عرض للطباعة
يامحمد يابن مطلق خذيت الوسام =فوق صدرك شرف حتى النهار الكبير
يوم بعض العرب مخزن شراب و طعام = ولاارتكى بالرخى كنه سمو الأمير
وأنت لك وضع ثاني وللك نهج ونظام =اكتشفته من الواقع لونك صغير
رغم سنك لمحتك فوق بحر السنام = ولا كتمل ريش فرخ الحر الأشقر يطير
الك مني وفى وايضا شكر واحترام = صدق من قلب ولا الكذب حبله قصير
والدغيش النشامى مالحقهم كلام = بالزمان القديم وبالزمان الأخير
وابن عمي ولد ممدوح شد الحزام = وابن صالح فريح اسمه رسخ بالضمير
صح لسـانك أبو وليـد ونعم بالمادح والممـدوح
صح السانك اخوووي
لك خالص الشكر
مع التحيه والتقدير
خالد سالم ابو وليد / شاعر رائع وله من التميز الشيء الكثير
وبالتأكيد لايمح بخيل والممدوحين يستحقون الثناء والتقدير
محمد مطلق شهم وكريم ابن كريم
وفرحان ممدوح شاب قمه بالروعه وابن شخص لاتعد ولاتحصى مزاياه
والكل يشهد بذلك
وفريح صالح ذلك الشاب الرائع شخص من الطراز الرفيع
والبقيه هم ايضا كذلك بدون قصور بالجميع
تحياتي وتقديري للجميع
ابيات جزلة من شاعر جزل قادم بقوة
والنعم بالجميع ومن يسوي الطيب يستاهل المدح
صح السانك
يستأهلون محمد مطلق وفرحان ممدوح وفريح صالح
هذا الاطراء والثناء
الله يحيك لم اعلم بزيارتك !!
لاهنت
ياسلام عليك -يابووليد-
شاعر مميز لك مني كل التحيه والتقدير
يستاهلون المدح ونعم فبهم .!
الشاعر المبدع ابو وليد حفظه الله
أسعد الله جميع أوقاتك باليمن والمسرات
الرجل اللي مثلك وشرواك يستاهل أكثر
وشكرك لأولئك الرجال دليل ذوقك العالي والرفيع
هذا الوسام يستاهله أولئك الصقور فلهم مني أعطر تحيه وأعذب سلام.
ولك أرفع عقالي احتراما وتقديرا لهذا الصنيع,,,
تبقى دائما مبدع في حلك وترحالك ابا وليد
حفظك الله ورعاك
تقبل أطيب تحياتي
صح لسانك
ويعطيك العا فية
صح لسانك يابووليد وهذا رد ولد عمي رايد محمد جميعان عللى قصيدك وعذر قصورها
..
سلام الله كفوف وسلام الله كلام
عد سمع الكلام وعد شوف البصير
ياهمام القصيد الي يصيح الهمام
فوق ماهو لفاني من قصيد الخبير
شاعرن عندنا له مواقيفن حشام
وعند باقي العرب من صغير ومن كبير
كريم ومايخبر الكريم الا الكرام
نصير ومال العبد غير الله نصير
ياخالد يابن سالم عندي حسب النظام
الصراحه مالي عن مداها بك مطير
فيك اماري بها عن حلال وعن حرام
لو غدا حالي من اسباب قولي خطير
لكن اقرب وقلي عل حالك تمام
حول ضرب الخفوق وحول جال الغدير
كيف جزل المعاني يابعيد المرام
كيف صار بقصيدك مالايمكن يصير
تسكبه مثل مايسكب الكافر مدام
لين يرقا المزاج ولين يرقا المصير
لويدار الشعر درس وكتاب وعلام
صرت درسه مع كتابه وصرت المدير
ماجهلت الهبوب الي تشيل السهام
ولاجهلت الدروب الي عليها تسير
وغير شعرك على طيب الفاعيل حسام
لنكتب من بين الأيام يومن شرير
ترجح الكفه لو ان الخساير جسام
لو هو يبطي رحيل السيف ثغر الجفير
لو نعس وبل الكرم فيك عيا ينام
لين يسقي من عيونك جفاف الفقير
فيك تفخر (بلي)من سراحين وشوام
ومنك تكتب عتيبه وفيك تقرا مطير
والدغيش الله يلوم ألي فيهم يلام
كل فعل الجداره في وحدهم جدير
وابن عمك ولد عمي يافخرالاعوام
ماخسر بالنسب من كان معكم خشير
وابن صالح يدوم وللولي الدوام
عد ماذعذع الغربي وفاح العبير
من جدا شاعرن شويهري القوام
يدبل الشر شر ويدبل الخير خير
ماخذا من السوالف غير وصف العدام
وماخذا من الفاعيل غير راس البعير
ومايجاذب عيونه كود نور الظلام
مثل نور ابن سالم غصب له استدير
هلا بولد العم والله يحيك
سلمت ولاهنت على نقل قصيدة من ابن العم رائد محمد جميعان
رائعة بمعانيها ويستأهل أبو وليد هالمدح وجزالة القصيدة
واسعدني كثيراُ وشرفني ان اطلع على قصائد للابن العم والاخ رائد
صح السانه ..
نتطلع للمزيد من التألق
لكم التحية
ابن عمكم
اقتباس:
المشاركة الأصلية كتبت بواسطة ابن شويهر