صوت للشاعر / مشهور السرحاني و صدى للشاعر / ناصر الذيابي

س1

.

هذه قصيدة بعث بها الشاعر / مشهور يوسف السرحاني البلوي
إلى صديقه الشاعر / ناصر محمد الذيابي العتيبي
و فيها يتذكر الشاعر مشهور يوسف السرحاني ذكرياته الجميلة في قريته و مجالس رجالها و مجلس والده رحمه الله رحمة واسعة و ما تغير الآن في مجالس هذا الزمن :

ياصحابنا ما شفتو اللي على البال = أبو محمد لاعدمنا وجوده
رفيقنا رمز الكرم طيب الفال = الجود ياخذ من تعاليم جوده
كريم نفس و للمواجيب مدهال = تارد عليه و ترتوي من عدوده
عقب الاجازة جيت والوجد عمال = يفر دولابه و واصل حدوده
مشتاق لعلوم القصايد و الامثال = و المنطق الطيب وروعة ردوده
يا ابو محمد صاحبك حده الجال = و الخافق الحساس باحت سدوده
و انا تراني حي ماني بتمثال = و احساسي المرهف تعدا حدوده
دايم يمول بي على كل موال = و الحزن يا ناصر سبتني جنوده
بين الحنين اللي خذاني للاطلال = و الماضي اللي دوم نفسي تروده
لاجيت دار العود و الدمع همال = ترجع بي الذكرى لسالف عهوده
مرت ثلاث سنين و الهم مازال = يغتال فرحة صاحبك في مهوده
لحظة وداعه غيرت كل الأحوال = و الوادي المعمور قلت وفوده
من عقب ماهو للونس كان مدهال = اليوم تسفي باشهب الهم نوده
من غيبته شمس الأمل صارت ظلال = دفنتها ما بين طية لحوده
ظلعن سكن مابين وديان وجبال = ارتاح من دنياه واتعب سنوده
سيرة رجل لكنها تتعب اجيال = دايم على وجه الزمان إمحموده
و اللي يزيد الطين بله وينهال = على رفيقك و يتحدى صموده
قل الونيس اللي من الحال للحال = تفتح له الخافق و تشكي لهوده
و إن جيت لك مجلس تبي جمعة رجال = لقيت كلن جاهزن في وقوده
غيبه و نمه مرتع القيل و القال = بالهمز و ايضا اللمز لافاد فوده
اطيبهم اللي حط بالاذن جوال = له هرمسه ما شاف نقصه وزوده
قفلت انا عنهم محطات الارسال = و برنامجي غيرت ماضي بنوده
باسج رجلي بين شعبان و سهال = وارقب على رجمن تعلت حيوده
وابعد عن اصحاب المصالح و الانذال = قلوبهم لاهل المكارم حسوده
ختمتها و الشرح يسمج اليا طال = الحال مبري و القصايد شهوده

و كان رد الشاعر / ناصر محمد الذيابي :

قولوا لابو يوسف حضرنا و بالحال = اللي ينادينا نجي في وعوده
هات الخبر يامعرب الجد و الخال = اللي على فعل المراجل تقوده
منومسن ربعه و للطيب مكيال = يزود لاجا للرجاجيل زوده
الشعر يهدي لك تحيات واجلال = يفرح اليامن صار مثلك يروده
منطوق عرف و فهم من زين الاقوال = متسلسلن من ورث ابوه وجدوده
و ان كان يا مشهور تشكي لي الحال = من خافقن ينتاب لاهب نوده
و يذكرك وقتك بلوعات و اهوال = ذكرى رجالن فاللزوم معهوده
النادر اللي للصعيبات حلال = حمل الثقال المعجزه ما تكوده
اللي على ربعه هماليل و خيال = تقدح مقاديمه و ترجف رعوده
غيثن لهم لاجا عواصيف و اشكال = و اليا عقد راين صعيبن اعقوده
له مقدره ما بين ربع و منزال = ماتغيره بيض الليالي و سوده
اليا رحل ماهو مثل كل رحال = يطيح ركن البيت ولا عموده
و اليا من طاح النجم و الا الجبل زال= من عاد يقدر في مكانه يعوده
امرن من الخالق و سنه و منوال = اديار بعمرها ودار مهدوده
جعل العوض فاللي لهم قول و أفعال = نسل الكرام و فاللزوم امعدوده
والا الردي لو هو لبس بشت وعقال = لا يعجبك وسط المجالس ركوده
يوصي على هدم المكارم للاشبال = عوده ردي لو كان يخضر عوده
لابد يومن ينكشف كل محتال = و يكره معاوينه و يكره ندوده
خلك على فعل الجمالات ميال = و اترك اضعوف القوم و اترك قروده
و اكفخ بجنحان السعد بين الأبطال = و من صد لا تبحث خفاه و صدوده
ختمتها بما قل من هرجن جزال = انقى من الصيد المجفل شروده

ابو نادر
سلمت على هذه القصائد العذبه
من شعراء كبار
صح الله لسانك

وسلمت يمينك

ودمت بود
عبدالله الوحيشي

موسى ربيع يعطيك العافيه


وصح السان الشاعرين

مشهور السرحاني

وناصر الذيابي
ورحم الله يوسف السرحاني

واسكنه الفردوس الاعلى من الجنه


رحل ولاكن مازال في قلوبنا

ابونادر سلمت على اتحافنا بهاتين القصيدتين المميزتين

صح لسان الشاعران المميزان

وقول لشاعرنا مشهور الله يقويك وشد الحيل ولاتقف وتنظر للخلف

وقد ابدع العتيبى بالرد بقوله

والا الردي لو هو لبس بشت وعقال=لا يعجبك وسـط المجالـس ركـوده
يوصي على هدم المكـارم للاشبـال=عوده ردي لو كان يخضـر عـوده
لابد يومـن ينكشـف كـل محتـال=و يكـره معاوينـه و يكـره نـدوده
خلك علـى فعـل الجمـالات ميـال=و اترك اضعوف القوم و اترك قروده

اشكرك ابو نادر على اختيارك الجزل

شعر جزل وشعار كبار وقول جميل وعسى الجميع سالم

الله يرحمك ياابو مشهـــور

ويغفر لك ويسكنك فسيح جنـاتـه


قصيدة جزلة لابو يوسف والرد كان في محلـه

صح السنتكم

ولاهنتم

ابو نادر يعطيك العافيه


وصح السان الشاعرين

مشهور السرحاني

وناصر الذيابي
ورحم الله امواتنا واموات المسلمين
وتقبل مروري

اقتباس:

---

المشاركة الأصلية كتبت بواسطة عبدالله سليمان الوحيشي

ابو نادر

سلمت على هذه القصائد العذبه
من شعراء كبار
صح الله لسانك

وسلمت يمينك

ودمت بود

عبدالله الوحيشي

---

تسلم أخي الغالي و شكراً لك حضورك و ردك يا عذب الشعر

صح السان الشاعرين وسلم ناقلها

مساجله شعريه
جميله

تدل على شاعرية اصحابها

(رحم الله يوسف السرحاني واسكنه فسيح جناته )

اقتباس:

---

المشاركة الأصلية كتبت بواسطة لافي السرحاني

موسى ربيع يعطيك العافيه



وصح السان الشاعرين

مشهور السرحاني

وناصر الذيابي
ورحم الله يوسف السرحاني

واسكنه الفردوس الاعلى من الجنه



رحل ولاكن مازال في قلوبنا

---

تسلم أخي الغالي

لا هنت و جزاك الله خير

اقتباس:

---

المشاركة الأصلية كتبت بواسطة بن قبلان

ابونادر سلمت على اتحافنا بهاتين القصيدتين المميزتين

صح لسان الشاعران المميزان

وقول لشاعرنا مشهور الله يقويك وشد الحيل ولاتقف وتنظر للخلف

وقد ابدع العتيبى بالرد بقوله

والا الردي لو هو لبس بشت وعقال=لا يعجبك وسـط المجالـس ركـوده

يوصي على هدم المكـارم للاشبـال=عوده ردي لو كان يخضـر عـوده
لابد يومـن ينكشـف كـل محتـال=و يكـره معاوينـه و يكـره نـدوده

---

اقتباس:

---

المشاركة الأصلية كتبت بواسطة بن قبلان

خلك علـى فعـل الجمـالات ميـال=و اترك اضعوف القوم و اترك قروده

---

بارك الله فيك أخي أبو عبدالاله

حضور مميز

اخوي موسى بيض الله وجهك على هذي القصايد الجزله وصح لسان الشاعرين
ورحم الله الشيخ يوسف السرحاني واسكنه الله فسيح الجنان وجميع اموات المسلمين

اشكرك اخي ابو يوسف على هذه الابيات الجزله كما اشكر ابو محمد العتيبي
والله يرحم ابوك يوسف السرحاني

صح لسان الشاعرين وسلم ناقلها