مصافحة أولى { منصاي لا كثرت علي المشاريه

السلام عليكم ورحمة الله وبركاتة

أسعد الله مساؤكم جميعاً بالخير والمسرات

أطرح بين أياديكم المصافحة الاولى لي في منتدى بلي

وهي قصيدةمهداه للأخ سعادة العميد \سعود بن مطلق النومسي العنزي
,---------------

,
ياعالم(ن) غيب الوجود وخوافيه = وغرات الانفس والسير والنوايا
ياغايث(ن) جرد الديار الرهاريه = ترجع لها من مدلهم الروايا
ياواحد(ن) دايم نخافه ونرجيه = يامقسم الارزاق بين البرايا
ألطف بحال اللي طوى الوقت طاويه =بين الجليد وبين شوب ولظايا
وقت ومعاوينه وهبت ذواريه = صارت مثل ماقيل طير وشلايا
ويوم استشاط الصدر والغيظ ماليه = في ساعة تبور فيها الردايا
ذكرت أبو سلطان دامت لياليه = الله يجيره من سهوم المنايا
نادر حرار(ن) نايفات مراقيه = عليه من وصف النداوي حلايا
على بياض الوجه ماينجهل فيه = سعود بن مطلق بعيد المدايا
ياعل رديان الجماعة فداويه = اللي على العليا يسوق المطايا
منصاي لاكثرت علي المشاريه = والأ احرجوني طيبين المزايا
وأنا ولو تكثر علي المتاويه = ما أشره على اللي مايجيب الحرايا
والأ أنت علمك يرفع الرأس طاريه = يانسل مروين السيوف الضمايا
دايم يا أبو سلطان والطيب تحريه = ماهي علوم مكثرين الزرايا
وختامها ما لاح برق بنواشيه = وعداد ماهبت هبوب الصبايا
صلوا على اللي أمته تهتدي فيه = راع الشفاعة يوم نأقف عرايا

سعود المسعودي

وبشائر خير لـ هذا العام بقدومك يا رائع

أتمنى أن يطيب لك المكآن وتروينا بشذى شعرك النقي

صح نبضك وكلك ومن يفعل الطيب يستاهل المدح

ورووود تحف مكآنك

وكل عآم وأنت بخير

صح لسانك على القصيدة الرائعه ... والعميد سعود بن مطلق النومسي والله ونعم وهو شبل من الأسد أبيه أمد الله بعمره ومن رؤس ربعهم من العواجيه من قبيلة عنزة العريقه ... ورجل ذو خلق وشهامه وقيادة أمنيه رائعه ومخلصة وفقه الله ... ألف شكر على النقل الرائع ...

:

سعود المسعودي
*

حضور للترحيب / الاستمتاع
فمرحباً بك بمنتداكــ , وانار وجودك جنبات المنتدى
وحياك يالغالي
,

وصح لسانك على هذة الرائعه ,
وسلمت يمينك ,
وننتظرك بفارغ الصبر بجديدك

*
محبتي وتقديري لك

:

اقتباس:

---

المشاركة الأصلية كتبت بواسطة ثامر ظميان البلوي

سعود المسعودي

وبشائر خير لـ هذا العام بقدومك يا رائع

أتمنى أن يطيب لك المكآن وتروينا بشذى شعرك النقي

صح نبضك وكلك ومن يفعل الطيب يستاهل المدح

ورووود تحف مكآنك

وكل عآم وأنت بخير

---

اهلا وسهلا اخوي ثامر
صح بدنك وكلك وتستاهل الجنة
وتسلم على هذا الكلام الجميل
وأنت بصحة وسلامة
دمت بخير

اقتباس:

---

المشاركة الأصلية كتبت بواسطة عبدالمجيد العصباني

صح لسانك على القصيدة الرائعه ... والعميد سعود بن مطلق النومسي والله ونعم وهو شبل من الأسد أبيه أمد الله بعمره ومن رؤس ربعهم من العواجيه من قبيلة عنزة العريقه ... ورجل ذو خلق وشهامه وقيادة أمنيه رائعه ومخلصة وفقه الله ... ألف شكر على النقل الرائع ...

---

صح بدنك شكرا لك على المرور

وللمعلومية القصيدة ليست منقولة بل هّي من قصائدي

دمت

اقتباس:

---

المشاركة الأصلية كتبت بواسطة محمود الجذلي

:

سعود المسعودي
*

حضور للترحيب / الاستمتاع
فمرحباً بك بمنتداكــ , وانار وجودك جنبات المنتدى
وحياك يالغالي
,

وصح لسانك على هذة الرائعه ,
وسلمت يمينك ,
وننتظرك بفارغ الصبر بجديدك

*
محبتي وتقديري لك

:

---

هلا بك اخوي محمود

شكرا لك على هذا الترحيب الطاغي والاطراء

صح الله أبدانك

ويسلم رأسك

دمت وسلمت