السلام عليكم ورحمة الله وبركاته
مسائكم / صباحكم
خير ومحبه ورضاء من الرحمن
نص متواضع أتمنى ان يرتقي لسمو ذائقتكم
تمثـيل حبك والخـيــانه بطـــوله =إخراجها دمعك وقـلبـك لها انتـــاج
مثـلت دورك بالـغــرام بسهــوله = وألفت قصـة حب وأتقــــنت ألآخراج
وحبكتـها باسلـوب سهـلاً وصوله = وصورتها بإجمل أســاليب الادمـــاج
صرت الضــحية وأنت صرت البطوله= مجروح أناوأنت الــذي عندك اعـلاج
وأصبحت مــغرم فيك منذ الطــفوله=وملكت قلـبي لين الاحسـاس بي هاج
اشغلتني بالحب عــرضه وطــوله= كــني شــراع وتايهاً بين الامـــواج
وين الكـلام اللي عيــــونك تقـوله= ووين الغرام اللـي من القـلب لي لاج
ووين المشــاعر والدلــع والميـوله= ووين الأحاسيس الرقيقة والاحـراج
صدقت نظرات العيون الخجــوله= اللي رمتني بسحرها ظحكة احجاج
وكشفت مالعوبك وبانت فــصوله= وبانت حقيقه أزعجت قلــبي ازعاج
لاشك حنــا للــوفا الـف دولــه= وحنا لهــــا فرسان وجنود وسيــاج
وحنا ترانا من عيال الحمــــوله= وطبع الـوفـا دآيـم على راسـنا تــــاج
والذل والله مــــارظيـنا قبـــوله = ودرب المـــعزة كم لنـا فيه منهـــاج
باعلمك درس الــغرآم وإصـوله= حتى تصـــير اليـوم عبِرة لـــلافواج
الصدق بالإحساس ماحدٍ يطوله=وحب الوفا دآيـم له القلب يحـــــتاج
يوم السنين الماضية والجهوله= الحب مثل الشمس وأبيض من العاج
هذا كلامي وافهم اللي إقـوله= يمكـــــن يصير بدنيتك نور وسراج
وسلامتكم
