جارتنا ويش اسوي فيها ,, الحل عندكم

السلام عليكم ورحمة الله وبركاته
أخواني / أخوتي في منتدى بلي
طاب صباحكم / مساؤكم
بكل خير ورضا
أبي اطرح لكم موضوع أبغى آراؤكم النيرة بإذن الله
الموضوع كثر ما أضحكني حسيت إنه مشكلة وموقف صعب لو وضعت أنا فيه نفسي
حدثتني قريبة لي تقول طويلة العمر :
( عندنا جارة ما ادري ايش اسوي معاها تقول 24 ساعة ( مسنتره عندنا )أنا اعجبتني هالكلمة
تقول ماتعرفين لها وقت زيارة , صبح ليل ظهر مغرب تقول والله إني ما ابالغ لو أقول لك تدق الباب الفجر ونقول لها امي نايمة وماترد علينا ,
تقول لي تخيلي : أخواني الشباب صارت إذا جت طلعوا من البيت : لأنها حرمة ماتستحي حنا بيتنا صغير والصالة اللي فيها التلفزيون هي اللي يجلسون فيها أخواني وهم ثلاث شباب اللي موظف والثاني بالكلية والأخير بثاني ثانوي ( يعني ما شاء الله شباب )قلت لها حرام عليك عجوز تعتبرهم عيالها . قالت وين عجوز الحرمة ماتعدت السابعة والثلاثين , قلت لها وين زوجها وعيالها ؟ هذي مو مشغولة ما تطبخ ماتغسل ماتنظف ماتدرس اولادها ؟!!!
قالت هي طبعاً مو سعودية وزوجها شايب كبييييييييير وجايب لها شغالة والأولاد بالشارع 24 ساعة
المشكلة الامر والأدهى تقول لما تجينا تشغلنا بسواة القهوة والشاي ولاأقدر ادرس أخواني الصغار ولا احضر عشاء ابوي وتشغل امي عن أبوي وتحشر أبوي بالمجلس .
وتقول (وهذا اللي ضحكني بصراحة ) من يوم تجي احسبي لها خمس دقايق جالسة وباقي الزيارة منسدحه ولا كأن فيه ناس يمرون بالصالة والمشكلة الصالة عندنا ممر بالبيت .
قلت لها قولي لها فهميها الوضع . قالت ياويلي ( اعوذ بالله من الويل بس انا اذكر لكم نص كلامها )
مرة تجرأت ومن ورى امي قلت لها تقول تعايرنا فيها للحين وأحرجت أمي في مجلس حريم وقالت بنت أم فلان طردتني (يعني الكذب مايعجزها ) وتحلف قالت والله ما طردتها بس جتنا وامي مسافرة مع خالي للديرة راحت تشوف جدي تعبان وأنا ادرس اخوي وكان وقت اختبار وعشان ما اسولف معها .
قلت لها طيب ليش ابوك مايقول لزوجها ؟ قالت زوجها يحزن ذابحته الجلطات الله يكون بعونه ومايقدر يفتح فمه بكلمة .
وتقول حلف أبوي لو ماعليه ديون كان غير يرحل لأننا حنا وياهم بيوتنا ملك يعني مو إيجار كان ابوي ما استنا لحظه وحدة بالبيت .
تذكر لي وتشتكي : من تدخلها بكل صغيرة وكبيره :mad:
ولكم من مواقفها :تقول عم ابوي بالديرة مرة احرج ابوي وقال ودي ازوجك ودخلت على امي وهي زعلانه وسألتها وعلمتها بالسالفة (تدرون ايش سوت ( تقول والله والله دخلت على ابوي وقالت له اصلا أنت ما تفهم والله عندك زي ام فلان وتاخذ من عوانسكم اللي بالديرة ) المشكلة والله امي ماكانت عندها كانت بالمطبخ ولا درت لها وصارت مشكلة كبيرة بغت تفرق بينهم لكن ربي ستر ) صح السالفة لها سنوات لكن هذي من مواقفها الجامدة اللي سوتها فينا.
وصح موضوع ابوي ماصار لكن مالها إنها تتدخل بأمور عائلية
ولكم موقف انا بصراحه لو كنت وقتها عندها ياويلها :||angr|:
تقول في عصر رمضان هذي السنة كنت انا وامي بالمطبخ ودقت الباب وراح اخوي الصغير يفتح لها
دخلت الصالة وقالت وين امك قال بالمطبخ قالت طيب عطني مفاتيح سيارة ابوك وراح اخوي وجاب لها المفاتيح (الولد عمره خمس سنين تسع شهور ) وعطاها ,, ابوي طبعاً بالمسجد
وطلعت حنا مادرينا واخوي ماتكلم ولاقال لنا شئ ,, فاتح فمه على التلفزيون
يوم جاء ابوي من المسجد قال السيارة مسروقة
يدور يسأل الجيران قال ولد جارنا انا شفت فلان وامهه اركبوها وابوي قعد يخانق أمي يقول لها ليه تعطينها المفاتيح وامي تحلفة تقول والله ماشفتها يا ابن الحلال
وسأل اخوي الصغير وقال جت وطلبتها واعطيتها (بصراحة المسكين اخذ علقة جامدة من ابوي ) والله مالومه
والأخت رايحة لمركز علي حافظ تقضي هي وولدها ومن زود الزحمة ولدها صادم بالسيارة بس صدمة خفيفة .
بصراحه ابوي انتظرهم عند الباب وتكلم وقال لو ما انت جارتنا شكيتك على الشرطةإنت وولدك .:||angr|:
لا تسألوني ويش قالت له : والله إنها قالت يارجال استح على وجهك انا جيت وطلبتكم المفاتيح وولدك اعطاني اياها .
طولت عليكم والله إن لها مغامرات كثيرة
بس تقول ابوي حالف على امي ماتفتح لها الباب , وتقول كل شوي تدق الباب وتقول انا ويش مسوية ماتفتحون الباب لي .
انا بصراحة ما الومه بردة فعله
لكن انتم ايش رايكم فيها ؟
انا لما تحكي لي اقعد اضحك :D

خيالة بلي
هذه جارة
ويمكن اعجبها الجلوس
ولازم من حل يمنعها او تقليل الزيارة

بسم الله الرحمن الرحيم

إذا تبون حل ومجرب مع هذه النوعية من (المتسدحات)لامانع من تقديمه لكم علماً انه مكلف ومرهق

اقتباس:

---

المشاركة الأصلية كتبت بواسطة عبدالعزيز سعد العرادي

خيالة بلي
هذه جارة
ويمكن اعجبها الجلوس
ولازم من حل يمنعها او تقليل الزيارة

---

عبد العزيز هو اكيد اعجبها
لكن ياليت تدلي علينا بحل

اقتباس:

---

المشاركة الأصلية كتبت بواسطة مرزوق خلف الربدي

بسم الله الرحمن الرحيم

إذا تبون حل ومجرب مع هذه النوعية من (المتسدحات)لامانع من تقديمه لكم علماً انه مكلف ومرهق

---

هههههههههههههه

هاته يا مرزوق انا اتوقع إنهم يشترونه الجماعة مهما كلفهم
والمفروض يوزع مجاناً لأن هذه النماذج كثيرة

انا عندي حل واحد وهو انك تعزيمنها بالليل طبعا اكيد بتجيكم على طول

وخلي واحد من اخوانك يلبس قناع مثل اللي عندي مررة يخوف ويلبس وشاح ابيض

وروحي انتي وطفي الكهرباء وخلي اخوك يدخل عليكم طبعا اذا ماراحت للمستشفى على طول لاتسموني امير الذوق

وبعد فترة قولي لها اصلا بيتنا مسكون وكله جنون

واذا مانفع هالحل توجد حلول اخرى

اشكرك والله يعينكم وهي ماتزوركم الا من طيبكم وكرمكم

اقتباس:

---

المشاركة الأصلية كتبت بواسطة امير الذوق

انا عندي حل واحد وهو انك تعزيمنها بالليل طبعا اكيد بتجيكم على طول

وخلي واحد من اخوانك يلبس قناع مثل اللي عندي مررة يخوف ويلبس وشاح ابيض

وروحي انتي وطفي الكهرباء وخلي اخوك يدخل عليكم طبعا اذا ماراحت للمستشفى على طول لاتسموني امير الذوق

وبعد فترة قولي لها اصلا بيتنا مسكون وكله جنون

واذا مانفع هالحل توجد حلول اخرى

اشكرك والله يعينكم وهي ماتزوركم الا من طيبكم وكرمكم

---

بجد مجنوووووووووووووووون
هذه الجنون تخاف منها
مشكوووووووووور على المروووووووووور

بس ابي اعرف شي واحد

هل هي تروح لجيران غيرهم او بس لبيت صاحبتك ؟؟؟
جاوبيني وبعدين اقولك الحل

هــذي جريئه ومسختها بزياده.
وصراحه صعب ان الواحد يطرد انسان من بيته حتى ولو .
ذكرتني بوحده لمن أجي عند خالتي كثير احصلها ويوم تدري اني موجود تقول خلوه يدخل انا ماني غريبه حسبت امه >> قطع طريا والله .المهم كل ما اجي تطلب اوصلها بيتها وانا اخف لتمسكني الهيئه والله مشكله وبيتها بعيد رغم انها تملك ملااايين ورثتها من زوجها . بس ذيك امتحنتني مره
لمن تقول ودني اقول يالله انا عند السياره واشغل وانحاش هههه والله من يفكني من الهيئه :)

لكن ذي الي حكيتي عنها >> شوفي خلي اخوان قريبتك لمن تجي مايطلعوو ايش ماصار عادي يتنحوا بالصاله مره وعشره لين تستحي عادي

خيالة بلي خليهم يدقون علي مكافحة التسول يبلغون عنها انها متسوله والله غير تتوب عن البيت طول عمرها

يا معين ذكرتني بجارتنا اللي إذا ماجت عندنا تسدح أرسلت (بنتها)
ونفس المواصفات ماهي سعوديه وزوجها رجال كبير وعياله هيت باالشوارع الله لايبلنا .
وياكم وياكم
ماتبلت على وصرت بين أسوار الحديد .
وغير أبوي يفتكني أذكر مره صاحي من النوم ولا الباب يدق ويطلع أخوي الصغير (عوده) ولأنه جايني يركض نواف الحق . وش فيه ياعوده كان وقتها عمر 4سنوات قال سرطي عند الباب وطلع قال لوسمحت نواف موجود قلت خير أن شاء الله قال نبيه
قلت أنا نواف قال أطلع الجيب ليه قلت ماني طالع شوي ويلم الحكومه عند بيتنا وبالقوه أطلع قال مدير الشرطه شخصياً يبيك وروح يوم قابلته ويقوم ينافخ على مدير الشرطه شوي وأبوي يجي ويفتكني .
الله يكفينا شر هذولا الحريم المتسدحات ومتجطلات اللي الله لايبلنا معندهن أزواج الظاهر..

اقتباس:

---

المشاركة الأصلية كتبت بواسطة عز الرفيق

خيالة بلي خليهم يدقون علي مكافحة التسول يبلغون عنها انها متسوله والله غير تتوب عن البيت طول عمرها

---

نفسي أفهم ايش دخل رقابة التسول هنا؟؟؟؟

حشا مو جارة هذي الله يعينهم عليها
مافيه الا انكم تقولوا لها بالمختصر مانبيك تجين عندنا
واللي يصير يصير عاد اذا هي انسانه ماتستحي وعديمة احساس
الشكوى للي ماتنام عينه

يقطع ابليسها قاهررررررررررررررررتني

خياله ذي ذكرت علي جارة أختي

بس الفرق ان جارة أختي:confused: من الجماعه

وتلف على كل الحاره مو بس على أختي والكل متوذي منها

لدرجه الرجال بالحاره يسمونها " أم هلال " :D

بس ماشاء الله الجوله عندها تبداء من الصبح

عشان تلحق تلف على كل البيوت لين الساعه 1 بالليل

وزوجها متعافي ومافيه شيء بس سبحان الله عنده عااادي :)

ونفس طريقة جارة نواف >> اذا ماجات تدز بناتها ينامون عندهم بعد :(

وربي ما ابالغ اذا قلت لك تتصل لا اختي تقول عندك أحد

تقولها اختي ايه جالسه ويا زوجي تقول بسير عليك عادي ماحد غريب :mad:

وعمرهاا مايتجاوز الــ 30 :confused:

> شكلنا نتكلم عن مره وحده ههههههههههه مذيه الكل :D

أضيييفي لها وجهها مغسول بكلور > قويه

اخذت رقم ولد اختي من جوال امه واذا ماردت امه تتصل عليه :o
وكثيرة التبلي على الرجال >> :D :D :D

مره ولد اختي كانوا بيطلعون مشوار وجات جلست عندهم

قالت امه متفشله اقولها بنطلع انتظروا لييين ترووح

كان يقووولها معليششش حنا بنروح مشوار ضروري

>> طرده بس محترمه

بعد يومين تتصل على اختي تشتكي تقوول ولدك يغازلني > تبي تردها له هههههه
المشكله ولد اختي صغيرون عمره 12 سنه :)

اختي خيالة
قالو قديمن شر البلية مايضحك
والله مشكله مالها حل الا انهم يرحلون عنها ويبدلون الدار بدار والجار بجار
اما مره موذيه
كانت عندنا جاره لنا عيانه والله كرهتنا عيشتنا لاكن الحمد لله ذلفت
تحياتي لشخصك الكريم اختي الفاضله

تدرين الحل بسيط خلي اخوانك يجمعون اصدقائهم وبعدين يجلسون عند الباب عشان ماتدخل

ولابدال ماهي دائما مسنترة عندكم روحوا سنترو عندها لمدة اسبوع يمكن تتوب واذا ماتابت ازبدوها في وجهها وقولوا لها لاعاد تجين عندنا واحنا ماعزمناكي

اولا : اللي ما يستحي منك لا تستحي منه




& &


بقول الحل اللي طلع معي حاليا



وهو انه اذا جت الموذيه [ ام هلال ] :D ,, عادي لا تسوون قهوه وشاي



واعتبروها مو موجوده يعني روحوا وتعالو واشتغلوا وسووا شغل البيت



واذا طلبت قهوه قولوا لها تعالي سوي قهوه انتي مننا وفينا


وخلوها تسوي القهوه ولشاي ,, وتغسل المواعين وتنظف وترتب


وكل ما جت قولو يام هلال تعالي كنسي الصاله معي ;)


تعالي نغسل البيت والا الحوش واكرفوها كرف كل ما جت يا تنظيف يا غسيل وشطف



وخلوا عذركم انكم تعتبروها من اهل البيت ,, اهم شي اذا جت لا تعطوها فرصه تجلس وتسدح


خلوها من شغله بشغله ,, لين تعزم تجي يممكم



اتوقع هي لقت سوالف وتسدح مع قهوه وشاي وفاضيه ما وراها والي غصب كل شوي تسنتر عندكم



لكن لا تخلونها تريح وبنفس الوقت ,, خلي واحد من الشباب الموجودين يدق بالكلام مثلا اذا جا يدخل


يقول نقدر نجلس ببيتنا والا بيتنا ضاف له ناس مالهم بيت :rolleyes:


الظاهر غير نستاجر ونخلي بيتنا ,, يعني كل ما يشوفها يدق بالكلام :cool:




المهم خلوو شعاركم >> [[ اكرف تسلم ]]


:|for you|:



عذراً على الاطاله ,,>> تحمست شوي









:: دمتــــم ::

اقتباس:

---

عادي لا تسوون قهوه وشاي

---

واذا جابت القهوه معها :)

واذا كانت تسمع هرج الاخوان بالطلعه والدشه

وعاااااااااااادي عندها .. :(

اقتباس:

---

المشاركة الأصلية كتبت بواسطة ياسمين السحيمي

واذا جابت القهوه معها :)

واذا كانت تسمع هرج الاخوان بالطلعه والدشه

---

اقتباس:

---

المشاركة الأصلية كتبت بواسطة ياسمين السحيمي

وعاااااااااااادي عندها .. :(

---

ما اتوقع تجيب قهوه وشاي معها ,, لان على حسب ما قريت انها تحب التسدح والسوالف

يعني كسوله .



وزي ما قلت اللي ما يستحي منك لا تستحي منه




اكرفوها وما جاكم عندي ;)




:: دمتــــم ::

اقتباس:

---

المشاركة الأصلية كتبت بواسطة خيالة بلي

السلام عليكم ورحمة الله وبركاته

أخواني / أخوتي في منتدى بلي
طاب صباحكم / مساؤكم
بكل خير ورضا
أبي اطرح لكم موضوع أبغى آراؤكم النيرة بإذن الله
الموضوع كثر ما أضحكني حسيت إنه مشكلة وموقف صعب لو وضعت أنا فيه نفسي
حدثتني قريبة لي تقول طويلة العمر :
( عندنا جارة ما ادري ايش اسوي معاها تقول 24 ساعة ( مسنتره عندنا )أنا اعجبتني هالكلمة
تقول ماتعرفين لها وقت زيارة , صبح ليل ظهر مغرب تقول والله إني ما ابالغ لو أقول لك تدق الباب الفجر ونقول لها امي نايمة وماترد علينا ,
تقول لي تخيلي : أخواني الشباب صارت إذا جت طلعوا من البيت : لأنها حرمة ماتستحي حنا بيتنا صغير والصالة اللي فيها التلفزيون هي اللي يجلسون فيها أخواني وهم ثلاث شباب اللي موظف والثاني بالكلية والأخير بثاني ثانوي ( يعني ما شاء الله شباب )قلت لها حرام عليك عجوز تعتبرهم عيالها . قالت وين عجوز الحرمة ماتعدت السابعة والثلاثين , قلت لها وين زوجها وعيالها ؟ هذي مو مشغولة ما تطبخ ماتغسل ماتنظف ماتدرس اولادها ؟!!!
قالت هي طبعاً مو سعودية وزوجها شايب كبييييييييير وجايب لها شغالة والأولاد بالشارع 24 ساعة
المشكلة الامر والأدهى تقول لما تجينا تشغلنا بسواة القهوة والشاي ولاأقدر ادرس أخواني الصغار ولا احضر عشاء ابوي وتشغل امي عن أبوي وتحشر أبوي بالمجلس .
وتقول (وهذا اللي ضحكني بصراحة ) من يوم تجي احسبي لها خمس دقايق جالسة وباقي الزيارة منسدحه ولا كأن فيه ناس يمرون بالصالة والمشكلة الصالة عندنا ممر بالبيت .
قلت لها قولي لها فهميها الوضع . قالت ياويلي ( اعوذ بالله من الويل بس انا اذكر لكم نص كلامها )
مرة تجرأت ومن ورى امي قلت لها تقول تعايرنا فيها للحين وأحرجت أمي في مجلس حريم وقالت بنت أم فلان طردتني (يعني الكذب مايعجزها ) وتحلف قالت والله ما طردتها بس جتنا وامي مسافرة مع خالي للديرة راحت تشوف جدي تعبان وأنا ادرس اخوي وكان وقت اختبار وعشان ما اسولف معها .
قلت لها طيب ليش ابوك مايقول لزوجها ؟ قالت زوجها يحزن ذابحته الجلطات الله يكون بعونه ومايقدر يفتح فمه بكلمة .
وتقول حلف أبوي لو ماعليه ديون كان غير يرحل لأننا حنا وياهم بيوتنا ملك يعني مو إيجار كان ابوي ما استنا لحظه وحدة بالبيت .
تذكر لي وتشتكي : من تدخلها بكل صغيرة وكبيره :mad:
ولكم من مواقفها :تقول عم ابوي بالديرة مرة احرج ابوي وقال ودي ازوجك ودخلت على امي وهي زعلانه وسألتها وعلمتها بالسالفة (تدرون ايش سوت ( تقول والله والله دخلت على ابوي وقالت له اصلا أنت ما تفهم والله عندك زي ام فلان وتاخذ من عوانسكم اللي بالديرة ) المشكلة والله امي ماكانت عندها كانت بالمطبخ ولا درت لها وصارت مشكلة كبيرة بغت تفرق بينهم لكن ربي ستر ) صح السالفة لها سنوات لكن هذي من مواقفها الجامدة اللي سوتها فينا.
وصح موضوع ابوي ماصار لكن مالها إنها تتدخل بأمور عائلية
ولكم موقف انا بصراحه لو كنت وقتها عندها ياويلها :||angr|:
تقول في عصر رمضان هذي السنة كنت انا وامي بالمطبخ ودقت الباب وراح اخوي الصغير يفتح لها
دخلت الصالة وقالت وين امك قال بالمطبخ قالت طيب عطني مفاتيح سيارة ابوك وراح اخوي وجاب لها المفاتيح (الولد عمره خمس سنين تسع شهور ) وعطاها ,, ابوي طبعاً بالمسجد
وطلعت حنا مادرينا واخوي ماتكلم ولاقال لنا شئ ,, فاتح فمه على التلفزيون
يوم جاء ابوي من المسجد قال السيارة مسروقة
يدور يسأل الجيران قال ولد جارنا انا شفت فلان وامهه اركبوها وابوي قعد يخانق أمي يقول لها ليه تعطينها المفاتيح وامي تحلفة تقول والله ماشفتها يا ابن الحلال
وسأل اخوي الصغير وقال جت وطلبتها واعطيتها (بصراحة المسكين اخذ علقة جامدة من ابوي ) والله مالومه
والأخت رايحة لمركز علي حافظ تقضي هي وولدها ومن زود الزحمة ولدها صادم بالسيارة بس صدمة خفيفة .
بصراحه ابوي انتظرهم عند الباب وتكلم وقال لو ما انت جارتنا شكيتك على الشرطةإنت وولدك .:||angr|:
لا تسألوني ويش قالت له : والله إنها قالت يارجال استح على وجهك انا جيت وطلبتكم المفاتيح وولدك اعطاني اياها .
طولت عليكم والله إن لها مغامرات كثيرة
بس تقول ابوي حالف على امي ماتفتح لها الباب , وتقول كل شوي تدق الباب وتقول انا ويش مسوية ماتفتحون الباب لي .
انا بصراحة ما الومه بردة فعله
لكن انتم ايش رايكم فيها ؟

انا لما تحكي لي اقعد اضحك :d

---

تنسيــــــم هالمرأه
سالفة عوانس الديره رهيبه
شكلها نفسيه

اقتباس:

---

المشاركة الأصلية كتبت بواسطة الجريح

نفسي أفهم ايش دخل رقابة التسول هنا؟؟؟؟

---

كيف حالك يا الجريح

ههههههههههههههههههههههه

الله من البلشه

ما عندي حلول بس يجب الحزم معها وبقوة ...

شكرا لك

من خلال قرائتي لبعض الردود صراحه احزنتي الجاره ومايجوز انكم تعكرون مزاجها

او تقولون لها كلام يجرح مشاعرها

اصبرو وصابرو ولاتنسون حق الجار في الاسلام والاحاديث على ذالك كثيره

يجب حل الامور بطريقه ترضي الجميع ولاتضر احد

مثلا كلمي احد الجيران وخليهم يوصلون لها الكلام بطريقه غير مباشره

مثلا بيقولون الناس يتكلمون عنك كل يوم انتي عند بيت ابو فلان

او وحده تنصحها وتقول هذا عيب اللي تسوينه

اشكرك

اقتباس:

---

المشاركة الأصلية كتبت بواسطة سعود عقيل بن مظهر السحيمي

بس ابي اعرف شي واحد

هل هي تروح لجيران غيرهم او بس لبيت صاحبتك ؟؟؟

جاوبيني وبعدين اقولك الحل

---

هي تروح لغيرهم لكن أمها معطيتها وجه زيادة وما عمرها تكلمت تقول عيب جارتنا ( تبغيني اطردها )
لكن ماتقصر مع البقية
يالله أخوي سعود
هات ما عندك

اقتباس:

---

المشاركة الأصلية كتبت بواسطة الجريح

هــذي جريئه ومسختها بزياده.

وصراحه صعب ان الواحد يطرد انسان من بيته حتى ولو .
ذكرتني بوحده لمن أجي عند خالتي كثير احصلها ويوم تدري اني موجود تقول خلوه يدخل انا ماني غريبه حسبت امه >> قطع طريا والله .المهم كل ما اجي تطلب اوصلها بيتها وانا اخف لتمسكني الهيئه والله مشكله وبيتها بعيد رغم انها تملك ملااايين ورثتها من زوجها . بس ذيك امتحنتني مره
لمن تقول ودني اقول يالله انا عند السياره واشغل وانحاش هههه والله من يفكني من الهيئه :)

لكن ذي الي حكيتي عنها >> شوفي خلي اخوان قريبتك لمن تجي مايطلعوو ايش ماصار عادي يتنحوا بالصاله مره وعشره لين تستحي عادي

---

المشكلة صاروا الشباب هم اللي يستحون
وانا ادري إن فيه على شاكلتها بس مو للدرجه هذي
الله يستر على أمهاتنا والله يستحن من ظلهن
الجريح حل ممكن لو تشجعوا اخوانها وسووه

اقتباس:

---

المشاركة الأصلية كتبت بواسطة عز الرفيق

خيالة بلي خليهم يدقون علي مكافحة التسول يبلغون عنها انها متسوله والله غير تتوب عن البيت طول عمرها

---

هههههههههههههههه

والله يبي لعا
بس الظلم شين وانا اختك

مشكووووووور عز الرفيق

اقتباس:

---

المشاركة الأصلية كتبت بواسطة نواف عواد النجيدي

يا معين ذكرتني بجارتنا اللي إذا ماجت عندنا تسدح أرسلت (بنتها)

ونفس المواصفات ماهي سعوديه وزوجها رجال كبير وعياله هيت باالشوارع الله لايبلنا .
وياكم وياكم
ماتبلت على وصرت بين أسوار الحديد .
وغير أبوي يفتكني أذكر مره صاحي من النوم ولا الباب يدق ويطلع أخوي الصغير (عوده) ولأنه جايني يركض نواف الحق . وش فيه ياعوده كان وقتها عمر 4سنوات قال سرطي عند الباب وطلع قال لوسمحت نواف موجود قلت خير أن شاء الله قال نبيه
قلت أنا نواف قال أطلع الجيب ليه قلت ماني طالع شوي ويلم الحكومه عند بيتنا وبالقوه أطلع قال مدير الشرطه شخصياً يبيك وروح يوم قابلته ويقوم ينافخ على مدير الشرطه شوي وأبوي يجي ويفتكني .

الله يكفينا شر هذولا الحريم المتسدحات ومتجطلات اللي الله لايبلنا معندهن أزواج الظاهر..

---

حسبي الله حتى واحنا في بيوتنا مو سالمين
الحمد لله على سلامتك
بس عسى الأهل اقطعوا العلاقة بينهم
الله لا يبلانا بهيك جارات

اقتباس:

---

المشاركة الأصلية كتبت بواسطة عذاري

حشا مو جارة هذي الله يعينهم عليها
مافيه الا انكم تقولوا لها بالمختصر مانبيك تجين عندنا
واللي يصير يصير عاد اذا هي انسانه ماتستحي وعديمة احساس
الشكوى للي ماتنام عينه

يقطع ابليسها قاهررررررررررررررررتني

---

هلا عذاري
شايفة والله الحياء يوادي وهي بوادي
إذا قاهرتكي ايش يقولون اللي مسنترة عندهم 24 ساعة
حسبالها فندق خمس نجوم

اقتباس:

---

المشاركة الأصلية كتبت بواسطة ياسمين السحيمي

خياله ذي ذكرت علي جارة أختي

بس الفرق ان جارة أختي:confused: من الجماعه

وتلف على كل الحاره مو بس على أختي والكل متوذي منها

لدرجه الرجال بالحاره يسمونها " أم هلال " :d

بس ماشاء الله الجوله عندها تبداء من الصبح

عشان تلحق تلف على كل البيوت لين الساعه 1 بالليل

وزوجها متعافي ومافيه شيء بس سبحان الله عنده عااادي :)

ونفس طريقة جارة نواف >> اذا ماجات تدز بناتها ينامون عندهم بعد :(

وربي ما ابالغ اذا قلت لك تتصل لا اختي تقول عندك أحد

تقولها اختي ايه جالسه ويا زوجي تقول بسير عليك عادي ماحد غريب :mad:

وعمرهاا مايتجاوز الــ 30 :confused:

> شكلنا نتكلم عن مره وحده ههههههههههه مذيه الكل :d

أضيييفي لها وجهها مغسول بكلور > قويه

اخذت رقم ولد اختي من جوال امه واذا ماردت امه تتصل عليه :o
وكثيرة التبلي على الرجال >> :d :d :d

مره ولد اختي كانوا بيطلعون مشوار وجات جلست عندهم

قالت امه متفشله اقولها بنطلع انتظروا لييين ترووح

كان يقووولها معليششش حنا بنروح مشوار ضروري

>> طرده بس محترمه

بعد يومين تتصل على اختي تشتكي تقوول ولدك يغازلني > تبي تردها له هههههه
المشكله ولد اختي صغيرون عمره 12 سنه :)

---

ههههههههههههه
والله شئ مضحك
نقول هذي مو سعودية لكن من الجماعة اكبر مصيبة
تنقل علوم البيت كلها
الله يعينهم
ضحكتني يغازلها :d

اقتباس:

---

المشاركة الأصلية كتبت بواسطة علي محمد العقيص

اختي خيالة
قالو قديمن شر البلية مايضحك
والله مشكله مالها حل الا انهم يرحلون عنها ويبدلون الدار بدار والجار بجار
اما مره موذيه
كانت عندنا جاره لنا عيانه والله كرهتنا عيشتنا لاكن الحمد لله ذلفت
تحياتي لشخصك الكريم اختي الفاضله

---

طرى على ابوها بس الرجال بيته ملك وحالياً عليه قروض وديون

الحمد لله على سلامتكم من الأذيه
مشكور أخوي علي على المداخلة

اقتباس:

---

المشاركة الأصلية كتبت بواسطة بلال مسعد الهرفي

تدرين الحل بسيط خلي اخوانك يجمعون اصدقائهم وبعدين يجلسون عند الباب عشان ماتدخل

ولابدال ماهي دائما مسنترة عندكم روحوا سنترو عندها لمدة اسبوع يمكن تتوب واذا ماتابت ازبدوها في وجهها وقولوا لها لاعاد تجين عندنا واحنا ماعزمناكي

---

هههههههههههه بلال بجد ضحكتني ( مسوين عصابة )

ما اظن ما لمحوا لها بالشئ هذا

اقتباس:

---

المشاركة الأصلية كتبت بواسطة حامل المسك

ما اتوقع تجيب قهوه وشاي معها ,, لان على حسب ما قريت انها تحب التسدح والسوالف

يعني كسوله .

وزي ما قلت اللي ما يستحي منك لا تستحي منه

اكرفوها وما جاكم عندي ;)

:: دمتــــم ::

---

اكيد وحده ماتحترم اهل البيت ما تستحي
مشكور على المرووور

اقتباس:

---

المشاركة الأصلية كتبت بواسطة ابن الخولي

تنسيــــــم هالمرأه

سالفة عوانس الديره رهيبه
شكلها نفسيه

---

هي منسمة مافيها كلام
يسلمووووووو على المداخلة

اقتباس:

---

المشاركة الأصلية كتبت بواسطة أبو أسامه

ههههههههههههههههههههههه

الله من البلشه

ما عندي حلول بس يجب الحزم معها وبقوة ...

شكرا لك

---

انا مافيني صير
آآآآآآه بس لو إني عندها
هذا إذا كانت تحس

اقتباس:

---

المشاركة الأصلية كتبت بواسطة امير الذوق

من خلال قرائتي لبعض الردود صراحه احزنتي الجاره ومايجوز انكم تعكرون مزاجها

او تقولون لها كلام يجرح مشاعرها

اصبرو وصابرو ولاتنسون حق الجار في الاسلام والاحاديث على ذالك كثيره

يجب حل الامور بطريقه ترضي الجميع ولاتضر احد

مثلا كلمي احد الجيران وخليهم يوصلون لها الكلام بطريقه غير مباشره

مثلا بيقولون الناس يتكلمون عنك كل يوم انتي عند بيت ابو فلان

او وحده تنصحها وتقول هذا عيب اللي تسوينه

اشكرك

---

هذي اذيه مو جار
بس على قولتك
افسلام عظم حق الجار
بس الجار اللي كاف شره عن خلق الله

هههههههههه بجد لصقه
اختي خياله بما ان صديقتك تقولك ماتيستحي وتتهمها
بشي ماسوته يااختي اللي مايستحي مني وليه استحي منه ولا وفتانه
وربي لااطردها ومع الطرده شلوووت لها
وماعليها حسايف
اشكرك اختي خياله

اقتباس:

---

المشاركة الأصلية كتبت بواسطة بندر صالح السحيمي

هههههههههه بجد لصقه

اختي خياله بما ان صديقتك تقولك ماتيستحي وتتهمها
بشي ماسوته يااختي اللي مايستحي مني وليه استحي منه ولا وفتانه
وربي لااطردها ومع الطرده شلوووت لها
وماعليها حسايف

اشكرك اختي خياله

---

الكلام سهل لكن الفعل صعب يابندر

مشكور على المداخلة الرائعة

اقتباس:

---

المشاركة الأصلية كتبت بواسطة خيالة بلي

الكلام سهل لكن الفعل صعب يابندر

مشكور على المداخلة الرائعة

---

اختي خياله مافيه شي صعب اليوم
وادمي لاحقني بوذاه وش ابي فيه
طيب
اشكرك خياله

سبحان الله نفس جاره لنا زمان قبل ماننقل كانت لنا جاره لصقة 24 ساعه عندنا ومره وانا صغير كنا نبي نروووح عشاء واول مانبي نطلع الا والباب دق وفتحت الباب الا وهذي جارتنا ودخلت على طول وجلست بالصالة وقالت لي ناد امك وانا انقهرت ورح وناديت امي ونستناها تروح وماراحت فكرت وقلت مافيه الا اكذب عليها:D واقول لها زوجك يبغاكي وطبعا رحت لها على طول وقلت لها زوجك واقف على الباب يبغاكي واول ماقلت لها الا وامي تضحك علي قلت يامه ليش تضحكين قالت زوجها ميت له خمس سنوات :eek: يعني كشفتني اني اكذب عليها:||angr|: :||angr|:

مشكله محيره بالفعل ولكن الحل ممكن أن تذهب الأم وتخبرها بأسلوب التلميح لا التصريح أنهم مشغولون وخاصة أيام ادراسة ويتأذون من الزيارات المفاجئة من أحد الأقارب في الأوقات الغير مناسبه وإذا لم ينفع ذلك أقترح أن الأم إذا جت تسوي جو طفش:( :( :( يعني ماتسولف يعني مافيه وناسه يسير كذا تطفش بإذن الله والله يصلح أحوالهم