سيل حدر مع وادى غير وادية

شي بقلبي ياملا حـاير فيــه
شي تحيرابه العقـول الفـهـامـي
مخفيه بفوادي ولا ودي ابديه
وادور الخيرات شرق وشــامــي
احترت به ما شفت شي يحاليه
اليوم ابنشد عنه مانـي بـكـامــي
سيل حدر مع وادي غير واديه
مدري حلال ماه والا حــرامــي
كانه حلال جايز شرب صافيه
وش حلله يا مفسرين الحــلامــي
هاتوا تفاصيله وهاتوا معانيه
نبي الدليل اللي عليه الكــلامــي
نبي دليل يفهم الدرب ماشيه
يمشي به التايه بليل الظــلامــي
يمشي به التايه ويقدي مواطيه
ويشرب قراح الما ليا صار ظــامــي
احرم من الزقوم مره وحاليه
وشربه على الضامي يزيد الهيامي
الله من قلب همومه تقزيه
تدك به مثل الجراد التهامي
من ما جري قامت تتله مشاحيه
تل الرشا من فوق هدف المقامي
روابع قامت تصيبه وتخطيه
شاف الهوايل واختلاف الاسامي
ما يسمع الداعي ليا قام يدعيه
يعوم في بحر من الهم طامي
ما ينتبه للي بصوته يناديه
يزيد همه يوم كل ينامي
يشوف وقت ما عرفنا تواليه
وقت يشيب من بس الفطامي
هذا زمان كاثرات بلاويه
الغيم يقلب فيه عج وكتامي
يابعد شرب الما على كبد راجيه
ما سيل الغبرا زعوج الجهامي
انبيك يا من كلمة الحق ترضيه
اعطيك ما ينفعك وافهم مرامي
قصر يذلك لا تقابل مبانيه
خاه عسى شامخ طويله هدامي
خله عسى ما صاب اغادير يفنيه
يودع منازله الطويله رجامي
لو زان مدخاله وطالت حواميه
شيد على الخيبه قليل الرحامي
وحي يوريك المذله وتغليه
انا اشهد انك ميت القلب عامي
من لا يودك لا توده وترجيه
ارفع مقامك يا عزيز المقامي


الشاعر الامير/محمد السدير

قصيدة اعجبتني حبيت اشارك فيها وارجوا ان تنال اعجابكم

من لا يودك لا توده وترجيه
ارفع مقامك يا عزيز المقامي
بيت بألف بيت مشكور اخى فالح فذااائقتك عااااليه المستوى
تحياااتى لك

الله يحيي الشيخ فالح بن خلف بن رويحل
الله يعيطك العافية والصحة وطولت العمر أن شاء الله
،،
وبالنسبة لقصيدة السديري هذي معلقة لما فيها من الحكمة والصدع بكلمة الحق والأمثال
ــــــــــــــــ

حياك الله ومرحبا مليون

والله منور وتسلم على تلبية الدعوه

لا هنت على القصيده للشاعر السديري

ومنك مثل العسل

نبي جديدك لا حرمنا من ابداعك


تقبل مروري

لا عدمت حبة خشمك

مرحبا بابوخلف حياك ويعطيك الف عافية وننتظر منك اكثروننتظر جديدك يابوخلف
وتقبل مروري

الله يحيي الشيخ فالح بن خلف بن رويحل
الله يعيطك العافية والصحة وطولت العمر أن شاء الله
،،

لا أعرف طريقالترجمة مشاعر الودأكثر من الدعاء


حفظكم ربىوأدام عليكم العافية واعانكم علىذكرة وشكرة وحسن عبادتة

يعطيك العافية على القصيدة لو ماكتب اسم الشاعر حسبتها قصيدى:d مثل قصايدى

الله سعد مساك يابو خلف

والزين ما يجي منة الا الزين