ياشعري اللي ماتعذر ولاخان=عليك من قلبي الرضا والسكينه
نصارع أنا وانت أحداث وزمان=ولاواحداً منا زعل من خدينه
أشكي عليك الحظ والحظ خوان=مايوم وفا يالشعر في يمينه
من خلقته نايم على غير برهان=ولا أنصف معي عهداً مضى قاطعينه
يشين في وجهي أذا أن الزمن شان=أبغاه لي عوناً ويصبح عوينه
وليا نخيته ضاق وأذا أطلبه عان=على شينات الظروف اللعينه
أقشر وجه واخلاق ومقطع أيمان=وجه كئيب ودوم نفسه حزينه
مامنه فايد غير هم وخسران=وزوداً على ذا فيه حقد وضغينه
قلي يانظم الشعرياطير حوران=يافزعتي وقت الزعل والغبينه
الحل في حظاً من سنين تعبان=اللي عن المعروف قصرت يدينه
يالي تنادي الشعر والشعر ذيبان=أبشر بحل الحظ ألآقشر بحينه
أرمه بناراً تصطلي تحت دخان=والا بحر من فوق ظهر السفينه
وأستبدله تسبيح وأيات قرأن=يبدلك ربك عسر وقتك بلينه
