ليه بتتجنى على الحب كذا ليه
حي الله عز الرفيق
يعني هالين انت بتقنعنا انك طول هالسنين ماحبيت البته !!!!
انني اشك في ذلك يا اخ العرب :)
خلينا في الجد يا بن عمي
الاخوان اللى ردو ماقصروا
بس فيه نقطة مهمه انت ذكرتها وهي :
( هل البعد عن الدين اولا وضعف التربيه ثانيا سبب في انتشار مايسمي حب هذه الايام )
نعم سبب رئيس وبقوة بالاضافه الى الحرمان العاطفي لدى الابناء داخل الاسرة
مثال بسيط وخطير بنفس الوقت
تعامل افراد الاسرة الذكور تحديدا مع افراد الاسرة الاناث
يعني تلقى الاباء والابناء يتعاملون مع بناتهم او اخواتهم بكل جلافة
مثلا الاب منشغل في حياته واعماله ,, نعم مشغول في كسب قوتهم وتأمين مستقبلهم
ولكن الحياه ماهي اكل وشرب ولبس وطلعات
الانسان ايضا يحتاج غذاء روحي وعاطفي وخوصوصا البنات
يعني تلقاه عمره ما ضم بنته او مدح لبسها او زينها او حسسها بقربه منها كصديق قريب منها ماهو ابوها الجاد الرسمي العبوس
والاخوانه شرحه تلقى الاخ فيهم يتعامل مع اخته بكل انواع الجلافه تقول يتعامل مع رجل مثله
مافيه لمسه حانيه منه لاخته او تقرب لها والاهتمام بشؤونها حتى لو كانت بنظره تافهه حتى يحسسها بانه قريب منها
ياخي فيه ناس لليوم يقول ( المرة وانت بكرامه ) !!!
نتيجه لهذا كله وما خفي اعظم يجيك ذاك السلتوح اللى لا يعرف محارم ولا اعراض ولا دين
وهو سمع هالمسكينه الكلام الناعم والعاطفي اللى هي محرومه منه في اسرتها
وحسسها في انوثتها :eek:
ماهو مثل اخوها ماباقي الا يقولها هاتي العفريته وغيري البنشر :D
طبيعي في هالضروف والبيئه الضبانيه يصير الوضع كله حبني واحبك :D
الله يحفظ بناتنا وبنات المسلمين ويحميهم
اللهم امين
