قصيدة الشاعر سلامة بن زعل ابو شامه البلوي في حفل الشيخ النوري بن شعلان

قصيدة الشاعر سلامة بن زعل ابو شامه البلوي في حفل الشيخ النوري بن شعلان شيخ

قبائل الرولة في محافظة القريات عندما دعاه الشيخ فليح بن مرشد الشريفي" وحيث

حضر الحفل الشيخ / محمد إبراهيم أبوشامه والشيخ / عيد بن محمد أبوذراع

دعانا رفيع الساس من يعمـل المعـروف=ابو نايف اللـي شـارة الطيـب صايبهـا
من اسره كريمه عند كل المـلا معـروف=على العـز والنومـاس تسمـوا مراتبهـا
رويلي من رويلي لهم للسيـوف سيـوف=اليـا ثـارت الهيجـا وشبـت حرايبهـا
يخوضوا حياض الموت لو الجموع صفوف=زبون الدخيـل وريـف منهـو مطانبهـا
اقوله على وضح النقـا والنقـا مكشـوف=يوضـح خواطـر وصفنـا مـا يعيبهـا
واهلي وارحب فيك والحاضريـن تشـوف=وروحـي ليازلـت تـرى الله يحاسبـهـا
اقول الحقيقه من ضميري لحـن معـزوف=بطرقـن جنوبـي يـوم فكـري تغنابهـا
هلا ياهلا يالنـوري ألـوف تلـو ألـوف=عدد مارعـد الرعـاد وهلـت سحايبهـا
من اسره عزيزه جارهم مايجيـه الخـوف=تدوس الافاعـي سودهـا مـع عقاربهـا
شعالينـن لياحـل الحـرب دق دفــوف=تناخـوا هـل العليـا ثنـو دون مركبهـا
شيوخن ويشهد كاف واللي سكن بالجوف=وجميع القبايـل شرقهـا مـع مغاربهـا
لكم في سما العليا منابر سمـت بالنـوف=على سالـف الازمـان لليـوم نحسبهـا
بيوتن تعز اللي دخل والضيـوف ضيـوف=علـى دلـة البغـداد والهيـل فاحبـهـا
خلطها العويدي وشفها يبـري المشغـوف=دوى عيـن عمسانـه تكفـت حواجبهـا
ونزل من جبينه مي وانباح صفو الشـوف=وتهلهل عقب جفنن سنا القيـض لاهبهـا
وصياني تقلط منـوة الجايـع الملهـوف=يقلط بهـا حايـل مـن النـوق جايبهـا
محيطن عليها من الهرافي صفوف صفوف=نقوهـن مـن قـرح الضيـن جالبـهـا
اكرر هـم الشعـلان مانورهـم بكسـوف=كما ضو شمسن بعد مـا الغيـم حاجبهـا
وعزوة هل العليا مدحـي لهـم مخلـوف=يعـدون جـار البيـت جملـة قرايبـهـا
يمينك شمالك طوف ياتي وراهـم طـوف=سباعـن علـى سـرد السبايـا مراكبهـا
زمانن مضى واليوم منهو حذف محـذوف=شريعه وخير وعز والشعب عـاش ابهـا
واثني على طيـب لـدى ربعتـه مالـوف=كريـم السجايـا خزنتـه مـا يحسبـهـا
من أي البدايـد نمدحـه والعبـاد وقـوف=اليامـن ولـد الـلاش شاتـه يشحبـهـا
ليامن جاه اللـي شكـا قلـة المصـروف=جبينـه بوجهـه اللـي نصـا مايقطبهـا
كريمن كريمن والردي ماعليـه حسـوف=لياراحـت المايـه جلـس يـوم يندبهـا
اقوله وانا ماني بوصف الـردي مكلـوف=رجالن تعـرف وسومهـا مـن تجاربهـا
اقوله وانا لي لابتـن والسنيـن بخـوف=قضاعه بلـي ربعـي تنومـس مناسبهـا
لهم منزلن بالطيـب مايهزهـم عاصـوف=رجالن علـى الطـولات تحفـى ركايبهـا
رواسي تذري من مقره علـى شفشـوف=تصفـق بـه الدنيـا وصلفـن هبايبهـا
زمانن مضى مافيـه كـاف ولا مكفـوف=حـرارا تعشـى مـن فرايـس مخالبهـا
اقوله بدون قصور حرفـن تلتـه حـروف=جميع القبايل ثـرى النبـك حتـى ابهـا
وجميعن ترانا فـي ذرا الواحـد الـرؤف=جميـع الخلايـق والمقـاديـر كاتبـهـا
وثـم بـذرا حكامنـا امنيـن الـخـوف=ولحيـه ليانـوت نيـه تحلـق شواربهـا
حجانا اليامن المواطـن وطتـه ظـروف=ولـو ودي اكتـب مانـعـدد مناقبـهـا
ذرانا عن النكبـا ليـا ذعـذع الشاغـوف=وربيع الياتاما اللي طنا المـوت صايبهـا
كلامن صحيحـن ماتكلـم بـه الملقـوف=قوافي تـوارد عـن هـل الملـك نكتبهـا
بجمله صريحه بدون عاطف ولا معطـوف=ملوك الجزيـره جيـش بغـداد مارعبهـا
عسا من نواهم بالبلى ينعمـي مايشـوف=تـوارد عليـه مـن الليالـي مصايبهـا
تجيله قبل مايمـوت بقعـا تلوفـه لـوف=ويفنـا وتفنـا الشرذمـه مـع كتايبهـا
وصلوا عدد منهو صلـى بركـن الطـوف=على الرحمـه المهـداه للنـاس قاطبها

قصيدة من اجمل القصايد في المدح والثناء

يستاهل ابن شعلان ووفيت يابو شامه

لك الشكر يالسميري على المرور وماعليك زود

بوشامه

بارك الله فيك

صح السان الشاعر سلامه ابوشامه

ويستاهل ابن شعلان

يستاهل الممدوح وصح لسان شاعرنا سلامة بن زعل


مشكووور ابوشامة على اتحافنا بهذه القصيدة الرائعة

الأخ لافي السرحاني شكرا لك لمرورك

الحسان صح بدنك وماعليك زود

*آبن العم بارك الله فيك ..وشكراً جزيلاً لك*

*
*

*

وصح لسان شاعرنا
المبدع والكبير والقدير والنقي

..الخال/سلامة زعل أبوشامة*

*ونعم بالمادح ..والممدوح*

*(وعلى المحبة ..و(سيرة)النبلاء نلتقي)*

10/7/1430
-------------------------------