تكفون يالنشامى مالي غير ربعي

السلام عليكم ورحمة الله وبركاته
يالنشامى ياربعي ياعزوتي والله اني اروح وارجع ومالي غير ربعي ان ما نفعوني بعد الله ماني مستني نفع من الاغراب
يالربع انا قبل شهرين رفعت برقيه الى سمو الامير بدر بن عبدالعزيز نائب ريئس الحرس الوطني
تخص موظوع وظيفتي ووظع اسرتي اللي يندى له الجبين
والاسبوع الماضي دقو عليا هيئة طيران الحرس الوطني وقالو اوراقك وصلتنا من سمو الامير تراجعنا
ويوم السبت الاسبوع الماضي كنت عندهم اللي دق عليا قال عطوك وظيفه عسكريه بشرط انك تطلع بعثه خارجيه قلت مو مشكله اهم شي اني القى عيشه اعيش منها
ورحت لهم السبت اللي قبل الماضي واخذو مني اوراقي لكن الضابط اللي اخذ اوراقي كلامه مشجعني زي اللي اتصل عليا لانه صار يتعذر بالمعدل مع ان تخصصي انا قابل باي شي عندهم لاني بستفيد ان البعثه تكون بتخصصي ومتضيع السنوات اللي راحت من عمري بهالتخصص
اخذ اوراقي وقال نعرضها على سعادة اللواء راشد الزهراني رئيس الهيئه ونتصل عليك ان صار شي يسر
وانا عارف ان الامر من قبل ومن بعد باذن رب العالمين
لكن الشفاعه بالخير بالدنيا ماتضر دام انوه اصلا مافي اي منافسه خاصه ان تخصصي مافيه احد متقدم عندهم فيه وقسمهم جديد وبحاجه لمثل هالتخصص لكن لايخفيكم ان الموظوع لابد من معرفه تشفع بالخير
واليوم اقولها بكل امانه انا بحاجتكم يا بلي وقفتكم يهل الخير
والله لايحرمكم اجر السعي بالخير
اللي له معرفه رجال به خير بالحرس الوطني تكفون لا تبخلو بها على ابنا خيكم والله يعلم وش كثر فرحتي يوم دقو لكن مدري ليه ماني متطمن لان لي الحين اسبوعين ماحد دق

بأذن الله ياخوي ان اي بلوي لديه نخوه او فزعه راح يساعدك ان شاء الله

تكفون يالاخوان اللي يعرف احد يساعده لايقصر

الله يجزاك خير ويكتب اللي فيه الخير

الله يوفقك و يكتب لك الى فيه الخير ،،،

اللة يوفقك ويكتب لك الي فية خير

الله يوفقك ويجعلك من كل ضيقاً مخرجا

توكل على الله..

والاخوان ما يقصرون ان شاء الله

جزاكم الله خير جميعا على ردودكم الطيبه
والله يكتب اللي به الخير
"واذكر بلي والمجدله فعل واظهار **** وتاريخهم يحكي فعول فريده"

توكل على الله

ما يصير لك الا ماكتب الله لك

وعليك بالدعاء والصلاه

والله يوفقك ويفرجها لك من عنده

جزاك الله خير اخوي عبدالله واكيد الاستغفار والدعاء محنا ناسينه
والله نعم الوكيل مافي شك

الاخ موسي
حاب اعرف الموضوع لك او يخص شخص اخر اذ يخص شخص اخر ارسلى اسمه
وربى يكتب الى فيه الخير

الاخ عز الرفيق
الموظوع لي انا طال عمرك
موسى صالح البلوي
وبالتحديد اورافي لدى المقدم عمر الحصان في هيئة طيران الحرس الوطني بالرياض
الله يكتب اللي به الخير ويجزى من سعى بالخير خير الجزاء

الله يكتب لك الرزق

الله كريم وبعباده رحيم
جزيت خيرا اخوي نواف

السلام عليكم يا بلي الطيب

الاخ موسى صالح البلوي

الله يعوضك خير تابع موضوعك ولا تيأس

والله اني اخاف تكون العنصرية وراء توقف معاملتك

يارب يسر لك ولاد الحلال يفزعولك وبإذن الله تفرج قريب

السلام عليكم ...

الأخ موسى البلوي ... أرسلت لك رسالة خاصة أرجو ان تتطلع عليها

وأسأل الله العلي العظيم لك التوفيق

والله ماعندي غير الدعاء الله يوفقك ويسر امرك

جزيتم خيرا جميعا ايه الاخوه وانا اطمع من ربعي لو أقل القليل دعوه صادقه في ظهر الغيب في سجودك قد يرحم الله الحال بها
الاخ ابو معتز لاحرمك الله الاجر اطلعت على الرساله قبل قليل وان شا ءالله ربك بيفرجها
أكرر شكري للجميع

أخي :

السلام عليكم ورحمة الله وبركاته

أتمنى الاتصال بي ...... ولك فائق الإحترام

جزاكم الله خير جميع
الاخ نايف ارجو تزويدي برقمك على الخاص وجزيت خيرا

الله يوفقك و يكتب لك الى فيه الخير ،،،

ابشر بخير ان شالله

الله يبشرك بالجنه ووالديك ومن يعز عليك