عزيزتي لن اضيف على الاخوة الا بعض الابيات الشعريه لمثل هذه النوعية التي ذكرتي:
لو خسرتك ماخسرت العمر ..والدنيا متاع..
وأدري إني لو خسرتك ماخسرت إلا القليل..
بس فكر زين!! ..تعرف من خسر فينا وضاع..
وتعرف إنك لو تلف الأرض.. وتدور بديل..
والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..
وين تلقى مثل شخصي شخص..وطباعي طباع..
ووين تلقى مثل "قلبي قلب..أو مثلي خليل.."
يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..
وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..
بيض الله وجهك اللي ساتره تحت القناع..
ورايتك بيضا معاي وياعسى عمرك طويل..
مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..
والله إني "كنت" أحبك حب.. وأتبعك إتباع..
كنت لجل أرضي غرورك بس أسوي المستحيل..
كنت أعمى فيك..لالا كنت ميت للنخاع..
كنت مدري كيف؟ لكن كنت "صادق معك حيل.."
لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..
فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..
وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..
والبخيل اللي نساني وإشترى فيني.. وباع..
يـذلف الله لايرده.. والله بجرحي كفيل..
وإن سأل عني..وجاكم بعد فترة إنقطاع..
علموه إني نسيته بس ..أنا ماني بخيل..
طالما كان السبب في قوتي.. قبل الوداع..
بلغوهـ أقل شيء,, بخالص الشكر الجزيل
