من ياخـذ الدنيـا برايـه بلا قيـس=مثل الذي في جـوف بحـر يعومـي
ما ينبنـي بنيـان من غيـر تاسيـس=ومـن لا تعلـم مـا تفيـد العلومـي
ياغصن موزٍ ميلـه نسمـة الريـح=يا أبـو نهيـدٍ تقـل فنجـال صينـا
قـومٍ إلى جيتـهم رفـت شواربـها=بالضحك واقلوبها فيها الردى كالـي
وقومٍ إلى جيتـهم صكـت حواجبـها=وأبدت لي البغض في مقفاي واقبالـي
أدّب ولـدك إن كان تبغيـه يشفيـك=واستسعفـه من بعـد مربـاه بـالآك
يا ذيب وان جتك الغنـم في مفاليـك=فاكمن إلى حيـث الرعايـا اتّعـداك
مـن أولٍ يا ذيـب تفـرس بياديـك=واليوم جا ذيبٍ عن الفـرس عـداك
يابجـاد شـب النـار وادن الدلالـي=واحمس لنا يابجاد ما يقعـد الـراس
ودقـه بنجـرٍ يـاظريـف العيالـي=يجذب لنا ربعٍ على اكـوار جـلاس
لاخـاب ظنـي بالرفيـق الموالـي=مالي مشاريـهٍ علـى نايـد النـاس
لعـل قصـر مـا يجيلـه ظـلالـي=ينـهد مـن عـال مبانيـه للسـاس
لاصـار ما هـو مدهـل للرجالـي=وملجا لمن هو يشكي الضيم والبـاس
يا الله يا اللي رد من عقـب مايـاس=يوسف على يعقوب وابصـر نظيـره
ترد علي دبـاس يا محصـي النـاس=يـا عالـم مـا بالخفـا والسـريـره
يـا ناشـدٍ عنـي ترانـي شليويـح=نفسي على قطع الخرايـم عزومـي
لا قلّـت الوزنـة وربعـي مشافيـح=أخلّـي الوزنـة لربعـي وأشومـي
اللي يبينــا عيّـت النفــس تبغيـه=واللي نبـي عيّـا البخـت لا يجيبـه
البـارحـة يـوم الخـلايـق نيـاما=بيّحـت من كثر البكـا كل مكنـون
لـي ونّـهٍ مـن سمعـها ما ينـاما=ونّة صويبٍ بين الأطـلاع مطعـون
من ناظري دمعي على الخد مسكـوب=ومن الحوادث شاب راسي وأنا شـاب
لا لـذ لـي زادٍ ولا حلـو مشـروب=ولا لموق العين طيـب الكرى طـاب
غنا النفس معروف بتـرك المطامـع=وليـس لمـن لا يجمـع الله جـامـع
ولا مانـع لمـا يعطـي الله حـاسـد=ولا صـاحـبٍ يعطيـك والله مانـع
حل الفـراق وخافـي السـد باحـي=حاولت أصبر والصبر عـذّب الـروح
حالـي تـردى ومتكسـر جنـاحـي=حزين من كثـر الهواجيـس والنـوح
ألا يا عضيدي وين راحوا هل الثنـا=بنشدك حيثك باخـصٍ في أمورهـا
تراني بجي للموت تسلـوم شرعـي=إن قلت لي قضت وفاتت عصورهـا
وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه
قالوا نـدور لك من البيـض حليـاه=قلـت آه لـو غيـره بكفـي رميتـه
قالـوا تـزوج كـود تدلـه وتنسـاه=قلت آه لـو خـذت أربـعٍ ما نسيتـه
قالوا من أقصى الناس وين أنت ويـاه=قلت آه ما أنسا يـوم جانـي وجيتـه
ماني بمن يطـرد سـرابٍ بمضمـاه=شاف السراب ويحسـب أنه غديـري
لواهنـي اللـي ليـا ضـاق له يـوم=اليـوم الآخـر خاطـره ما يضيقـي
ما هو بمثلـي ضيقتـه دايـم الـدوم=أبي المليق شـوي وأزريـت اليقـي
ما ذكـر به حيٍ بكـى حي يا ذيـب=واليـوم أنـا ببكيـك لو كنـت حيـا
ياذيب انا بوصيـك لا تأكـل الذيـب=كم ليلـةٍ عشّـاك عقـب المجاعـة
كم ليلة عشـاك حـرش العراقيـب=وكم شيـخ قـوم كزته لك ذراعـه
هبـي بريحـه يا هبـوب الشمالـي=كود الجنوب ومطلع الشمس ينصـاه
يـامـا ويـامـا فرقتنـا الليـالـي=وعزي لمن يصفـق شمالـه بيمنـاه
ما تنفع الدنيـا بلا شـوف الأعيـان=وعـزي لمن مثلي عيـونه عصاتـه
نعـد الليـالـي والليـالـي تعدنـا=العمـر يفنـا والليـالـي بـزايـد
قولـوا لبيت الفقـر لا يامـن الغنـا=وبيت الغنـا لا يامـن الفقـر عايـد
من لا يستشيـرك لا تباديـه بالشـور=ومن لا يـودك سعـد عينـك فراقـه
منـهو حبيبـك غايتـي بس أهنيـه=على حسـن حظـه عشانـك حبيبـه
أنـا أشهـد إن الله يحبـه ومعطيـه=اللي هـداك الـرب تصبـح نصيبـه
كرهني بنفسـك ولو بذنـب صغيـر=القى به اعـذاري واعـود لزمانـي
المشكل انه ما بـدى منـك تقصيـر=وهـذا يـزود واقعـك فـي كيانـي
عـلامـه مـا ينابينـي عـلامـه=ويخفـي مـا بقلبـه من غرامـه
ويخلـف سنـة العشــاق فيـها=ومثلـه مـا يغابـي فـي كلامـه
