شــادي الصــوت
يا شادي الصوت هذا الليل يفجعنـي
شكل بصوتك سماء ليلـي ووجدانـــي
رجعنـي للحـب والأحـلام رجعنـي
ذكرني باللي مضى من سالف أزماني
أحتاج ساعة فرح وان قلت وش يعني
يعني كذا جيت أنا هارب مــن أحزانـي
تسعة عشر عـام والأيـام تدفعنـي
لعالم ٍ ما اعرف الوافـــي مـن الجانـي
قلوب كثيره تبي حبـي تبـي طعنـي
يا كثر ما تاخـــذ احبابـــي وتنســـانـي
اجوع من الحب والأحبـاب تشبعنـي
اعطي ولا شوف من يعطي على شاني
كلي تبعثر تعب من اللـي بيجمعنـي
يلم شملي قبل مـــا ارحـل ولا القانـي
يزرع بقلبي أمل وان غبت يزرعنـي
انسان مخلص معي في الحب متفانـي
الليله اشياء كثيرة صـدق توجعنـي
الحب والشعـر وذنوبــــي وحـرمانـي
من وين ما رحت اشوف الشعر يتبعني
ادمى جروحي وعند النـاس عرانــي
صحيح وافي معي والغيـر يخدعنـي
اكتبـه واقـــراه ويكتبنـي ويقـــرانـي
الشعـر طفـل ٍ يداعبنـي ويسمعنـي
مرات يضحك معـي ومـرات بكانـي
يا شادي الصـوت قـم بالله متعنـي
رجعني للحـب واحلامـي وخلانـي
محمد الثوعي
