ذكَرٍتٍنَيّ بـَ إَنَسٍآنَ غَ ـَآًليّ فَقٍدتهًٍ

آسف انا في جيتي لـك تسرعـت
ظنيت الاقـي فيـك شـيٍ فقدتـه

كنت احسبك مجروح مثلي تولعـت
جربت فرقى شخص قلبـك وهبتـه

كنت احسبك من مر جرحك تجرعت
حبيت فيك احساس طفـلٍ لمحتـه

لوقلت آآآه بوسط روحي توجعـت
ولو شفت دمعاتك شعوري سكبتـه

ولو تطلب اعيوني ابد ما تمنعـت
واعطيك قلبي لو بعد مـا طلبتـه

وصلت بك..... اعلى مكان وتربعت
وفي قلب غيري ياالغضي ماوصلته

واصبر على صدك واشوفك تدلعـت
واعطيك ود ومـا اظنـك حسبتـه

اذهلتني بطباعك اللـي ...تطبعـت
حتى قصيدي فيك ابد مـا فهمتـه

لو كان غاياتك حروفي فانا بعـت
وافرح بجرح الشاعر الي جرحتـه

وأرجوك من صدك تراني تشبعـت
خلك مع اللي عاجبـك او عجبتـه

يكفي قهر في جيتي لك تواضعـت
تركت غيرك لجـل عينـك وبعتـه

ياليتني عـن حـب مثلك..ترفعـت
ياليت قلبي قبـل اعرفـك دفنتـه

لكن اببعد دامني بـك توهقـت
الله يرحـم حبنـا اللـي ذبحـتـه

انا شريت الود والحين انـا بعـت
وانا عطيتك قلبـي اللـي قهرتـه

في يوم جيتك اطلبـك ود واقنعـت
نفسي بانك شخص عادي عرفته

كمل حياتك مثل مـا انـا توقعـت
تبقى اسير الماضي الـي فرضتـه

ولا يحزنك اني غلطان وتراجعـت
حولك بدالي ألف شخـصٍ عجبتـه

اما انا لا يمكن اخضـع ولا طعـت
يحرم علي اعطيـك قلـبٍ خذلتـه

باريّحك من شوفتي يـوم قاطعـت
اسلوبك اللي بـة تجامـل كرهتـه

غلطان يا المقفي انا مـا تتبعـت
غيري يتابع خطوتـي مـا تبعتـه

ما ينحني راسي لو انـي تقطعـت
وما هو انا من لا رميتـه لقطتـه

وان كان غرك حكي عذالي وطعـت
الله يعلـم كيـف قلبـي سكنـتـه

اللي ملا قلبـك علـي وتسمعـت
خله يعوض شخص مثلي خسرتـه

انـا بمـا فيـة الكفايـة تولعـت
واللي بقى من قلب فينـي حرقتـه

باول لقا سلمتة احساسي وضعـت
غلطت حياتي يـوم قلبـي سلبتـه

واستسمحك فالبعد كاني تراجعت
ما عاد ابلقـى فيـك شـي فقدتـه

طبعك مثل غيرك وطبعي كما كنـت
احب شخـص ولا تركته...تركتـه!!!

وان شفتني صدفة بعينك تطلعـت
ذكرتني با نسـان غالـي فقدتـه

::

طبعك مثل غيرك وطبعي كما كنـت
احب شخـص ولا تركتهتركتـه!!!

وان شفتني صدفة بعينك تطلعـت
ذكرتني با نسـان غالـي فقدتـه

**************
ابيات جميله جدآ الله يعطيك العافيه

صح لسانك

عدد بلامدد

جزله

سأبقى لحد الإرتواء

حـاتـم

ما ينحني راسي لو انـي > تقطعـت
وما هو انا ألي .. من رميتـه لقطتــــه



الشاعره / خلود البلوي

صح لسانك ..

نص راقي .. ممزوج بالشعر والشعور الصادق ..


وهنا نرى كيف أن المسحوب .. يتغلغل إلى القلوب بكل سهوله ..


رغم الألم في هذا النص .. إلا أنه كـ/ــالشمس .. أضاء المكان ..


خلود .. فقط إستمري ..


وانا أستأذنك في نقل النصوص الأخرى إلا قسم الإنتظار .. هل تعلمين لماذا ؟


وذلك لكي يتستمتع القراء في هذا النص .. ويأخذ حقوقه الجماليه وذلك من خلال الردود ..


وبعد ذلك نقوم بنقل القصائد الأخرى .. إلى هنا


الشاعره خلود .. مره أخرى أنتي شاعره جميله .. فقط !!


حلّقي هنا .. إلى حدود اللا حدود


محبتي

أسعد السحيمي

اشكرك ابيات رائعه استمتعت بها

ولست شاعرا لكي اجاري ابياتك الجميله

ابيات جميله وجدنا فيها
الجراح- الحب-الاحساس - الشعور_الولع - الاحزان
الصّد _ القهر _الُبعد_الخذلان


بوح راقي تحكي عن الم وعن عزّه نفس

لو كأن غاياتك حروفي فانا بعت

وأفرح بجرح الشاعر اللي جرحته

اختي خلود شكرا لهذا البوح

وصح لسانك مدد بلا عدد

غلطان يا المقفي انا مـا تتبعـت
غيري يتابع خطوتـي مـا تبعتـه

ما ينحني راسي لو انـي تقطعـت
وما هو انا من لا رميتـه لقطتـه
الشاعرة خلود
صح لساااااااااانك ولا هنتي على هذه الراااائعة بروعة قائلتها
تحياتي

خلود البلوي

ابيات جميله ويعطيك العافيه

أختنا

خلود

أتمنى منك .. ومن كل عضو

أن يتحلى بالأمانة الأدبية عند نقل أي نص شعري
يكفي أن تقولي هذه " من قصائد أعجبتني "

لأن ما تحتويه القصيده من كسور في النقل
تجعل أي شاعر يتأكد أن هذه القصيده منقوله
لأن الأخطاء سهله .. وتدل على أن القصيده الأصل صحيحة الوزن

لذا يكون مكانها " القصائد المنقوله "



ودمتي بخير