http://www.rofof.com/img2/5gdyjv3.gif
http://www.m7shsh.com/vb/12.gif
بعض المواقف الطريفة
مشغول البال
فيه واحد ..كان من سكان الرياض المهم في له اقارب من الديرة ووعدوه بزيارة له يوم الجمعة ياكلون واجبهم وبعدها يواصلون الى الشرقيه المهم صاحبنا مهتم ومشغووول تفكير بهالزيارة ... المهم راح لصلاة الجمعة والظاهر انه (نعس) المهم الا والامام طلع المنبر والقى التحيه (السلام عليكم ورحمه الله وبركاته)...
الا وصاحبنا يفز من بين الصفوف وينط كالذئب وهو يقول بصوت عاااالي (ارحبوا حياكم الله)!!!- يحسب الضيوف دخلو عليه بالمجلس – ههههه
إلا وهو ينتبه للموقف ... عاد دوره ولا تلاقيه !!!!!!!
http://www.rofof.com/img2/5ecldt3.gif
فنجان قهوة ..
هذا موقف حكاه لي أحد الاخوان السودانيين اللي في العمل معي
يقول :
أول ماجيت السعودية عند كفيلي كان اخر شعبان ..
اشتغلت كم يوم إلا ورمضان داخل علينا ..
عزمني عنده ثاني يوم او ثالث يوم رمضان ..
المهم قاعدين على الفطور – وهو عازم ناس – الا ويصب لي ولده فنجال قهوة ..
شربتها بالقوة .. يقول : طعمها مر ..واول مره اشربها ..ماعجبتني ابدا..
حطيت الفنجال الا والولد ياخذه ويصب ثاني !!
ويقول : واشربها وانا احس روحي بتطلع !!
يقول وحطيت الفنجال وياخذه ويصب للمرة الثالثة!!
وبعدييييين انا ما ابغى قهوة خلاص ..بس كيف اقول لا تصب ..
وكل شوي احط الفنجال ياخذه من غير ما ادري ويصب ويمد لي الفنجال واضطر اني اخذه...
يقول وبعد جهد جيهد ت..- تخيلوا وش سوى –
يقول خلصت الفنجال وحطيته في جيبي !!!
(يقول خفت اقول أي شئ يفهمونه بالعكس)
http://www.rofof.com/img2/5ecldt3.gif
سيارة والرجل
هذا موقف يذكرلي اياه صحاحبة مباشر يقول زمان كنت امشي بسيارتي وانا ماشي واشوف سيارة تمشى مفتوح بابها وبدون سواق تمشي جنبي ..واتعدا شوي وااللى واحد يركض ..ولنه صاحب السيارة لف اللفه ونفتح الباب وطاح وروحت السيارة لوحدها ..وأنا أديور ونلحقها وما ردها إلا شبك الأثار ..
http://www.rofof.com/img2/5ecldt3.gif
في جامعة ام القرى
هذه قصه يحكي ايها نفس الشخص اللي صاير معاه هالسالفه ..في جمعه ام القرى في المصلى اظن لصلاة العصر اقيمت الصلاة وفيه طلاب كثير وانا كنت خلف الامام مباشر ..لكن الامام تاخر ..واقيمت الصلاة . .ويجي واحد يدفني من الخلف لتقدم للامامه وانا امتنع المره الاولى والمرة الثانية امتنع والمرة الثالثه يوم دفني قلت خلني اصلي بالناس ما فيه غيري المهم وانا اقدم يوم وصلت نص المسافه ويمسكني واحد مع كتفي وأنا أطل ولينه السبيل الامام (اظنه السبيل قال لي أو أحد أئمه الحرم المشهورين ومحاضر بالجامعه)
اثريه من اليوم هو يدفني يبيني ابعد عشان يتعدى ..وانا على بالي انه يبي يقدمني ..
http://www.rofof.com/img2/5ecldt3.gif
لون احمر
يقول احدهم عن زميله :
في احد الايام توجه ابو عبدالله كعادته الى صالة الاسهم عصرا ليضارب كما هي العاده كل يوم , ولكن بعد افتتاح السوق وبدايه التداول وجد ان المشر يتراجع ويتكبد الخسائر .ما جعل الوجوه مكفهره (حلوه مكفهره ذي) والصمت يسيطر على الموقف ..
ومع حلول موعد صلاة المغرب تجمع المضاربين لاداء الصلاة جماعة ..وقدموا ابو عبدالله ليؤمهم , وبعد تكبيره الاحرام الا ويبدأ بالتشهد الاول نيابه عن الفاتحة ..واستمر في سرد التشهد رغم كل التنبيهات من المامومين , لولا صرخة احد المصلين بصوت عاااالي "الفااااااتحة " لما تنبه الإمام..
http://www.rofof.com/img2/5ecldt3.gif
بسرعة
يروي احدهم عن موقف حصل له : يقول :
في اول يوم انهيار في السوق الاسهم, كنت من متداولي (بنك ....) وعندي خدمة الهاتف ومثبت الرقم 9 للاتصال السريع بالبنك ورقم 8 للوالدة..
ومع شده الارتباك ومع احمرار السوق ضغطت على الرقم 8 بدل 9 ثم موافق وعند فتح الخط لم اسلم عليه وقلت : بيــع بسرعة كذا كذا سهم مواشي ماركت ..رقم المحفظة كذا كذا..
ثواني واسمع صوت الوالدة تقول : بسم الله عليك يا وليد وش فيك عسى ما شر ؟! انا امك انت تكلمني ؟! انت تحلم او شئ ؟!!
يقول قلت : هلا يمه .. إلا شلون أبوي ((ابي ارقعها)) .. طيب ..مع السلامه!!
http://www.rofof.com/img2/5ecldt3.gif
امام الحرم
هذا فيه واحد الله يذكره بالخير ملتزم ويقول مرة زمان رحت للحرم لصلاة الفجر بدري وجلس خلف مكان الامام ..المهم ويتاخر امام الحرم ومافيه احد من الائمه الكبار وتقام الصلاة ويطلون على يبون يقدموني لما ظاهر علي من الصلاح وانا الله يعين مو ذاك الحفظ للقران لا واللي حافظة نسيته (من الموقف) المهم ويطلبون مني التقدم لصلاة وانا ارتجف وتصبصب عرق المهم ويطلبون مني التقدم وانا مسوي ما اسمع يمكن يجي احد ويام .. لين ما شفت ما يبيلها لازم اصلي بالناس ..واقدم وقلت الله اكبـــــر ...وانا اصحى من النوم اثري السالفه حلـــم وانا بغيت اموت من الخرعه
يتبع الصور
