قدرة الله رائعة للشاعر / سليمان حمدان الجبيل
اخواني الاعزاء
يسعدني ان اقدم لكم احدى روائع الشاعر / سليمان حمدان الجبيل
شاعر مبدع وصديق عزيز ولكنه غائب عن الساحه الشعريه
اسأله الى متى هذا الغياب ؟ لاتحرم المتذوقين لصفاء المنهل الشعري من ابداعاتك........
آه من علة نفوس(ن) لاتهيد ولاتهدي = يفهمون العلم ناس وناس ماتفهم عليها
كل ماقلنا قضينا والحكايا تستجدي =تطوي الايام صفحات الليال وتحتويها
وش فعلنا بالزمان وش فعل جدك وجدي =ماتحروها تدر بوقت قمنا نحتريها
والضروف اللي تحد الرجل ملعونة مكدي =والليالي لو قست مايجوز نلعن والديها
للزمن وجه(ن) شحوح وللزمن وجه(ن) يندي= كم قصر يمنى طويلة باع لو مدت يديها
وللزمن درب(ن) يجيب وللزمن درب(ن) يودي = واجد اللي ماج عنها وواجد اللي يحتريها
ماج عنها اللي يشوف الوقت في وجه(ن) مصدي = ويحتريها اللي لاجاء ام الكباير يمتطيها
وش نخلي من علومك يالزمان وش نعدي =الطبيعه مبتليها والخلايق مبتليها
تشتكي منك الجبال الصم عسرات المهدي =وضيقة نفوس الخلايق حكمة(ن) لله فيها
نرسل الانظار فوق بغيهبيا(ن) مجرهدي =وترجع الانظار والحسره جلال(ن) يرتديها
لولبسنا احلا اللبوس ولوتنازعنا التحدي = قدرة الله قدرة الله ما لحد قدره عليها
