السلام عليكم
جبت لكم حلى بصراحه عجبني شكله
الطريقه:
1- في صينيه صفي بسكوت أولكر مغمس في حليب سايل
2- اخلطي ( كأسين حليب بودرة محموس + علبة قشطه + باكيت كريم كراميل + أصبع زبده مذوبه ع النار + نصف كأس سكر بودره ) في الخلاط
3- ضعي نصف الخلطه على البسكوت وافرديها عليه
4- صفي طبقة ثانيه بسكوت مغمس بالحليب
5 - ضعي النصف المتبقي من الخليط فوق البسكوت
6- في الخلاط ( 8 حبات جبن كيري + ثلاث أرباع علبة حليب مركز نستله ) ثم يسكب على الصينيه
7- دخليها الفرن بشرط يكون حار جداً ثم أطفئي الفرن واتركيها ثلث ساعه ثم ضعيها في الثلاجه
8- قطعيها بشكل مستطيل بحجم حجر الدومينيز
9- ارسمي بالشوكلاته السائله ( هيرشي ) خط بنص المستطيل ونقط على الجوانب بواسطة عود خلال عشان يكون نحيف ومضبوط
^
واذا ماعندك شوكلاته هيرشي اخلطي ملعقة قشطه مع كاكاو بودره لين يصير لونها غامق وارسمي بالعود
أو
سيحي أي نوع شوكلاتة على حمام مائي أوبدون حمام مائي بس مع قطعة زبدة وإذا ذابت حطيها في كيس نايلون صغير وقصي طرف الكيس فتحة صغيرة عشان يطلع لك شوكلاتة من خلال الفتحة
..
بالعافيه عليكم
