السلام عليكم ورحمة الله وبركاته
عندما دعينا لزيارة حايل من الاخ الشيخ / سعود الجوعان العنزي ، القيت هذه القصيدة التي اتمنى ان تنال اعجابكم..
سـميت بســـم الـواحــد الاحـد الالــــــه=الــواحـد اللـي مالـغــيــره سـجـــــودي
وبأمره صـــلاة لمن عرج ليلـــة سراه=ووضـح سـرايـر غـيـبـهــا للــوجـودي
وصلـو صـــلاة الجهــر ولا المناجــــاه=ودعوا معي دعوه تـغـيض الحـقـــودي
وقـولـوا معـــي ياللـــه ياللـــه ياللــــه=تـحـفـظ لنــــا امـن الــوطـــن ياودودي
واحفظ لنا الاسلام من صـطـوة اعـــداه=يــهــود ولا مـشــابـهــيـــن اليـــهـودي
ويحفظ لنا القائد ومن يتـبع ارضـــــــاه=في نــصـرة الأمـــه وكـل الـبـنـــــودي
وعز الوطن والـبـيــت لــه رب يحمــاه =مـهـيــج الـــــذرياء ولـو هــي ركـودي
وزيدوا الدعاء مع رفعه اليــد بدعـــــاه=يحفظ لنـــا قــلب الــوطـن والــحـدودي
وينصـر ابومتعــب على من تــحـــــداه =جهرا وسرا من غـيــور وحــســــودي
وتنصر لنا درع الوطن جيشه حـمــــاه =ضـبـاطـهـــا وافــرادهـــا والجـنـــودي
في كـل حـد نـطـلــب الـلــه يـرعــــــاه=واليوم في حد اليمـــن لـــه رعـــــودي
وكلمة ابــو فيـصل وحــنا لـــــهـا رواه=ابن الذي روض جـمـــــيـع الاســـودي
وحـــــــنا ســعوديـــين مــابه مـــراواه=ويفـــخر بــها ايا مواطـــن ســعـــودي
وهـذي وصـيـه وكــل راسـأ به ريــــاه=حضو على امن الوطن بالـعــضـــودي
ومن بعـدهـا ابــد بــقـافـي ومـعـنــــــاه=واحــــاور النـــاقـد بنـقـصـــي وزودي
قـافـاً يـشـرفـنــي إذا جـيــت أبـا اقــراه=اوضـح مـن الـبارق بصحراء النفـودي
قـافـاً سـمات الورد والطيب مـن مــــاه=ولا ذهـــب ومـغـــلــف بـالــــــورودي
اهـديــه مـن نـفـسـا تــحب المـصافـــاه =واللـــه أعـلــم في مـحيـط القصــــودي
واهـديـه لـلي تــاب والـفـرض صـــلاه=وأدرك حــقــوق اللــه قـبــل اللحـودي
واهديـــه للي يـــكرم الضـــيف لا جـاه=ويـــزود لازادت علــيه الــــورودي
رجـــلا فهـــيم ويقــتبـــــس من سجاياه=وعــلى عــيوب الــجار درك السدودي
واهــديـه للـفـارس بـيــوم الـمــلاقـــــاه=للي عـن الاعــراض سـيـفـه يـــــذودي
فارس يـــشـوم عــــن الرزايا بــشـلـفاه =ويارد علــى الصــعبـات قبل الجرودي
واهديـه للي يـرضـي النــاس بـقـضــاه=رجـــلا يـحــل مـعـقـــدات الـعـقـــودي
واهـديـه جـمـعـا وأفـضل الجـمع تقــواه=واللـي مـع اللــــه مـابـقــلـبه لـــهــودي
واهديـه لـلـطـيـب انـــا ويــن مـالــقــــاه=شـوق الـغـنــوج اللي تقض الجـعودي
والـطـيـب عنــوان الشرف والـمســاواه=واللي يريد لـطـيـب يـبــذل جـهــــودي
وفعــل الرجـل مايــارثــه مــن تــحراه=يـبقى مع اســمه وقــف لــين الـخـلودي
وازكى تـحـيــه للـمـعــزب بـــدعـــواه=من يقبل الدعوه بــــنفسى زهـــــودي
وحنــا دعــانـا مثــل ماحنــا دعـينــــــاه=وجيــنا لابن وائل عريب الجــــــدودي
وايـئــا عـنـزيــا يـعــطي الاســـم حــقاه =يرقـى مع العــالــيا مــنازل صــعـودي
وأنا وربعـي نوصــل الـعـلـــم منــهـــاه=فــي كل بـاب ولا نهــــاب الــــردودي
واذا نصـــينا اللي يــفـــرح مـحــيـــــاه=فــي مجلس فيه المشـــايـخ قـعــــــودي
اول كـــلام في الـــمقــــابــل بـدينـــاه=ســـــــلام مـن لابـة بـلـي للــوفـــــودي
وســــلام للي تـفـعــل الـطـيـب يـمنـــاه=في عـهدنا الحاضــر وكل العــهـــودي
ســـلام يـادر بهـــا الجــــود مــنـشـــاه =حائل واهلــها جـود مــن نـبــع جــودي
دار الحــئـســـــه وكل بــيــت ومــبــناه=والــــطــيـب ماهـو بــديـار مــحـدودي
الطــيـب نــور الــــكون اقــصـاه وادناه =وارض الجـزيـره مرويـــه بالــعـدودي
اقلـهـم مـن يقــــنـع الـــضـيــف بـقــراه=وابوسفــانــه في المثـــــايـــل يــرودي
وحنابلـي بالطيب بالـحـــرب بـالجـــــاه=يشهد لنـا سيـف العــــدل والــبــارودي
ويشهد لنا تـــاريـــخ عـهـد قـضيـنـــاه=ويشهد لـنا محمد من أزكى الشـــهودي
وكل القبـــائــل والــرجــــال المسمـــاه=ترقــى سبيل العــز لوهو سنـــــــــودي
واولهـم اللي يـتـبــع الـطـيـب ممـشـــاه=وحب الفضائل في ضـمـيـره تـــرودي
الـطـيـبــه هـي مـلبـســه غــأيــة أرداه=يـحـبـهــا حـب البـخـيــل الـنـقــــــودي
والـطـيــب زرع وكـــل حبــاً من ذراه=واللـه عــليـم فـي ثـمـر كـــل عــــودي
وأزكـى تحـيـه لاول الـحـفـل وأتــــلاه=يـرفـع عـلـمـهــا طيــب بـين الحشودي
عند العـلـم شيـخا على الـعـز مــركـــاه=ومـعـزب واقـــف بـهـيــلا وعــــــودي
سعـــود بـن جــوعـــان لاحـل طريـــاه=يـشهـد له المنسف وعـضـد الـقعــودي
من وسط ربعه ويافق الــمدح شـــرواه=والمدح ظل ان كان ماله قــــيودي
والمـــدح في زوده عـلـى مــن تــبــناه =وإذا نقص كلا بنـضــحه يجـــــــــودي
وفضل علوم المدح صـدقــه ومــغــزاه=لا صار كلمة حـــق فعــــل مـحــمودي
ويـفـخـر بـه الــقايـــل ومن تذكر اسماه=ويفـــخر بـــه اللي في ثـنــاه مـعـدودي
والشعر ديــــوان الــــعرب فــلمحـــكاه=واطـيـبه فـي عــلا المــنابــر يــــنودي
وغـــلاه فــي حــب الــوطــن ومـــولاه =وكــلا عــلى اديـــاره حــنيــنه يـعودي
وزكــاه فــي رد الــــثــناء والمـنـاجاه =وطرح القـضــايا اللي تــســم الكـبودي
وصدقه مايروي عــن الســيــف ذكـراه=في ساعة تـخلف صـــدوق الوعـــودي
واصفا ه مــن ياصـف طبــيعه بــعـيناه=فـي قــفـرهـــا الـــداله وحـذرا شرودي
واجمله في وصـف الكفــوف المــحــناه=وصف عــفـيف برمــشـها والـخـدودي
واردها مــن يــارد علــى الـناس بهجاه=ويـتظهر بـستـر اخـتوه كــثر القــدودي
وؤداعـــة الله وخـــالـق العــبد يــــرعاه=والله علــيــنا بـــــاالمـــكارم يــجــودي
سليمان عبدالله الربيض السبوتي البلوي
