الرميـه اللـي مـع الاقدار 0000

من غير عله

لاباس ياقلبي اللي زادت اهمومــه = زادت عليه المواجع لين مبكانـي
حاولت قلبي يشيل الحمل بعزومه = لكن عزم الجمل ترديه الاحزاني
الرميه اللي مـع الاقدار مسمومـــه = يصيبني همها لو سهمها اخطانـي
صبّرت نفسي واقول اقدار مقسومه = الدار دار الفنا واللي بهـا فانــــي
من غير عله يموت اللي دنى يومه = ويعيش من باقيا له يوم مرضانـي
والعمر له ساعة(ن) للعبد محتومــه = لا فيـه لا زود ولا فيـه نقصانـي
لو ان الاقدارعند العبد معلومــه = كان اتحرص و حسب احساب دياني
والنفس ماهي عن الزلات معصومه = من خلقة الناس هذا طبع الانساني
يالله عسى النفس عند الموت مرحومه=عليك ياللي خلقت النفس تكلانــي

صح لسانك ولاهنت على هالقصيده

الله الله الله

الوآبصي عيد

لله درك .. شاعر جزل وفريد ومبدع

نص مليء بالحكمه والتجربه

صح نبضك وكلك

جزل يابو عبدالكريم صح لسانك مدد بلا عدد


أطربت مسامعنا بهذه الرائعه


أطيب المُــنــى ،،


سلمان العرادي

الف هلا اخوي سعود السحيمي

شرفتني الله يوفقك

صح لسانك يالجزل
،،،،
دائماً تمتعنا بلونك الخاص
الذي يعكس دماثة اخلاقك
ورقي فكرك وتعاملك
،،،،
فالك الجنه

تقبل مروري

بسم الله الرحمن الرحيم

عيد بن قيضي صح الساتك

والله مالقية فيك عذروب

مساك شعر

ابو ماهر

لله درك يا بن قيضي ....حكمة وشعر .....وعضة ...وفهم ....جمعهن أبن قيضي ....يحفظك ربي

عيد بن قيضي..


صح ألسانك على ماتحفتنا به من جزل القصيد



مبدع دائماً كما هي عادتك




مودتي

ابو عبد الكريم
يكفي القصيده فخر
تذيلها باسمك الكريم
فكيف أذا كانت من صنع
أفكارك ويديك
الشاعر الجزل شعره جزل
وأنت دائماً بهذه الخانه

.

الشاعر الكبير عيد بن قيضي
كلما قرأت لك قصيده وجدت فيها رائحة ومذاق شعرائنا القُدام رحمهم الله
اسلوبك التراثي يضاهي شعر اليوم بل تفوق عليه بكثير

اطال الله عمرك وزين عملك واحسن خاتمتك


ـــــــــــــــــــــــــــ

اعزائــــــــــــي الكرام

اشكركم على مروركم الكريم وحضوركم المبهجولكل واحد منكم شكر وتقدير

وفقكم الله لكمايحبه ويرضاه

وتقبلو تحياتي

اعزائــــــــــــي الكرام

اشكركم على مروركم الكريم وحضوركم المبهج ولكل واحد منكم شكر وتقدير

وفقكم الله لكمايحبه ويرضاه

وتقبلو تحياتي

صح لسانك وعلاء شأنك,, ودمت بود وتقدير :|for you|: