اولا يشرفني الانتساب لهذا المنتدى الذي انتمي له بمسمّاه
وثم اقبلو مني هذه القصيده( إن كانت كذلك)
فأنا حالي معه كحال فيصل صاحب الثلاث سنوات من العمر..
ياطيور الجو لك عندي وصاه ** تاخذي مني سلام ٍ للحبيب
مقصدي طير ٍ شهر ولا القطاه ** تبحص وتخمر ومغزاها قريب
ياحمامٍ زاجل ٍ يبعد مداه ** خذ سلامي واوصله ذاك الصحيب
شوف قرص الشمس واعرف ما وراه** واعرف إن العصر يتلاه المغيب
قل تراني من سنين ٍ في رجاه ** مثل طفل ٍ ينتظر امه تطيب
وماتت امه قبل لا ييبس جماه ** قام يزهمها وعيت لا تجيب
طفل ٍ التغ له ثلاث ٍ بمحياه ** طفل يعرف بس امه والحبيب
صاح ما يدري معاني ما يراه ** يوم شاف الكل يصرخ بالنحيب
صاح يمه ثم يمه ثم ياه ** كل من حوله بكى حتى الطبيب
عاد يمه والبكى قطّع حشاه ** زاد بصياحه وايّس من مجيب
