صحيح بعض السوالف تدمي أسماعي = لاصار هرج العرب خالف مضامنها
ادري وتدري وكل(ن) فاهم وواعي = الناس سياتها تدفع محاسنها
لاتحرك النار تحرق روس الاصباعي = ولحيتك من عام الأول كنت داهنها
طاح الجبل واستوى في متنة القاعي = ولاباقي جبال نمشي في مكامنها
بيوت مثل الذيابة شهب وجياعي = تغزي على اللي يبى يغزي مواطنها
وانا بن مظهر وذكري بالوطن شاعي = من نسل قومن محكحكتن معادنها
من فوق نقد الرجال وكل الأدناعي = ومن تحت حكم الولي روحي مزبنها
دام الحيا للنسا والرجل مايراعي = بعض الطبايع عسى ربك يحسنها
الشمس تحرق وكم للشمس تباعي = وجرتك من العام الاول وين دافنها
تدري وش اللي يطيح دمعه الساعي = ينغر في ناس مبطي مادرى عنها
