هذي القصيده روووووووووعه لمحمد بن فطيس
يا هيه التفت لي واسمع دعاي لك ياهيه
ترى عادتك تشبع من البعد واتواجه
دعيتك بصوت يا صلك ليه ما توحيه
وانا اسمع ضلوعك من صى الصوت لجاجه
عليك الفؤاد اخلجة مصمخ راعية
خف الله في راعية ما تسمع اخلاجة
تر العفو قد جاك اوله واغتنم تاليه
وترى الحلم بيت غيرِلا تامن امواجه
وترى الود ليل مظلم جيت لك سارية
سراجه وصالك والجفا ينفخ سراجة
و ترى قصرنا اللي كم سنة نجمع ونبنيه
هوى العذل طيح بابه العود وسياجة
لي ايام مدري وين دارك ولا ادري ليه
وانا خابر اني باب شفك ومزلاجه
غياب بلا سبه هجادٍ بلا تنبيه
وجفا اغلى العرب نار على الكبد وهاجه
نضج قلبي من البعد وش حاجتك تكويه
جفاك الجمر والصبر في بعدك اصاجة
وطبع حبك بقلبي والايام ما تمحيه
هذا هاجرك يحاول يموجه ولا ماجه
يموت الامل لكن ظنون الغلا تحييه
وعروق الوفا بالروح والقلب وجاجه
خبرتوا حد يبكي على واحد يبكيه
وخبرتو حد مسجون ما يرجي افراجه
احبه ولا ابغضته على شي يسويه
ولا زالت رقاب الرجا فيه منعاجة
عسى منزل ضمى حقوق الوسم تسقيه
وتضحك له الدنيا وهو يضحك احجاجه
فقد خاطري شي من الضيقة مسليه
وغدت روحي من الناس والقلب هجاجه
اروح لمكان خابره... خابر ه ياتيه
واسوق القدم صوبه وهي مالها حاجه
مكان نزيهً واول مواجهي له فيه
وانا خابر ان ما رجل مثله بدواجه
لعل وعسى ما حدني للمجي يدعيه
واشوفه وانا ماودي اسبب احراجه
يحب الجريح اخر دروب اللقى ويجيه
وتحب القدم جيه مكان اول امواجه
