(((ذكـــــــرى الصــــــــدف)))
كــل المواجع للصدر صارت وسام=عشت الليالي بالامل وانكبتني
من جورها قلبي غدا اربع اقسام=كن القراده ياعرب عاشقتني
قسم(ن) حضن ذكرى تجدد بالايام=ذكر الصدف يوم القراده رمتني
قسم(ن)به الهاجوس والهم ووهام=وقسمين للي في هواها كوتني
اسباب صدفه خافقي كله احطام=لا عاده الله يوم فيه اصدفتني
المهره اللي مالبست سرج ولجام=كل الجموح ابعينها اذهلتني
مثل الغزال وزولها زول ضرغام=فيها شموخ ابمشيها ارعبتني
بين دلعها ماشكت هم وهيام=مثل القمر في زينها هولتني
مابي اوصف خدها خايف انضام=يكفي بنظرة عينها جننتني
من دونها حظي تعثر ولا قام=لاجيت اقرب يمها ابعدتني
بقت بقلبي حاكمه تصدر احكام=صكت على درب الفرح وتركتني
في محكمتها اصدرت حكم الاعدام=وبساحة العشاق جت وطعنتني
بسبابها حزني تقدم لقدام=بعمري يسابق فرحة(ن) فارقتني
بــــدر سالم الألبد
