يا مراسيل العتاب اللي تبخّر

شعبنا لو هو حقير وما يعبّر

وما يعرف من السلوم الا القساوه

جاهل اسلوب الحياه وما يقدّر

وقفت اللي لا وقف كله ضراوه

يطمعون بشرهة اللي ما يبشّر

غير بانواع الجروح ام السطاوه

ألتمس منك العذر ودي افسّر

شي من معنى كلامك بالهداوه

خاب ظني قلت ربي ما تكبّر

طحت من عيني وشلتك بالحفاوه

انكسر ضلعي ولكنه تجبّر

انطوا قيد العقل بعد الغباوه

ما لوقتي غير سكينٍ وخنجّر

تنحر اللي بالحكم زادوا فهاوه

يا مراسيل العتاب اللي تبخّر

يا ورق خسران وش لك بالعداوه

ابتعد عني وجعلك ما تقدَر

في سلوم اهل الحضر ولا البداوه

واذكر اني حاشمك للدم الاحمر

والرضاوه ما ابيها هالرضاوه





عامر العامري

الشاعر / عامر العامري


بإختصار >>>> ( انت شاعر تستحق المتابعه )


سجل اعجابي

وتقبل مروري


* عايد السميري

الشاعر / عامر العامري

صح السانك

وكما قال أخي / عايد

(تستحق المتابعه)

الله يوفقك

لك مودتي

شاكر لكم مروركم النير على الموضوع ...

يعطيكم العافيه ...

اخوي الشاعر عامر صح لسانك وبارك الله فيك

اخي العامري

تقبل تقديري واعجابي وصح لسانك

لا هنتو على مروركم

يعطيكم العافيه