صوت / عبد الكريم طوير ... صدى / أسعد السحيمي

	صوت .. وصدى الصوت .. للشاعر / عبد الكريم طوير الصويدر يأسعد عسى الله يسعدك طول الأيام = وتعيش في دنياك مرفوع هامه لنـّك كريم ومن رجاجيل واكرام = ماتنسي لما تقوم القيامه ماتنسي بالوقت عام ٍ بثر عام = إلا نسى التاريخ أبو دلامه شاعر واديب وبالمواقيف ضرغام = وللطيب في وجهك مقر وعلامه طيبتك جبله لا تصنّع ولا أوهام = والأدمي معروف شرقه وشامه نخوه وطيب وباللوازيم عزام = حر ٍ تنومس هدّته من مقامه طير السعد يعرف بريشه إلا حام = صيده من الدسمات بأول محامه لبست من تاج الرجاله لك أوسام = ومن الشرف خامه وخامه وخامه لونها برقام حطمت الأرقام = أقولها والحر يحمي كلامه يالله عسى دنياك لذات وأنغام = وأعداك كل ٍ عظته في بهامه وإليا بغيت الصدق للخير خدام = والشر مبطي ماتبنى خيامه والعمر يفنى والضروره لها أحكام = والوقت يفرق عن حلاله حرامه دنيا تقلبنا على الشرق والشام = نوب ٍ كدر وأحيان شبه إبتسامه تضحك وتبكي والعباره بالأيتام = كم من يتيم ٍ قال : بابه ومامه واكبر مصيبه للعرب موت صدام = لاشك موته موت عز وكرامه بطل صعل قومي علم بين الاعلام = لكن الدهر عظّه وقظّه وضامه تفكروا ياقوم في ماضي الاقوام = وين الهلالي والهلالي سلامه ولاكل راعي حلم يصدق بالاحلام = بعض العرب ودك يطول منامه إن عشت ياراسي كسيتك من الخام = وان مت ياراسي فدتك العمامه .................................................. .............. وهذا هو الصدى / لـ/ أسعد السحيمي حي الله ألي خوته فخر .. وأوسام = على صدور المرجله والزعامه عبد الكريم الي لو الوقت به ضام = ماينحني راسه سوااات النعامه يثبت كما ضلع ٍ على طول الأيام = ويفرض على كل الصقور إحترامه حر ٍ ولد حر ٍ .. ولد حر / لاحام = يكفيه عن هدّه .. إتخمر الحمااامه رجل ٍ كريم ولا تخيّرته إحزام = مايرتخي باللي إختاره .. حزامه وإليا نخيته / فسّر زنوده .. شمااام = ولا فسّر زنوده .. يحقق مرامه من نسل قوم ٍ ثابته بين الأقوام = يوم الدهر بالحيل زايد ظلامه راعي جمايل .. كاسب الطيب مقدام = ولاشفت وجهه شفت فيه الشهامه وبالوقت هذا ناس وأجسامها ضخام = والكل منهم يدّعي بالفهامه لكن إلا كبَرت عليهم كـ/ـالأقزام = وهذي دلايل ناس فيها غشامه أما أبو عاطف / رجل شهم لادام = شفنا فعوله بإنسجام وصرامه ذيب ٍ على الصعبات بالحيل لطّام = ويعجب بالخوه .. وسرع إنسجامه مايروغ يوم الوقت .. راغت به أقدااام = يبقى على الهقوات في إستقامه شاعر جزل تحتار به كل الأقلام = فارض على أهل القصيد إهتمامه ولاهنت يارس ٍ كسيته من الخام = ولاخبت ياراس ٍ فدتك العمامه ياجعل يفداك الردِي وكل نمام = ويفدونك أصحاب ............. والفـ/ ـخامه ويارب ثبتنا على دين الإسلام = وأكتب لنا الجنه بيوم القياااامه وسلامتكم

الأخ العـزيز والشآعر القدير أسعـد السحيمي :|for you|:


تشرفت ان اسمع هذه الشآمـخه منك صوتيآ ...!:|for you|:

وهآ أنـآ تـشرف ان اكـون اول من يعآنقها هنااا ..!:|for you|:

أسعـد شهآدتي فيك وبمآتـسطره انآملك مـجروحـه فلا يـحق

للطآلب ان يعـقب على مآيمـليه له معلمــه فأنت لست شآعر فقـط

بل انت معـلم للشعـر ومـدرسه انآ احـد طلابهااا وأفتـخر بذلك ..!

الشآعـر عبدالكريم صـويدر شآع لآيشق لـه غبار وهـو شآعر متمكن

وذو بآع طـويل في الشعـر وفي الجـزل من الكلام القيم فصح لسآنه مليون ..!

وأنت صح لسآنك وعلى شآنـك على هذا الـرد الجـزل والقيم ونـعم فيك وبآلشاعر

عبدالكريم الصويدر ..!

تقبل جل تقديري واحترآمي ..!:|for you|:

أسعد وأبوعاطف

ابداع الي أبعد الحدود

لاتعليق الله يوفقك جميع

تحيتي ومحبتي للجميع

صوت جميل وصدى مبدع



سلمت يمينك على القصائد

صوت جميل وصدى جميل من شاعرين كبيرين

نتعتبرهما من رموز الشعر الشعبي

تحية للأخوين من القلب

ياجعـل يفـداك الــردِي وكــل نـمـام

ويفدونك أصحاب ............. والف/ـخامه

صح لسان الشاعرين
مبدع يااسعد
تقبل تحياتي

صوت جميل وصدى جميل من شاعرين كبيرين

شكراً لك

:)

قمـة الحُـب . . أن يجبرك الصمت على الكلام . . فـ يعجز اللسـآن عن النطق . . فـ تصمت


أسـعـد . .

ورب مـ ح ـمد أنت ترويني شعرا دائمـاً

جميـل بـ كل أحوالك . .

نص تفـوح منه رائـحـة البـداوه و الشهامه


صح الله لسانك . . ولا يهون أبو عاطف

شاعر غني عن التعريف / شاعر جـزل وهرم


وقمـه على قـمه ;)


تـ ح ـياتي

:|hart:|

اخوي /أسعد السحيمي
تحيه طيبه
أبو عاطف شاعر كبير و قصيد ته جزله وانت تستاهل الجزلات

وردك عليه وافي من وافي ويستاهل ابو/عاطف ؛؛؛؛

وصح لسانك ولسانه وكلكم تستاهلون ،،،

وتقبل مروري ،،،

أخوك/ زايد عوده الزبني

شاعر واديب وبالمواقيف ضرغام
وللطيب في وجهك مقـر وعلامـه

.


.


يثبـت كمـا ضلـع ٍ علـى طـول الأيــام
ويفـرض علـى كـل الصقـور إحترامـه




الله يعطيكم العافيّه ويبيّض وجيهكم


باختصار
بدع مشرف ورد مشرف


صح لسانك يا ابو ابراهيم وصح لسان عبدالكريم



تحياتي وتقديري لكما

ماشاء الله ابداااع رااائع

استمتعت كثيراً

ربي يسعدكم

قصيدتين رائعتين

اسعد
تسلمون صوت وصدى في غاية الروعه
قصائد فيها الكثير من الحكمه
والله يعطيكم العافيه



عبدالله

صوت جميل وصدى جميل من شاعرين كبيرين

شكراً لك

__________________