شيلي أغراظك وروحي ..
ياحبيبي لايهمك إستمر بهالعناد=خلك أقوى من كذا خلك على خبري عنيد
عن برودك لاتغيب .. زيدني هجر وبعاد=زيدني فرقى وفارق ... خلك أبعد من بعيد
خلك أقسى عباد ربي ... إضطهد كل العباد=كل ظلمك .. كل جورك .. سخره ضد العبيد
ودي أعرف ليه تعذيبي أشوفه بإزدياد=كنت أزودك من حناني وأنت بأحزاني تزيد
أمنيه لو ليله وحده أتهنى بالرقاد=وأنت نايم في منامك عايش الحلم السعيد
كنت أولع لك ظلوعي لين ما أصبح رماد=كنت أكتب من دموعي لجل يرضيك القصيد
كنت أبدي لك خضوعي وأبدي لك كل الوداد=كنت أخشى من رجوعي قبل أنفذ ماتريد
بشتكي همي على الله يفرج هموم شداد=وإنتي أجبرتيني أصبح هذه الليله شديد
شيلي أغراضك وروحي ... ماأبي جروحٍ جداد=إطلعي من عندي فوراً قبل أتكلم وأزيد
لايطول الهرج وأنتي بتفهميها وإلا عاد !!=أتخذ إجرائي اللازم ولا ودي أعيد
هذه تجربتي معاك .. وهذا معنى الإضطهاد=إني أرضى في وجودك وانتي الحزن الأكيد
فوق هذا أوعدك يابنت ماألبس سواد=نيتي من لون قلبي ..بيضا والأبيض يسيد
الحكايه شنطتين .. وبنت مافيها رشاد=وش يزعلّني عليها والله إن فرقاها عيد
وإلا أنا أدري بأن فرقاها رحمه للعباد=الدرايش عقبها ترقص مع أبواب الحديد
