بين الوابصي وابن جبيل

قصيدتي في مدح ابن جبيـــل

الهاجس اللي ماقويت احتمالـه = يجول وسط القلب ويجول بالــراس
من هاجسي جوي تراكم خياله = وامطر على دارا ثراها من المـأس
سلام طـيّب طِـيب منهو عنالـه = طِـيب الرجال اللي مشيـد على سـاس
ابن جبيل وحي هاك السلالـه = ياما المـراجل والمكارم بها النــاس
الله يرحم عـود من هم عيالـه = عـزّ الله انه عقب ارجــال نومــاس
ان جيت مجلسهم تشوقك دلاله = بيضِ وصفـر من البغاديد جــلاس
فنجلها للراس كيف وشكالـــه = ايــريّـح التعبان ويـداوي اعمــاس
ماجوبهم للظيف ماهو الحالـه = يلبسون الجـود زين النبا البـاس
الجود له جـمٍ طوالــه حبالــه = ودليهم في جمـــة الجــود غطـاس
ولا كل رجّـالاِ يبا الجود نالــه = الا الذي فــي داخله عزم واحساس
والشعر بأهل الجود واسع مجاله = لونـي بغيت اقيّـسه ماله اقياس
وفي مدحكم ودي لقافي جزاله = والا تـراكــم في دجا اللـيل نبراس

[center]

رد الشاعر سليمان حمدان بن جبيل

البارحه بالراس قاله وقاله = ومصافق ابحور ومواويل غطاس
هواجسي جتني على شكل حاله = اوحي دنين انجور ومقارع اجراس
نوا فلق جوف السما باشتعال= يوم التمس برقه تقل ضاربه ماس
والهاجس اللي مايرد الجماله = خله لصدر قليل العرف هوجاس
ان كان مارد اعتبار الرساله = تدوين ابن قيضي بحبرا وقرطاس
لاهنت ياراع العلوم الجلاله = فرخ النداوي حل من وكر قرناس
يالوابصي ون جاء المديح ومجاله= انتم كما شامان والسيف عباس
زملا الى قالو حمولا ثقاله = وسيوف يقناهن بطل مثل جساس
والى تناوشتو وروك الزماله = قطاعة الفرجه بعيدين الارماس
الذيب الاسحم في خلا الله الحاله = ورجالكم يقلط لحاله عن الباس
ريف القصير الى تردت حواله = فيضة ربيع وبشر البدو عساس
زبون للشاوي مربي حـــلاله = لو للمراجل كاس قلنا هل الكاس
وفي مدحكم لو شد قافي رحاله = تفتحت بيبان ماتعرف الياس
وصلوعلى محمد وصحبه وآله = ماداعب القمري على الغصن نسناس

صح السانك اخوي عيد انت
والشاعر سليمان حمدان
الف شكر ويستاهل الممدوح

مافيكم حيله




كلكم مبدعين ماشاء الله تبارك الله




مودتي لكم

صــــــــــــح لــــســـــان
الـشـاعـريـن الـمـبـدعـيـن
عيد قيضي الوابصي&&& سليمان بن جبيل

صوت وصدى أرويتونا به شعراً


أطيب المُــنــى ،،


سلمان العرادي

والله والنعم وسبعة انعام في الجبيل ولاهو قصور في الغير
وصح لسانك ياابو عبدالكريم ماقصرت
ويستاهل اهل الكرم والجود المدح وابن الجبيل منهم
وصح لسانك ياابو يوسف وماعليك زود
وللشعر
ان يتباها بالهقوافي وبمن سطرها

الاخ العزيز/ عيد بن قيضي

شكرا على المشاعر الطيبه من رجل طيب

وصح السانك وماعليكم زود (والجميع)

ابن العم /سليمان حمدان

بيض الله وجهك يستاهلون وابصه

ابو ماهر

صــــــــــــح لــــســـــان
الـشـاعـريـن

عيد قيضي الوابصي !!!!!! وابن جبيل

لعدمنا جديدكم

قصيده جميله


ورد اجمل

صح لسان الشاعران الكبيران

عيد قيضي الوابصي
&
سليمان حمدان بن جبيل




ولا تحرمونا جديدكم