وش اللي من مواجعنا إلى هالحين ما قلناه
على طاري التخلف , والجهل , والفقر , والمأساة
سلام الله على دارٍ بـــ حد السيف محميّة
بلادي , يا بلادي , يا بلادي , يا بلادي : آآآآآه
تطورنا توقف بين ( عصرية , ورجعية )
بلادي يا بلادي والمواطن صرخته مــٌـعماه
بدون أفواه نصرخ والمواجع مالها ديّة
نشوف العالم الآخر , ونكذب : هــ الوطن نفداه
وحنا كل ما رحنا , نروح , ومالنا جيه
كأن أكبر مشاكلنا ( اختلاط ) و( مفتي ) و( فتواه )
وخلينا ( الحراميّة ) مثل ماهم : ( حرامية )
رؤوس أموال ما تسجد على أرضك خلتك مظماه
تهاجر , تغتسل !! , وتعود ! مأمونة ومرضيّة
نسعوّد فــ الأجانب , والأجانب جنبّتنا .. ياااااااه
على عين المواطن يسرقون بكل عفوية
من التعليم , للصحة , إلى الأمن , المواطن تاه
يدوّر عن أمل ضايع على كف الأنانية
وش اللي من مواجعنا إلى هالحين ما قلناه
بعد .. باقي الرياضة .. وانهزمنا فــ السعودية !
وكانت مشكلتنا (خط هـــ الستة ) .. وقاطعناه
وخليناك يا محمد نجيب وشلتك ذيّه
نعم ؟؟ ايش استقالة ؟ لو سمحتوا سكروا الأفواه
رياضتنا محلية ... لذا تبقى محليّة
بلا كورة بلا هم , وكلامٍ موجع معناه
تعال التحلية .. يمكن تشاهد صورةٍ حيّة
شبابٍ ما لقى غير البطالة عايلٍ يرعاه
يبي يبطي ( كدش ) لو كان فوق الراس طاقية
شوارعنا وجيه أموات مشبوهة !!! بدون أشباه
خصوصية ملامحنا بدون أدنى خصوصية
ورغم هذا وطنّا في يدين تصونه وتحماه
أبو متعب , ملكنا , للتقدم عاقد النيّة
ملكنا العادل الصالح بنى , ونعيش في مبناه
زرع فينا محبته بطمأنينة وحنيّة
سلام الله عليه وطوّل فــ عمره لنا , وأبقاه
وسلام الله على دارٍ بحد السيف محميّة
الشاعر زايد الرويس
رد: وش اللي من مواجعنا إلى هالحين ما قلناه
معنى حقيقى وابحار جميل فى المعنى وبارك الله فيكى ونتمنى المزيد
وتقبلى مرورى
رد: وش اللي من مواجعنا إلى هالحين ما قلناه
الله يطول بعمر ابو متعب وحكومتنا الرشيده
واعاذنا الله من كل حاسداً ومفسد ...
تحيه لك اختنا خياله على هالنقل وصح لسان الرويس
رد: وش اللي من مواجعنا إلى هالحين ما قلناه
جميل مانقلتي
يدل على حسن اختيارك
رد: وش اللي من مواجعنا إلى هالحين ما قلناه
اقتباس:
المشاركة الأصلية كتبت بواسطة صالح مسلم الجذلى
معنى حقيقى وابحار جميل فى المعنى وبارك الله فيكى ونتمنى المزيد
وتقبلى مرورى
مشكوووووووور أخي صالح على المروووور
رد: وش اللي من مواجعنا إلى هالحين ما قلناه
اقتباس:
المشاركة الأصلية كتبت بواسطة سعود عقيل بن مظهر السحيمي
الله يطول بعمر ابو متعب وحكومتنا الرشيده
واعاذنا الله من كل حاسداً ومفسد ...
تحيه لك اختنا خياله على هالنقل وصح لسان الرويس
مشكور أخي سعود عقيل على المرووووووووور
رد: وش اللي من مواجعنا إلى هالحين ما قلناه
اقتباس:
المشاركة الأصلية كتبت بواسطة سعود السحيمي
جميل مانقلتي
يدل على حسن اختيارك
مشكور سعود على المروووووور
رد: وش اللي من مواجعنا إلى هالحين ما قلناه
يعطيك العافيه ومشكوره على النقل
