا مؤاخذين و مكلفين بكل شي
فقدنا بعض من البراءه او كلها حتى
وفقدنا شي حلو
فقدنا المــطـــر
اذكر ايام قبل اذا تاخر المطر لو شوي وصلوا الاستسقاء ثاني يوم يجي مطر بشكل مو طبيعي
كانه تعويض عن ايام الحررمان من رب العالمين
الحين ايش اللي تغير ؟
اسألوا انفسكم واللي حولكم
المطر شبه منقطع
وصلوات الاستسقاء ماعادت تجدي نفعا مثل قبل
تتوقعون ليه ؟
ربنا ماتغير اكيد
بس احنا اللي تغيرنا
استغنينا .. تكبرنا.. اشغلتنا الحياه
مانذكر نطلب المطر الا اذا قالوا في الجرايد و التلفزيون
انا كلامي عن المطر ليه ؟؟
لانه من علامات رضا رب العالمين عن عباده
وتأخره علامه من علامات .. ! تعرفون من علامات ايش
الله لايعاقبنا
ربنا ممكن يكون غاضب منك انت ياللي قاعد تقرا
او ممكن مني انا ياللي كتبت هالكلام
محد منا معصوم بس ياترا مين
وايش هوَّ الذنب الكبير
ممكن يكون
لأن
اخواننا المسلمين تنتهك حرماتهم ودمائهم
اطفالهم يقتلون بلا رحمه
او ممكن يكون لانك
قبل يومين بالغلط رفعت صوتك على امك
او لان اصحابي كانوا يحشون في واحد و ضحكنا عليه
او يمكن
لانك كنت او كنتي قاعده على شي مايرضي ربك على النت او التلفزيون
او تسمع اغاني وانت رايح للدوام
او
او او
اخطأنا كثيره جداً
لكن ربنا غفور رحيم
على كل النعم اللي عطانا اياها المفروض مايشوف منا الا اللي يرضيه
انا حالي حالكم واغلاطي يمكن أكثر منكم
بس احس بالذنب واحاول ارجع ومو دايما اصدق اني مذنبه
طبع الانسان يكابر لو هو عارف غلطه
بس عندي لي و لكم دعوه
(خلونا نرجع)
يعني
انا و انت و انتي وانتو وكل احد بيقرا هالموضوع
خلونا نبدا بدايه صادقه بيننا وبين انفسنا وبيننا وبين بعض
ايش بيصير
دعوة تطهير
ومراقبه
يعني حاول تعصم(ي) نفسك من الوقوع في الخطأ
طبعا ماراح تقدر(ي) تكون(ي) ملاك
لكن اشياء بسيطه انت دائما تسويها حتى لو منت ملاحظ
لاتلعن
لاتشتم
لا تحش بايا كان
لاتسئ الظن
لا تنافخ على احد والديك
لاتؤذي احد بيدك او لسانك
حاول(ي) تحافظوا ع الصلاه في و قتها
اذا متعود(ه) تصلي متاخر خلك بدري شوي
واذا تصلي فالبيت روح للمسجد
واذا ماتصلي ارجع لربك و توب
واكثر من الدعاء
ادع لنفسك
ثم للي يعز عليك لان الدعاء عباااده
ولا تكذب
ولا تسرق
ولا تنافق
كل شي كنت تسويه باستمرار وانت عارف انه غلط بطله من اليوم
وخل نشوف النتايج سوا
خل نشوف اخلاقنا ونفسيتنا كيف بتصير
خل نشوف المجتمع اللي حولنا كيف بيتغير
وخل نشوف اهم شي
وهو رضا الله عنا
انا مو داعيه لكن الله يفتح لي ابواب رحمته واهتدي
انا شاب مثل اي واحد منكم
اغلط
بس خلونا نرجع
واتمنى يبداء من اليوم
الدين النصيحه يااخوان
((استغفرالله من كل ذنب عظيم))
لااله الاانت سبحانك اني كنت من الظالمين
ربي اغفرلي وارحمني ولوالدي والمسلمين والمسلمات والمؤمنين والمؤمنات الاحياء منهم والاموات الى يوم الدين
