على طريق التل تل الخطا تل ..

اعزائي كلٍ منا له ذنوب وله معاصي إلا من رحم الله ولا يجوز لأحد أن يجاهر بالمعصيه أو يحكم على ذنوبه بأنها كغيره من الناس ..


إليكم مطلع قصيده في سوريا ووصف سوريا لأحد الشعراء الذي قام بنشرها في البلوتوث قبل فتره

ومن غيرتي على شبابنا وعلى الدين رديت عليه بهذه القصيده ..


ومن ضمن ابياته يقول :

لاشفت صدرك من كثر ضيقته مـل

وقامت تراقص فوق راسك شياطين

جهز جـوازك والشنـاط وتسهـل

البخـل مايمـدح يديـن البخيليـن

امش العصير وتبع الموتـر الظـل

تطلع عليك الشمس في ديرة حسين

ضبط امورك واحلق وحط لك جـل

والبس وسيده لا يسار(ن) ولا يمين

على طريق التل تـل الخطـا تـل

دور على جو(ن)يسـر المحازيـن

قدامك المجمول والكـاس الاشعـل

وتبدا تشوف الناس حولك مساكين

ترقا سما سما سمـا ليـن توصـل

يـم الثريـا والقمـر والميـازيـن

وعلى بلاط البست شي(ن) يهـول

ظباط هتلـر يـوم تقسيـم برليـن

الين يقوول فيهااااااااااااااا ... ؟؟؟

واليا وصلت لديرتك كبر وصل

كل الأوادم بالذنوب متساويـن

هل يحق له بأن يساوي ذنوبه بذنوب راعي التقوى وصاحب الدين ..؟؟!!




وبإمكانكم البحث في قوقل عنها وهي معروفه بأسم قصيدة وصف سوريا





وهذا الرد :

يالشاعـر اللـي بالمعـانـي تمـهـزلّ

ويـن انـت غـادي ياسفيـر الموليـن

تعـوذ مـن ابليـس وانتـه تـورسـلّ

بأبياتـك اللـي كلهـا طيـن فـي طيـن

أسمـع كلامـي كـان تبـغـى تـعّـدلّ

وإن مابغيـت اشكـال مثلـك كثيـريـن

لاضـاق صــدرك يـاولـد لا تمـلـلّ

وجـه علـى قبلـة جمـوع المصلـيـن

مسكيـن قلبـك مـن عنـا حالتـك كـلّ

ياوجـد حالـي منـك ياوجـده سنـيـن

النـاس تطلـب ربـهـا كــل مـاحـلّ

هـمٍ وضيـق وكبـت بيـن المسلّميّـن

ولا انـت لا كثـرت همـومـك تـغـزلّ

في وصـف ذنـب الفاسقيـن الملاعيـن

ربـي عطاك..السان..واشعار..وجّـمـلّ

واعطـاك رجلينـن تــدك الميـاديـن

وش موقفك لو صرت مقعد ومنشـلّ؟.؟.؟

والنـاس مـن حولـك بعـز متعافـيـن

اذكـر نعـم ربـي يبـو فكـر مخـتـلّ

مـن قبـل لا تبلـى وتندم..وبعـديـن.؟

وين انت مـن نصـرة رسـولٍ مبجـلّ

ووين انت عن ذكر الفخر يـوم حطيـن

ووين انت عـن شعـراً جـزل ماتهـزلّ

تنفعبـه اخوانـك لنـصـرة فلسطـيـن

واهـل العـراق بحالـهـم ذل فــي ذلّ

وانتـه حياتـك بيـن سـاره ونسريـن

كــل البـشـر لله دايــم تـوســلّ

وتتعـب قدمهـا لجـل رب الميامـيـن

وانته تسـوق الرجـل يالخبـل الأهطـلّ

فـي ديـرةٍ فيهـا ذنــوب وخبيثـيـن

جاك الـردود الجـزلّ لـو كـان تزعـلّ

قـدرك تـرى بالوجـه صفقـه وكفيـن

ساويـت ذنـب النـاس ياراعـي الجـلّ

لا وتخسـى عنـدي لقولـي براهـيـن

راع المساجـد ذالـك الرجـل الأمثـلّ!!

اللي يقـوم الليـل والنـاس ممسيـن ؟؟

ساويتـه براعـي الـذنـوب المكـبـلّ

لا ماتـخـاف الله ياسـوسـة البـيـن

خـاب الرجـا بـك شاعـرٍ ماتجـمـلّ

عـزي لحالـك يـوم رجـح الموازيـن

وياطيـر ياللـي بالمشـاعـر محـمـلّ

ود الجـواب ودمعـة الحـرف والعيـن

ابـيـه يسمعـنـي إذا مــا تـعــدلّ

من وضعه الخايب عسـى فالـه الشيـن

شفـي علـى جيـبٍ جـديـدٍ مغـسـلّ

توه وصل مـن ديـرة الشـرق ذلحيـن

اليـوم مـن فــوق الديـنـه مـنـزلّ

عليـه مـن وصـف الولايـه عناويـن

وجهـه شمـوخ ملـوك لامنـه اقـبـلّ

ماكنـه الا مــن كـبـار السلاطـيـن

دقيـت سلفـه لأقبـل اللـيـل وانـهـلّ

وشيكتلـه زيـتـه وعبـيـت بنـزيـن

ثـم شفـت عــداده ليـامـن تفـلـلّ

وقريـت مـن سنـة محمـد مثامـيـن

وجهـت وجهـه يــم مـكـه ويــدّلّ

والوصف واضح دون نسأل ومن وين..؟؟

وشغـلـت سيـديـه بـقـولٍ مـرتـلّ

من قـول ربـي يثلـج الصـدر ويليـن

هـذي طـراة العمـر لاقـمـت اهـلـلّ

فـي وسـط مكـه والخلايـق ملبـيـن

وخـوت نشامـا مابـهـم لاشٍ اهـبـلّ

كفو الرجال اللي علـى الديـن ماشيـن

مافيهـم احــدٍ بالمـراقـص تخـبـلّ

مثلـك ومثـل الغافلـيـن المريضـيـن

قـومٍ لكـم فـي ديـرة حسيـن مـأكـلّ

والحال مزري من بـلا ديـن فـي ديـن

تسخربكـم نـاسٍ تعـل الخفـى عــلّ

وانتـم ترشـون الــورق بالملايـيـن

يانعنبـوكـم شـرذمـه مالـهـا حــلّ

شلـة فسـاد وكـل ابـوكـم رديـيـن

يضحـك عليكـم كـل واطـي ومنـحـلّ

وتاطي عليكـم رجـل حسنـه وتحسيـن

ويارب عفـوك مـن خفـا ديـرة التـلّ

من حـد بـرزه ليـن جارتـه تشريـن

الشعر : مدور الجزلة

منقول من منتدا الدواسر للأمانة .

صح لسانك

ويعطيك العافيه

خسااااااااااره عليه كلمت شاعر

بارك الله فيكم

يعطيك العافية على النقل الجميل

صح لسانك وفالك البيرق مشكور على هذا النقل

خسااااااااااره عليه كلمت شاعر

بارك الله فيكم

صح لسان قايلها


وبارك الله في ناقلها



ودي

الله يجزاك بالخير
وسئل الله ان يهدينا واياه الى الخير والصلاح وان يغفر لنا وله