ردي على قصيدة الشاعر/ عايد السميري {جــــفــاف الــعـــقــــول }

اقتباس:

---

المشاركة الأصلية كتبت بواسطة عايد السميري

* مع التحيه الى الشاعرالقدير : فالح السميري ..

يابو عـــمـر . وقــتـنا مـايمــد الوافــيه =لا تســريها هجـيني على درب الغواء
الهـــقـاوي مـتـعــبه والدلايل كافـيه= وعـن كـثير القول يغني قليل بـما حواء
وأنت تدري مــدحة اللاش رمـــيه هــافيه=لكن أسمعـني : وكل إمـرء (ن) له مانواء
إقــبـس الحرف وتبـين الوجــيه الطافـــيه=دام حرفك في سماء الشعر(يافالح) ضـواء
ونلـتـقي بالـفـكــر ماهــو بوزن وقافــيه= أنت / أنا ..أو .. أنا / أنت . المـعـنى ســـواء
صـدق إنا بين كومـة قـلـوب(ن) غــافـيه =مايصحــيها دويّ الكلام اللي دواء
نرعد ونبرق عطاء فوق جرد (ن) صافيه=ماتقدر نزلة الغـيث لو شبعـت رواء
تحـسـب إنه طايح(ن) من عـلو العافيه= طيحة (ن) ماطاحها إلا بعد ضغط الهواء
إييييه . وأنا كـنت أحــسب المشاعر دافـيه=لين مـــا برد الـنوايا لـشـرهــاتي كــواء
بعــدها قـلت إن (واو) الجــماعه نافيه= مع حروف النفي وإن قلت (لا) مالك لـواء
هــكذا الآصــح . دام الضـماير خــافيه= خلنا من / هم ، هي ، وأنا , وأنت.. وهــوّا
وش عــلينا من جـفاف العــقـول الجـافـيه= فـكرها ماياصـل أدنا حدود المـسـتواء
والهـقــاوي مــتعـبه والحقايق كافــيه= وعن كثير القول يكفي قليل بـما حـواء
والســلام خـــتام وإلك التـحــيه وافــيه= لو ورى حدب الضلوع ( الصبر) ذيبه عـواء

* عايد السميري

26 / 3 / 1431 هـ

---

ردي على / عايد السميري

السحابة يالسميري علينا ضافية=نزرع وننظر ياعايد لمنتوج النواء
لا انتجت قلنا ياعايد عساها شافية=وبالخسارة كل واحد لمجهوده طواء
ولا تسج الرجل ياصاح وهيه حافبه=واحسب احساب الظماء يالسميري والقواء
والبحر لا تطبه الا معك مجدافيه=لطما موجه قليل اللي لموجه قواء
والبشر انواع مترامي الاطرافيه=ينعدل واحد والاخر صعيب الالتواء
فيهم اللي مثل ماقيل بالاسلافيه=وز بشداده للارنب ولا حصل شواء
وفيهم مجود ولا واق بالمشرافيه=فالاصل مافاد بالحر يوم انه ثواء
وفيهم اللي تتركه ماعليه احسافيه=مايفيد الناس ولاحصل لنفسه دواء
لو تقول المقفيه وجهها لي لافيه=وان عنتر شيف قبل امس بعيون الجواء
صدقوك وظنو انك من العرافيه=ناس تجهل يالسميري رموز المحتواء
والشعر في ذا الزمن طالعه له مافيه=ياخذون ولا بجيبون شعر ولا رواء
دوم تلقاهم لحلو الحكي صرافيه=ولا انحرج واحدهم يدور دروب الزواء
بس لا تحرم حروفك ربوع القافيه=ناس يطربهم سنا حرفك لامنه ضواء

((فالح عايض السميري))

تحيه واعجاب لهذا الجمال

صح السانك ملايين

.
.
.

ودي

صح لسانك ابوعمرصاحب التميزاتيت لنابسحابةشعرامطرةلنامن مزونهاقصيده متميزه


مع التقديروالاحترام استاذي الفاضل



مع التحية ابراهيم السميري

فالح السميري الله يعطيك العافيه
دائماً قصائدك مميزه صح الله لسانك

الله يعطيك العافية يا أبا عمر

قصيدة تحتاج الى تأمل فهي تحوي معاني جزلة

.

صح فكرك

بسم الله الرحمن الرحيم

الاستاذ والشاعر الجميل:فالح السميري

انسان جميل وشاعر جميل حفظك المولى

الف صح لسانك

تقبل اعجابي وتقديري

ابو عمر سلمت يمينك وصح لسانك
وتحياتي

اخوي مرضي

اسأل الله ان يرضى عني وعنك

اشكرك على لطف القول وعسى الله يوفقك

البيت الاخير .. ضروري كما تفضَّلت

صح لسانك

صوت وصدى وإبداع تلو إبداع

سلامي لك يا بو عمر

ولاهنت على هالبدع

ألف شكر لك

ابو عمر وفيت وكفيت بردكـ


صح لسانكـ وسلمت ودمت .. من القلب شكراً لكـ ياغالي

ابراهيم السميري

نورت شعري يابو صالح

وفقك الله

لو تقـول المقفيـه وجههـا لـي لافيـه
وان عنتر شيف قبل امس بعيون الجـواء
صدقـوك وظنـو انـك مـن العرافيـه
ناس تجهل يالسميري رمـوز المحتـواء

صح لسانك استاذي فالح السميري
لاهنت على المشاركة
بأنتظار جديدك

تقبل مروري

استاذي ابو عمر



صح لسانك ولا يهون ابو زياد



مبدعين

لكم جميعاَ كل الود والتقدير


تحياتي

الشاعر / فالح السميري


صح السانك



نص جزل وكفيت ووفيت


محبتي لك :|for you|:

سلطان القنيدي

استاذي الفاضل 00 ابوعمر 00 قرأت الشعر وعندما أقول الشعر
يعني ما نفتقده غالباً يوجد هنا
انتقائية بعناية فائقة للقافية وجرسها الموسيقي الغنائي المفرط
شدوت ابا عمر فأبدعت وأسرت القلوب
تحيتي وتقديري00كن بخير

ع س ل البلوي

كلامك عسل زاد شعري حلاوة

تسلم وعسى ان يكون لك من اسمك نصيب

أبو عمر

صح لسانك وفكرك .. وسلم راسك ..

وتقبل تقديري واحترامي

الله يعطيك العافيه قصيده مميزه وصح لسانك

اخوي موسى

اشكرك على نواجدك معنا ومثلك له قدر خاص عند كل شاعر

مرورك اعشوشبت منه صفحتي وانتجت عطر الحب والوفاء والأخوة

الشاعر الكبير فالح السميري




صح السانك



قصيدة رائعه جداااا

تقبل مروري

جميل انت ياحمد الساري

فمروك يزيد شعرنا جمالاً وبهاء

فالح عايض السميري

لااخفيك اني معجب بشخصك اولا وبشعرك ثانيا

حفظك الله وصح لسااااانك

ودمت كما تحب وترضا

اخوك .. رائد

اشكرك ياسلطان السميري

مرورك له مقدار عندنا كبير لأنك شاعر كبير

اشاعر الاستاذ //فالح عايض السميري,,


اقف امام هذا النص الشامخ,, الرائع..

لاقل لك استاذي,, صح لسانك وسلمت اناملك..


تقبل مروري المتواضع

اخوي الغالي الشاعر الجميل سلطان البوي

يكفيني مرورك لما له عندي من معاني كبيرة

ابو زياد

لك بصمة خاصة عندما تسمح لقلمك بالمرور على صفحتي

تقبل مني تقديري

اخوي فواز

سرني مرور قلمك الراقي على متصفحنا البسيط

لك مني كل شكر

اخوي الشاعر العذب الجميل محمد عوده

لك مني كل تقدير على مرورك العطر