(عصــاميــــــه)
حزينة والقلوب اللي يعمرها الحزن حيـة
لها قلب (ن) من الحرمان تحمّل فوق طاقتها
تعاني من الزمن بنـت (ن)عصاميـة عصاميـة
تكافح لجل مستقبل معه تبدأ انطـلا قتهـا
عظيمه كلهــا اصـرار قويـة عـزم جديـة
ذكية فوق ماأتصـور ثقافتهـا وبلاغتهـا
عريبة ساس ماتشكي من الاوجاع نشميـة
ظروف الوقت واتعابه ترى مايوم عاقتهـا
صبورة عالتعب تكره الآعيـب الهواويـة
عفيفة نفس ماتبني مـع العاشـق علاقتهـا
كثيرة معرفة وإدراك لها افعـال سحريـة
تؤثر في قلوب النـاس لطافتهـا واناقتهـا
تقول للشمس وين أنتِ أنا بالأرض لك خية
إذا غبتي عن العالم انا بـأ علـن صداقتهـا
وأرض(ن) فوقها تمشي تصير أزهار ورديـه
وأهم شيء(ن) يميزهـا بساطتهـا ورقتهـا
بنية تحرق الاعصاب مع الروحة ومع الجية
عيون الناس تتبعها من الشارع لـشقتهـا!
فلاهي للوصل مدت كفوف الشوق لإيديه
ولا قلبي سلا وارتاح وأيس من ملا قتهـا
محمــد الثوعــــي
