عطوات وبلوات والعز يزداد$$ وقحطان والجهنان هم والطنايا
أضع بين ايديكم هذه القصيدة وهي ترحيبية في محفل الشيخ / خلف الكساب الجعفري العنزي بمناسبة ضيافته شيوخ واعيان بعض القبائل وهم بلي وقحطان وبني عطية وشمر وجهينة في قاعة الراسي في مدينة حائل يوم الخميس 20 / 2 / 1431 هـ
يامرحبا ترحيبة(ن) يوم تنقاد = مثل المطر من صادقات النوايا
ترحيبة(ن) بالهيل والمسك والكاد = والعود الأزرق مع عذي النبايا
بحضور من لحضورهم مثل الأعياد = ضيوفنا اللي بالمعزة سوايا
عطوات وبلوات والعز يزداد = وقحطان والجهنان هم والطنايا
خمس القبايل يوم شوبات الاكباد = عوق الخصيم ويلحقون التلايا
رجال(ن) لها في قمة المجد مقعاد = اهل المعالي والكرم والندايا
سلايل نمور(ن) مواريثها بعاد = كم فارس(ن) طشوه دون الرعايا
ولا أذم في مدحي سلاطين الاولاد = والنعم باللي ياصلون الحرايا
وأثني الترحيب مثني وينعاد = على القبايل والحضر بالتحايا
في محفل الكساب كسااب الامجاد = خلف زبون التالفه و الونايا
فارس وللشيخة بنا صرح وعماد = النادر اللي ماكره بالعلايا
مثل النداوي للجزيلات صياد = وعليه من هداج وصف وحلايا
من روس رجال(ن) يوم هاجد وهجاد = أرداهم اللي مايهاب المنايا
لاثارت الهيجا وشان اللغا وكاد = ستر الترايف رادعات الشفايا
كم فارس(ن) رموه مع هجن وجياد = يوم المراجل في ظهور السبايا
جعافرة ربعي على روس الأشهاد = افعالهم يوم الفعايل تقايا
ويدوم عز وحكم سادات الاسياد = عيال من روض جميع الحنايا
عبد العزيز مولف قلوب الاضداد = صارت كما الاخوان عقب العدايا
وهدم طواغيت الجهل والرخا ساد = وحكم بشرع الله بعيد المدايا
طيب ثاره اللي خلق حي وجماد = ويظله بظله عليم الخفايا
واليوم بعهد اللي عن الحق ما حاد = مليكنا اللي مايحب الخطايا
عز الوطن واهل الوطن وامة الضاد = عبد الله اللي نايف(ن) بالمزايا
وولي عهده ساعده طير الاسعاد = سلطان سلطان السطر والحمايا
وسيف الامن نايف وللعز رواد = النايب الثاني نقي الطوايا
الله يوفقهم على درب الارشاد = وارواحنا للدار وإلهم فدايا
وختامها ماني عن الكثر نشاد = أبي اختصر والا الموارد رهايا
شاعر وانقدها قبل كل نقاد = وهايب(ن) ما سقت فيها جزايا
ومن رأس شيخ(ن) شيخته فوق الأسناد = عسى عظامه ماتجيها اللظايا
وتمت بذكر الله وما مد مداد = صلوا على طه شفيع البرايا
الشاعر / سعود بن هندي بن فندي المسعودي=
رد: عطوات وبلوات والعز يزداد$$ وقحطان والجهنان هم والطنايا
صح الله لسانك والممدوحون يستاهلون المدح واكثر
رد: عطوات وبلوات والعز يزداد$$ وقحطان والجهنان هم والطنايا
صح لسان الشاعر
ونعم في اولاد الحمايل
ويعطيك العافيه أخوي سعود المسعودي
وحياك الله بين أخوانك
رد: عطوات وبلوات والعز يزداد$$ وقحطان والجهنان هم والطنايا
اقتباس:
المشاركة الأصلية كتبت بواسطة سلمان العرادي
صح الله لسانك والممدوحون يستاهلون المدح واكثر
صح الله ابدانك اخوي وتسلم على هالمرور الطيب
وتستاهل الطيب كله
بالمناسبة القصيدة لي انا ولا اعلم مالذي اتى بها إلى شعر المنقول
ربما أخطأت انا بوضعها هنا
ولك اتمنى من الاداريين المسؤلين نقلها للقسم شعراء المنتدى
دمت بخير
رد: عطوات وبلوات والعز يزداد$$ وقحطان والجهنان هم والطنايا
اقتباس:
المشاركة الأصلية كتبت بواسطة طلال بن شليويح البلوي
صح لسان الشاعر
ونعم في اولاد الحمايل
ويعطيك العافيه أخوي سعود المسعودي
وحياك الله بين أخوانك
صح الله ابدانك اخوي
يعافيك ربي يالغالي
والله يبقيك
وبالمناسبة القصيدة لي انا ولا اعلم مالذي اتى بها إلى شعر المنقول
ربما أخطأت انا بوضعها هنا
ولك اتمنى من الاداريين المسؤلين نقلها للقسم شعراء المنتدى
دمت بخير
رد: عطوات وبلوات والعز يزداد$$ وقحطان والجهنان هم والطنايا
صح الله لسانك والممدوحون يستاهلون المدح واكثر
رد: عطوات وبلوات والعز يزداد$$ وقحطان والجهنان هم والطنايا
اولا حياك الله في منتدى بلي
وبيض الله وجهك على القصيدة الجزلة
دمت بخير
يا سعود المسعودي
رد: عطوات وبلوات والعز يزداد$$ وقحطان والجهنان هم والطنايا
اقتباس:
المشاركة الأصلية كتبت بواسطة مساعد الوابصي
صح الله لسانك والممدوحون يستاهلون المدح واكثر
صح بدنك وتستاهل الطيب
وبيض الله وجهك على المرور المشرف
رد: عطوات وبلوات والعز يزداد$$ وقحطان والجهنان هم والطنايا
اقتباس:
المشاركة الأصلية كتبت بواسطة عبدالله النبهان
اولا حياك الله في منتدى بلي
وبيض الله وجهك على القصيدة الجزلة
دمت بخير
يا سعود المسعودي
الله يحييك ويسلمك وجهك ابيض
والجزل مرورك المشرف
