بلي وجهينه ... قضاعه
.
.
.
إذا كان الصحيح أبقا ..مصير .. الجد لا بده=يجي في زحمة الغث ويرد الغث في قاعه
على ضوء الادله باكتب اصدق علم ..واعده=لو انه قاسي وبعض العرب وجله ومرتاعه
لكنّ اليوم بأمس إذا اعتذر.. وش عذره لغده..؟=مدام الوقت ماشي والمقنع يسقط قناعه..!
زمنا صارم وكلن حسب ما قدمت يدّه=يعاتب نفسه ولا يجعل الأيام شماعه
على مال الوريث أمسى العصامي ناوي الهده=وهد بليلته واحتل راس المال وابتاعه
عصامي خطط لمستقبله والخوف ما رده=على وجه البسيطه من مقيضه شاف مرباعه
معاني شرحها أصعب من شروح الوصف في جده=لا صار بحي شعبي فيه متسوّل .. وبياعه
يذكرها علي إجحاف حال الواقع وصده=من أسباب انعكاسات الرياح وطاعة شراعه
وبعيد النظره اللي شد نصف الناس.. ما شده..!=لو أسهب في كلامه .. يوجزه بالسمع والطاعه
على عهد ومبادي ثابته لو طالت المده=وإذا سولف يعد الحق حق بمده وصاعه
يقول العاقل اللي لا عرف حده.. لزم حده=وبعض الناس بالوقت انتهازيه وطماعه
وابا ادي واجبي فالشعر لوما قيل لي اده=رساله في يدي من بين قرايه وسماعه
ادقق في معانيها وفالهمزه وفالشده=وانا ما اجهل خفايا الواقع اللي غيّر إيقاعه
اعرف اللي لبس مشلح ..وهو ما هو على قده=واعرف اللي تطوّر مستواه ..وزانت اوضاعه
واعرف اللي يجيب الأصل .. من هامش ومسوده=واعرف اللي على الأوراق .. طابع مجده طباعه
واعرف اللي جحدني ..واعترف.. وسمي على خده..!=واعرف اللي تغطرس .. والسعه زينه وخداعه
واعرف إن الرخاء .. ثلجه يذوب بحموة الشده=وكلن بالشدايد... يشره ويعتب على ذراعه
واكيد الشهم يبقا شهم ..لو وقته وقف ضده=مدام ان المعزه منهجه.. وعزومه قلاعه
واكيد ان السلوم الطيبه تهميشها رده=مدام أيدها الإسلام وعليها حرض أتباعه
وأكيد ان الجبال الراسيه صلبه وممتده=لو الوادي قسمها نصفها الباقي بمقطاعه
واكيد ان الشرف ما هو يحاز بهاته ووده=رصيد افعال واجيال وحصاد سنين جماعه
يورث للولد من بعد أبوه اللي ورث جده=ولا تمْنَعه عن من يستحقه نفس مناعه
على طول الزمن يا مصعبه .. في بنيه وهده=وهو ومن بادي الوقت اقترن مع ربعي ... قضاعه
كريمين النسب والفعل والمنهاج والمده=بلي وجهينه إلهم يوقف التاريخ والساعه
عطاهم يخجل البحر الغزير بجزره ومده=وباقي وصفهم بدر بسما الأمجاد مطلاعه
ولا أبالغ إذا قلت النظر لا يمكن ألده=بغير اللابه اللي حازت التشريف بانواعه ..
.
.
.
للجميع تحياتي
