لا نتهى صبح البلاد وصارلون الليل حالك=وابتداك الحزن يا قلبي ولاهوفيك آبه
وانت مشتاق الكلام اللي تعبرفيه حالك=كثرما يشتاق محروم الوطن وطية اترابه
والله ان تارد لبحراً يصتفق موجه بجالك =كل ماتضمى القصيد وكل ماتضمى الكتابه
شاعراً لا كبرهمك فزقافه وانتخى لك = فزة اللي في نهارالحرب نودي للمجابه
لاكن اسمع ما يلي يا القلب دام القاف جالك=واحفضه حفض الوصاه ولا يضيعك التشابه
الهنوف اللي تغيضك كل ماتقطع وصالك= ان مشت مثل المحل وان جتك همال السحابه
لا تزعلها عليك وكل ما فيها صفالك=وانت تدري ما وراك الا دهاليز الكآبه
لا تمادى في زعلها دامها اصدق من بقالك=وان بغيت اعتابها قوله على شكل الدعابه
وانت تدري كل ما زعلت ينالك ماينالك=ان رضت مبسوط وان زعلت تناولت الربابه
يعني اعرف كل درب بدونها ماهوبسالك=خلها تاخذ اقضاها منك في سعه ورحابه
والنهايه مابقى بالعمر كثر اللي مضالك= العمر فاني وكثر الحزن ماهوفيك آبه
